話說早排屋企支洗面膏用晒唔記得咗買, 唯有衝落 SaSa 求其買支頂住先......
Loreal / 肌研 / Kose 嗰類我冇乜興趣, 而 Shiseido / 雪花秀 / Clarins / Kiehl's 嗰啲以前又已經試過, 睇下睇下結果就買咗今次介紹呢支「日本 Rejuarna W Cleansing Foam」~
上年都有用過佢嘅保濕爽膚水, 係幾 ok 嘅, 而且品牌仲話成個系列都冇人工色素 / 人工香料 / 礦物油 / 防腐劑, 估計支洗面膏應該都唔差得去邊吧?~ 😌
上年 SaSa 曾經 send 過同牌子嘅爽膚水俾我試, 用後都覺得唔錯, 所以今次就決定買佢支洗面膏 try try 😊
爽膚水舊文重溫 →
產品資料 →
Rejuarna W Cleansing Foam
紅石榴花萃雙效卸妝潔面乳
具卸妝 + 潔面淨膚功效 2 合 1, 有效去除面上油脂污垢, 能洗淨面上的防曬霜 / 隔離霜 / 化妝品殘餘物, 為暗沉、粗糙、疲憊、無光澤肌膚帶來光滑觸感, 潔面後不繃緊不帶走肌膚水份, 感覺倍添滋潤。
主要成份 : 石榴萃取 、桃核仁油、浸透型玻尿酸、桃葉萃取
不含人工色素 / 人工香料 / 礦物油 / 防腐劑
made in Japan
$136 / 100g @ SaSa
我見佢初入 hk 時明明係賣 $240, 但我 3 個月前買嗰陣已回落至 $136, 上個月經過 SaSa 時再望仲好似減緊價 $88 𠻹! 喂喂..... 都好海鮮價喎....... 😅
So far 已經用咗 3 個月, 大約用咗一半份量 →
價錢平嘅好處就係唔使慳住用~~ 😆
雖然係平, 但包裝瓶用料一啲都唔差唔馬虎, 係好紥紥實實有手感嗰種 →
包裝用料感覺上仲好過啲貴 brand! 👍🏻
而洗面膏質地就有啲似牙膏 →
會有少少清淡花香, 但就冇添加人工香料
加水按摩後會起微泡, 但就唔係勁多泡嗰種, 感覺似「洗面膏 mix 洗面奶」→
反正我都唔鐘意用勁多泡嘅洗面膏, 覺得用後會好乾..... 但若果唔起返少少泡呢, 又總係會 "凝住" 佢洗得唔夠乾淨喎! 😅
呢支微泡就剛好滿足到我要求~
用後感 →
當冇化妝只係搽咗防曬或 base, 就算唔用卸妝品, 單用呢支「Rejuarna」洗面都洗得夠乾淨, 用後又確係唔乾唔繃緊, 係 feel 到有保濕感嘅, 摸上塊面嘅觸感亦柔柔滑滑, 洗完望上去紋理又真係冇咁深, 唔錯喎! 今次呢支冇買錯~ 😍
以一支 $100 蚊左右嘅 cleansing foam 嚟講, 洗完面唔乾兼有保濕度 + 夠乾淨 + 又冇香料 / 礦物油之類, 都經已算好好喇, 至少好過好多牌子先!
用嚟卸妝又得唔得?
曾經提過好多次化妝品唔多唔少一定含有油份, 要用返含油份嘅卸妝品「以油溶油」先會最乾淨, 如 cleaning oil / cleansing balm 之類都含有油份。
至於呢支「Rejuarna」呢, 成份都含有少量油份, 可以溶解到化妝品, 不過就只局限於底妝品 / 防曬 base / 胭脂嗰啲, 眼妝眼線就唔使諗喇, 都係用返 eye makeup remover 啦~ 😉
我平時有化妝係習慣先用 cleansing oil 卸妝, 再用呢支「Rejuarna」洗面, 如果你打算用埋佢嚟卸妝, 咁就建議最好連續洗 2 次, 第 1 次係溶解浮起化妝品, 第 2 次係將臉上剩低嘅化妝品殘餘物帶走, 咁就唔使怕會唔夠乾淨了~
沒有留言:
發佈留言
注意：只有此網誌的成員可以留言。