呢條收腹帶我經已想買好耐喇!
本來仲心思思諗緊好唔好上 HKTV Mall 網購 ($99), 仲猶疑緊究竟佢有冇效, 點知前幾日放工行行下竟然於「卓悅」見到, 仲要減緊價 $79 喎!
好啦! 都係唔諗咁多買咗先, 就算唔 work 最多都係跌幾十啫, 就當交個學費 try try 先~ 😉
想知佢係被吹捧先講到咁神, 定真係咁有效? Roll down 繼續睇啦~
Let’s Slim Salua Health Waist
鍺石溶脂魔塑收腹帶 (修腰 / 減肚腩)
布料上附有韓國唯一專利特殊藥制瘦身燃脂顆粒 (專利鍺元素顆粒), 通過韓國大學國家運動選手親身實驗, 穿上後活動 / 走路 / 運動時能透過摩擦自動產生微溫, 加速血液循環, 去除浮腫, 並加強消脂效果, 運動時穿上更能每小時消耗 376 卡路里, 令修腰效果事半功倍。
可 24 小時穿戴, 日常生活與運動均可。採用專利彈性布料製造, 統一 free size 但彈性度極高, 無論著開 S-XL 都能穿上, 男女都適合用。
88% polyamide, 12% polyurethane
Size : 25-27cm
Made in Korea
有膚色 / 黑色選擇 →
HK 出售嘅大多係黑色, 我都係買黑色, 冇咁易整污糟嘛, 而且將來著耐咗望上去都肯定會冇膚色咁殘舊~ 😊
而佢啲超密集「專利鍺元素顆粒」係軟身的不刺肉 →
著咗係唔會察覺到有顆粒~
穿戴方法
請留意廣告相為咗要顯示到啲鍺元素顆粒, 所以全部都係反轉示範, 正確穿法係 👉🏻
有顆粒嗰一面應貼住皮膚, 黑色冇顆粒嗰一面向外
溫馨提示 : 只能手洗, 不可機洗
我平常返工著冇出汗唔會日日洗, 洗嗰陣我都只係用皂液輕輕搓洗後晾乾, 怕用洗衣粉 / 洗衣液洗得多會破壞啲鍺元素顆粒效果。
於卓悅買到嘅係呢款「新升級版」, 除咗高度加長咗, 仲多咗一行防滑邊 →
著咗 2 星期覺得幾好, 諗住去買多條替換啦, 點知已經 sold out, 唔知幾時返貨...... 😔
但都可以上 HKTV Mall 買到, 佢同樣話係新版 :
不過其實仲有再新款啲嘅星形顆粒圖案 →
由 4 個月前生完 bb 後, 我一直都有著呢類束腰褲 →
但束腰褲就只能將肉肉暫時箍緊收起, 並冇任何減肥效用, 所以著咗 4 個月啲肉都冇少到.....
而且彈性有限兼偏窄, 穿上已經有難度, 著起又緊到一個點, 每次去 toilet 更加係想死! 日日著咁長時間係好辛苦好折磨, 但生完唔著肚皮又會鬆喎! 😫
至於呢條 Salua 彈性就確係高好多, 穿上冇難度, 著起亦唔覺辛苦, 布料又唔厚唔侷, 係好輕鬆自在! 就算真係想著 24 小時都唔會唔舒服 →
不過就唔好期望會有強效束腰效果, 皆因佢係一條減肚腩用嘅「消脂帶」而非「束腰帶」, 著咗唔會即時箍緊收埋晒啲肉, 但少少視覺束腰效果都係有嘅~
So far 試咗 2 星期, 每日返工著 8 個鐘, 期間冇捲邊 / 移位向下滑問題。
用尺去量度過條腰吋數係冇瘦到嘅, 著起後亦唔覺得特別溫熱, 但唔知係心理因素定點啦, 我又真係覺得佢有啲效喎! 望鏡個肚又好似收細咗啲啲, 著起平時嘅衫褲又好似鬆咗少少, 個人感覺輕盈咗, 至少好過著束腰褲先! 👍🏻
不過日常著應該唔會及得上運動時著咁有效, 等我繼續 keep 住每日著, 定期再報告一下俾大家知啦~
沒有留言:
發佈留言
注意：只有此網誌的成員可以留言。