Clinique 新出「鮮榨維他命 C + A 美白煥膚精華」用後感

Clinique 最近新出嘅日 + 夜美白煥膚精華套裝, 大家有留意到嗎?~

收就收到好耐了, 但用就慢慢試先試得真, 所以係用咗 4 星期先寫用後感 😆

今次主角係有分日 / 夜版, 日用嗰支係美白亮肌, 而夜用嗰支就有收細毛孔 + 去皺煥膚功效~

PR 會睇都係咁講...... Clinique 嘅護膚品我唔係冇用過, 不過就認為唔多啱我呢啲中女, 所以都冇買好多年了, 亦冇特別留意佢。但係今季新出呢 2 款精華我覺得真係 work 喎! 有驚喜 🎉

而且佢嘅用法仲好特別𠻹! 

為確保新鮮, 每支都係小瓶包裝, 每次用時係只 mix 2 滴落自己嘅面霜度用, 唔係單用㗎~

所以細細支都用到勁耐! 6ml 我足以用到 3 星期了! 🎉

(trial products given by Clinique)

日 + 夜精華套裝 $680 (日 8.5ml / 夜 6ml) 

https://www.clinique.com.hk/

留意對維他命 A 或 C 過敏 / 皮膚易敏感嘅人 / 孕婦 / 餵緊母乳係唔用得喔 🈲

產品資料 →

Clinique「日用 Fresh Pressed ™ 活性維他命 C 精華」 

蘊含黃金比例 10% 新鮮純維他命 C, 只需每次於日霜及晚霜中加入 2 滴, 即能為肌膚注入每日所需的養份, 全面煥發活力與光澤, 減褪細紋和皺紋, 減淡黑斑, 輕鬆活膚抗衰老。

獨立封存包裝可保持維他命 C 新鮮度, 發揮最佳功效, 釋放最強抗氧嫩肌力量。  

Clinique「夜用鮮榨維 A 精華」→   

具超強抗皺成份維他命 A, 含醫學級抗皺成分 Retinol, 

晚上使用能徹夜激活肌膚, 高效緊緻、撫平細紋、收細毛孔、令皮膚更細緻有彈性, 重喚彈滑嫩肌。獨立封存包裝可保持新鮮度, 發揮最佳功效。  

一睇圖就明白日 / 夜 2 支嘅分別 → 

每支底部都有鍚紙封條 →

撕開後用力按下呢個凸起嘅軟膠位, 就可釋放高純度維他命 C 粉末入精華內 →

原理係咁嘅 →

而之後每次使用前都需要先搖勻, 搖晃時記住要關好瓶蓋!

千萬唔好打開瓶蓋去搖呀, 否則精華會流到一地都係 ⚠️

特別之處當然係佢嘅用法啦 😊

呢支精華係要混合平日用開嘅日霜 / 晚霜用, 並非單用的, 每次倒 2 滴落掌心 mix 面霜再搽

至於每滴即係幾大滴...... 

建議初用就由小滴開始吧, 等皮膚適應咗先~ 我自己調嘅比例就係大大滴 😅

而 mix 啲咩牌子面霜亦冇限制, 唔一定要用返 Clinique 嘅面霜。但因 2 支精華分別含有維他命 C 及 A, 本身已具美白煥膚功效, 就唔好再 mix 含果酸 / 煥膚 / 美白 / 去角質成份嘅面霜喇, 怕會太 aggressive 刺激皮膚。

另外日用嗰支維他命 C 精華, 亦唔建議 mix 防曬霜用, 要 mix 普通保濕面霜。

由於呢 2 支精華係 mix 面霜用 = 屬面霜 step 嗰一步

所以如果自己有搽開其他 serum 係可以照用冇衝突, 不過又係唔好配合含果酸 / 煥膚 / 美白 / 去角質成份嘅精華用 ❌

用後感 →

2 支精華我早晚用咗 4 星期, 係覺得有唔同到嘅! 👍🏻

但就唔係首次使用就覺得亮澤度有即時提升 36% 咁誇張, 我係用咗 2 星期之後先望到有明顯 difference。

早排咪講過我用過其他美白 serum 之後, 塊面已經白過條頸嘅? 而家再用埋 Clinique 我塊面又再變白咗, 點攪好.... 尤其當冇化妝去做 gym 時望住 gym 房塊巨鏡, 就會見到塊面白過條頸同 body 好多, 膚色差咗成截好大對比 😅

所以美白功效我係無可置疑, 同時亦有覺得膚色均勻咗 + 亮澤咗 + 紋理毛孔都係有改善, 但就攪到老公問我點解個防曬搽到咁淺色囉, 其實..... 其實...... 我冇搽嘢去做 gym 呀先生 👉🏻👈🏻

精華我係有搽埋頸㗎, 不過唔知點解我條頸死都唔肯變白...... 之嘛 😂

而用咗呢 2 支精華後有咁明顯嘅改善, 我覺得最主要嘅因素「係因為我冇跟產品用法去用」。

即係點❓❓❓🧐

產品建議要 mix 面霜用, 主要係因為維他命 C / 維他命 A 嘅濃度關係, 怕會太強效刺激到皮膚, 呢點大家估到。

初時我係有依產品用法去用, 但第 2 星期我就改為單用冇 mix 面霜, 當佢係普通 serum 咁搽。

點解咁大膽?

首先日間嗰支維他命 C 精華濃度係 10%, 我過往已用過高過 10% 都冇試過敏感, 所以就冇乜 concern 夠膽單用去試, 至於晚間嗰支維他命 A 精華雖然冇標明濃度, 但我亦曾經用過好多高濃度維 A 護膚品, 所以又係冇 concern。

單用試咗 3 星期我係完全冇敏感過, 亦冇任何刺面感 / 溫熱感 / 泛紅等等, 反而仲覺得見效又快又明顯咗喎!! 😲

但當然呢個只係我嘅用後感, 唔係建議人人學我咁單用呀~ 

始終唔係所有皮膚都接受到個濃度, 有啲皮膚甚至係連微量維 C / 維 A 都會過敏, 萬一唔得的話就得不償失了, 我只係純粹分享一下自己單用嘅感覺效果係咁啫~ 而品牌亦有講如皮膚用後冇出現過敏, 亦都係可嘗試單用的~