圓管嗰支 Traceless 粉底液試過上面認為遮瑕度唔夠高, 而佢支粉條我又冇興趣, 結果就買咗今次介紹呢支「防水高遮瑕粉底液」, 用咗幾日又覺得幾好喎! 寫個 review 俾大家望下先~
Waterproof Foundation / Concealer →
為 Tom Ford 首款高度遮瑕兼防水的粉底配方, 質地輕盈舒適, 不會對肌膚造成負擔, 能均勻膚色之餘, 遮瑕度更高至可作為遮瑕膏使用, 修飾黑眼圈 + 色斑, 甚至可遮蓋紋身。高效防水配方能抵禦炎夏汗水, 即使在潮濕天氣或暴雨下仍能保持持久妝容。
$690 / 30ml @ 連卡佛 Tom Ford 專櫃
價錢係唔平 (Tom Ford 一向都貴), 但只要係好用都值回票價嘅, 反正一支用到勁耐 😉
上次買佢盒氣墊粉底 #4.0 認為顏色偏白咗少少......
其實係我搽完一排美白棈華後膚色變白咗, 攪到塊面同條頸兩截色, 所以今次特登買隻深色啲嘅 #5.5, 打算搽深少少塊面同條頸 balance 返。
而 #5.5 已經係最深色, Tom Ford 粉底都偏白
粉底屬薄身乳液質地, 摸上手亦比較水感 →
一搽上面印幾印就 feel 到佢會啜實皮膚, 遮瑕度係勁高! →
建議份量每次用少少就夠, 宜逐少添加, 否則會厚妝
搽勻全面後 →
屬全啞緻妝效, 零光感的, 遮瑕度高得來又唔覺得侷身, 搽少少份量已足夠均勻膚色, 如局部於眼底 / 色斑 / 泛紅位置印多一層, 仲直頭連 concealer 都唔使搽! 妝感無瑕之餘, 持久度亦好高, 由返工至放工都冇溶過妝, 全日零油光~ 😍
呢支特別適合油性肌 / 混合肌用, summer 用更加係一流! 👍🏻
不過保濕度就偏弱, 建議隨後定妝用極少碎粉輕掃就夠, 甚至只局部掃碎粉都夠, 否則會太乾 / 太啞緻。至於 dry skin, 好似我咁其實都勉強用到, 但用前必需搽滋潤度嘅防曬或 makeup base 打底, 否則會覺得乾。
Close up 再睇 →
雖然冇特別話可修飾毛孔, 但其實都有撫平咗啲啲, 至少冇令毛孔顯眼咗
但要注意佢保濕度較低, 一印開就好快變乾啜實皮膚, 所以一定要搽好保濕品打底, 兼且要快手印開 / 推開, 否則會好易卡粉推唔開 →
只要有搽保濕品打底 + 快手搽勻粉底就冇問題 😊
防水測試 →
既然講到咁防水, 又話暴雨都唔怕, 我就特登搽嚟去做 gym 爆汗測試下 😂
(平時做 gym 我係唔會化妝的)
又真係流到成面汗都冇溶過妝喎! 濕成咁成個妝都依然健在, 就算中途用紙巾印過汗都冇甩過粉, 妝亦冇花過, 犀利! 👏🏻
防水度咁強, 嚟緊夏天唔用佢唔得啦~~
沒有留言:
張貼留言