雖然未到夏天, 但各大品牌已陸續推出「防水防油持久粉底」喇~
其實而家天氣仲咁清涼, 汗同油都未有一滴, 咁早試夏天粉底係好難測試到防水防油效果, 認為入季先開始試至係最準確嘅評價, 始終咁涼去試夏天粉底, 係一定會有 bias 認為妝感會乾嘛。
不過實在有太多人 inbox 問嚟緊夏天買咩粉底好......
咁我就唯有早啲開始試, 分享下用後感, 等大家預早睇下知道下, 但買就睇定啲先啦, 建議等天氣熱啲再去 counter 試~ 😊
今次係試 Shu Uemura 新出夏季「Unlimited 無限輕透持妝粉底液」→
無「焗」限 → 輕盈、透氣、不厚妝
無「時」限 → 防水、防油、不脫妝
無「色」限 → 亞洲 pantone 自然妝感, 輕透如無物, 絕沒有面具感, 讓肌膚呼吸同時更能遮瑕, 即使在亞洲的潮濕天氣下, 16小時依然持久貼服, 讓底妝像肌膚一樣, 全日貼薄霧光。
$400 / 35ml @ https://www.shuuemura.com.hk
(trial product sponsored by Shu Uemura)
四四方方瓶身有別於其他 foundation, 設計都幾潮 →
睇上去以為好細支, 實際係比普通 30ml 粉底液仲要多出 5ml 容量 ☺️
顏色多到有 24 款色揀! →
色調全由專業化妝師為亞洲膚色度身訂造, 無論屬於咩膚色, 都一定會揀到適合自己嘅顏色 👍🏻
我用嘅係 #564 medium light sand →
會比我膚色略為深一號, 但自己嘅偏好係鐘意搽深色丁點, 唔鐘意太白 ☺️
屬 liquid foundation 質地, 比較稀身 →
推開後都見到質地好水感 (用前需搖勻) →
用後效果 (未搽遮瑕及碎粉) →
屬啞緻霧面妝感, 零油光但同時亦零光澤感, 較適合油性肌用, 鍾意光感底妝嘅人就唔多啱了。
大多數啞緻霧面 + 防水防油程度高嘅粉底, 保濕度都會偏弱, 呢支 Shu 亦唔例外, 雖然搽嘅時候係 feel 到好水感, 但一搽勻就好快變乾, 搽得太慢就會卡粉, 所以建議用 foundation brush 上粉會更快、更易推勻, 唔好用手搽, 用粉樸都麻麻。
而遮瑕度係屬於中上, 均勻到膚色, 遮蓋到泛紅 + 唔太深色嘅斑斑, 黑眼圈都 cover 到一半, 都算幾無瑕, 妝感亦唔太厚, 感覺唔侷身~ 😌
我係乾性肌, 用呢支 foundation 會乾我就預咗了~
本來呢類粉底就係為 oily skin / 夏天而設, 唔係俾我呢啲 dry skin 用嘛, 而家天氣仲要凍凍哋, 用後就一定會乾啲 / 唔夠貼面 / 現毛孔了, 只要對號入座去揀適合自己 skin type x 啱天氣用嘅粉底就 ok~ ☺️
乾肌人本身已冇乜油, 再用控油粉底難免會乾上加乾, 令毛孔更現形, 鼻翼偏乾位亦會難貼粉 →
雖然係乾咗啲, 不過遠返少少睇都可接受嘅 →
由於隻粉底唔啱我膚質用, 最終化完妝我頂唔住再噴咗保濕 spray, 即刻好好多~
而佢又真係做到超持久不脫妝嘅, 化完妝全日 12 個鐘少少溶妝都冇, 勁 long lasting!
但都係嗰句, 呢支 foundation 係俾 oily skin 用 / 夏天用的, 而家天氣未夠熱去試就點都差啲, 感覺會有偏差, 建議大家就算有興趣都等再熱啲先去 counter 試會更好~ 😉
沒有留言:
發佈留言
注意：只有此網誌的成員可以留言。