BB / 幼兒皮膚脆弱嘛, 轉季周不時都好易敏感, 面仔同 body 經常一撻二撻泛紅 / 痕癢 / 甩皮仔 (莫講話 BB, 其實大人都係), 搽乜可以快速 K.O?
我有好介紹呀! 🙋🏻♀️
呢支西班牙「ISDIN」面霜係我早幾個月前 SaSa 買的, 當時呀 B 皮膚敏感, 屋企搽開嗰支 Marine Elements 抗敏面霜又用晒, 唯有急急腳衝去附近 Sasa 揾支取替品頂住先.....
揀佢純粹係俾盒上張 before & after 相吸引, 因為呀 B 當刻塊面真係好似張相咁紅卜卜 →
發現原來都好有效喎! 搽咗 2-3 日就好似張 after 相咁退晒紅, 變返正常! 👏🏻
雖然係 BB 面霜, 不過大人當然可用, 我都有搽過好 work!
產品資料 →
ISDIN 敏感皮膚 / BB 舒緩修護面霜
ISDIN 為擁有 40+ 年歷史的西班牙醫學專業䕶膚品牌, 產品全經皮膚科及兒科專家通過嚴格研究測試, 不含色素 / 激素 / 香料 / 防腐劑。
而呢支面霜就以「仿皮脂層結構」技術研製, 分子結構與人體皮膚接近, 容易被吸收, 更具獨家專利成份「抗菌肽」+ 聚多卡醇 + 乳木果油 + 角鯊烯, 能有效對抗皮膚真菌 / 細菌 / 病毒 / 敏感 / 濕疹, 增強皮膚自身防禦力, 在肌膚表面形成保護膜, 減少外界環境刺激, 快速舒緩濕疹發紅痕癢。
$151.2 @ SaSa
我早幾個月買時係 $189, 點知最近經過就見佢減咗價.... 😓
醫學研究數據指持續使用 6 星期, 可改善濕疹 / 痕癢 / 發紅症狀達 85%! →
初生 BB / 幼兒 / 大人, 一家大細都可以用, 搽面搽 body 敏感都 ok 👶🏻👧🏻👩🏻
早前推介 Wiish Derma「等離子 treatment」篇文, 都有提過我去完旅行返嚟因溫差而敏感爛面 →
文內都有講過話搽乜都攪唔掂, 最終要動用呀 B 支抗敏霜先有好轉, 講嘅就係呢支 ISDIN ☺️
厚厚地搽咗 1 晚 (因為佢質地好薄), 第二朝起身已經明顯唔再痕 + 冇咁紅 + 退咗 20% 粒粒~ 見好似幾有效咁, 後來就早晚搽多 3 日, 見啲粒粒同敏感情況都有退減咗一半, 以塊面爛成咁只係搽咗 3 日貨仔計, 都已經算好好了~
後來剛好第 4 日我就去咗做等離子 treatment, 再推佢一把 boost up 咗就叮一聲好返晒~ 🙌🏻
好返之後我都仍然仲有搽, 我皮膚薄易敏感 + 泛紅嘛, 久不久都會出現類似過敏狀況, 搽下佢預防勝於治療, 不過嫌佢有啲薄身唔夠潤, 所以都只在早上搽~
至於 body 敏感我就試過搽 2 晚已經好返晒 →
呀 B 塊面都係類似呢種敏感, 搽 3 日好返咗~
價錢唔貴又有效, 唔錯唔錯 👍🏻
沒有留言:
張貼留言