而我今次就係收工諗住返屋企, 點知老公突然打嚟叫我 join 埋佢啲朋友食飯, 收咗線先醒起自己全日帶口罩開工冇化妝喎! 成個手袋得 1 支潤唇膏, 點見人呢?
好彩一早紋咗眼線 + 整咗角蛋白睫毛, 至少叫做「有眼妝」🤣
又好彩餐廳出面就係 FACESSS, 於是就打算揾個 counter 買支唇膏搽下, 等個嘴有返啲色, 至於底妝...... 我已經豁咗出去諗住素顏算數 😆
結果衝咗入 Paul & Joe, 全因當時佢 counter 冇人唔使排隊等 haha~
不過等 sales 姐姐幫我攞貨開單嗰十幾秒間, 我又試咗兼買埋佢盒粉底。冇計啦, 佢個限量版鏡盒靚到咁, 好難望唔到喎, 咁既然望到喇, 咪順便試埋上面囉! 🤣
就係咁, 又係於 sales 姐姐收錢嗰十幾秒間, 我就已經拆盒化咗個底妝, 再於行去餐廳途中搽埋支新唇膏, 成個妝攪掂咗, 節奏好緊湊~ 😆
話晒走入 Paul & Joe 係為咗呢支唇膏, 就介紹咗佢先啦! →
典雅瑰麗唇膏 (透亮 Clear 系列)
係質感透薄、有透明感、唔實色嘅唇膏, 比較似唇彩或有色潤唇膏效果, 屬高亮澤感同水潤妝效, 搽咗仍可透現到自己天然唇色, 保濕度亦高。
$260 唇膏芯連唇膏筒 (共 3 色選擇) @ Paul & Joe
我買嘅係 #102 號色 →
試過 #101 好淡色, #103 又太深, 於是揀咗 #102 橙紅 💄
屬於有透明感嘅透薄質感, 效果好 natural →
搽上唇效果, 屬於唔太深色嘅半透感 →
我個嘴已經夠大, 紅唇偶爾玩下就得, 經常搽就免喇, 平日都係習慣搽呢類 sheer 質感唇膏居多, 微微添增血色夠自然又夠潤澤, 啱晒我!~~ 😍
雖然售價係唔平, 不過顏色同效果都好好, 加上佢個唇膏筒雕晒花咁又真係好靚、好吸引嘅~
至於粉底 →
為深受歡迎的「水凝透亮啫喱粉底霜」之升級改良版, 以 80% 水份作基底, 保濕度高, 並蘊含精華素成份, 能為肌膚注入大量水份, 變得水潤幼滑亮澤。獨特的啫喱質感粉底, 能輕易於肌膚上溶化及延展, 觸感柔滑, 令妝容更完美無瑕。
$320 粉芯 / $140 鏡盒 (total $460) @ Paul & Joe
http://www.paulandjoe-beaute.hk/index.aspx
春季新出嘅限量版鏡盒當然係靚好多! ($140) →
平時嗰個香檳金色鏡盒亦唔差 ($130) →
不過比較之下就覺得新嗰款靚啲囉 😉
初初打開望上去確係有啲古怪, 會見到一格格 →
不過抹開之後就可以見到質感同一般粉底霜無異, 都係濕濕哋嗰種 →
而附設嘅 sponge, 就同 sasa 買到嗰啲普通粉樸完全冇分別, 真係好平凡! →
用佢上粉會 "索粉底" 入棉芯, 又唔夠均勻, 嚴重影響粉底搽上面嘅吸附力, 令到明明好用嘅粉底都會變得唔好用......
建議改用 beauty blender 或類似嘅粉樸上粉, 效果會好多倍! ☺️
今次揀嘅色號係 #002 →
會比我膚色偏深丁點, 不過我一向唔鍾意搽到咁白, 二來之前都有提過我用咗美白 serum 之後塊面白過條頸, 所以會刻意搽深少少色粉底 balance, 所以今次買 #002 就剛剛好~ 😉
(Paul & Joe 我以前係用開 #102)
試上面睇 (是日冇乜陽光, 影得有啲暗) →
屬於潤澤透光妝感, 可以見到遮瑕度都唔太弱, 屬中等 coverage, 要 cover 泛紅 / 均勻膚色搽 1 層都夠, 黑眼圈就遮到一半左右, 粉質夠貼面, 保濕度方面係非常好~ 👍🏻
粉底質地本身係好容易推勻, 但如果之前搽嘅 skincare 太厚 / 或未吸收晒就上粉, 咁粉底就會變得難推 / 漿住起擦膠粒碎碎, 所以凡係用粉底霜就要記住呢點了~
完妝效果 (未搽遮瑕膏 + 碎粉) →
呢個係用佢附設嘅粉樸上粉效果, 我只能話係 ok, 但就完全凸顯唔到粉底優點, 反而仲降低咗粉底性能, 用佢個粉樸除咗層疊唔到遮瑕度, 亦修飾唔到毛孔紋理, 普普通通一個底妝咁。
亦因為佢個 sponge 上粉唔夠貼, 所以 1-2 小時過後就開始浮粉了 →
不過都未使灰心住嘅, 如我所講, 試下換工具再 try try, 真係唔得先灰心都未遲 😆
改用 beauty blender 上粉效果 →
真係好好多呀~ 😍
明顯地更貼面 + 修飾到更多毛孔 + 妝感更光滑, 遮瑕效果近乎完美, 泛紅 / 斑斑亦 cover 到~ 妝容持久度亦變得好咗, 約 3 小時後先開始出油, 溶妝時亦冇咁浮粉。
不過呢盒 Paul & Joe 始終係保濕潤澤型粉底, 唔係啞緻 type / 零控油作用, 持妝度唔算高, 隔耐咗有油光係無可避免, 到時再補妝就 ok, 我反而幾鐘意佢嗰種光滑水潤妝效, 感覺飽滿啲冇咁乾爭爭, 但遲啲夏天咁熱用佢就有少少保留 😅
只適合乾性皮膚用喔, 偏油肌不合適~
沒有留言:
張貼留言