產後減極瘦唔返, 做完「遠志中醫 - 全身穴位埋線減肥」3 星期瘦咗成個碼 😱

話說以前係瘦底, 生完 BB 就算唔節食 / 唔做運動, 好快都會自動瘦返......

但今次唔知係咪因為已經係第 3 胎, 定係因為年紀大咗身體修復得慢咗? 隔咗半年有多都仲未識得瘦, 做晒運動 + 節食咗 + 食過減肥 supplement + 著足半年收腹褲都唔掂 😔

雖然都預咗今次生完 BB 未必可以瘦到好似以前咁, 亦唔介意有啲肉地, 但睇住自己褲頭由 25 變到 32 吋, 啲衫要買大 2 個碼, 成個身型走晒樣咁, 總覺得要做返啲嘢.....

不過減肥中心我就唔會去喇, 一來心知減肥機係唔會做幾次就見效, 二來大家都知啲減肥中心有幾 hard sell 啦, 所以唔使預我喇。

反而今次介紹嘅「 中醫全身穴位埋線減肥」呢, 我又覺得值得一試喎~

首先中醫唔會 sell 人, 加上面部穴位埋線我以前經已試過係 work, 所以 body 用穴位埋線去減肥呢個原理我 buy 的, 而試完 1 次後效果又確係好夠驚喜 👍🏻

今次試呢間「遠志中醫」收費亦唔算貴, 先提供價錢 → 

中醫穴位全身埋線 $4800 (送 1 次針灸 + 耳穴磁貼 + 拔罐)

而所送嘅 1 次針灸係可以揀「普通針灸」或「面部美容針灸」(價值 $620)

雖然幾千蚊都唔係少, 但以全 body 咁大範圍任埋不限線數都係 $4800 嚟計, 知價嘅就會明白佢其實係算抵的, 而且仲要包送針灸 + 耳穴磁貼 + 拔罐, 比起去減肥中心每個部位計萬萬聲係平好多好多~

裝修設計亦唔同一般中醫館, 係非常光猛乾淨整齊, 唔知以為自己去咗西醫診所, 姑娘仲要夠 nice →

(treatment sponsored by 遠志中醫)

再講講「全身穴位埋線減肥」原理

針灸減肥大家應該聽過, 而「穴位埋線」亦係同一原理, 會於身體上一啲能降低食慾 + 加強新陳代謝 + 收水腫 + 利尿通便 + 瘦背 + 健脾化濕嘅穴位針一針、埋條線, 就可以於幾個月內不斷刺激住嗰啲穴位, 等於持續針灸減肥一樣, 一次過做到瘦身保健調理, 比普通針灸減肥更有效更持久, 兼能降低反彈機會。

埋嘅係咩線? 安唔安全?

「遠志中醫」用嘅係 ISO 認證「韓國 PDO 線」(Polydioxanone thread), 一般用於面部埋線拉提、醫療手術內縫合等等, 屬於安全級線體, 約 3-6 個月後會自動被人體分解溶線, 對身體無害。

幼幼嘅 PDO 螺旋線 →

比面部用嘅線稍長, 屬於「螺旋線」唔係普通「直線」, 效果會更明顯同持久, close up 近睇可更清楚見到螺旋紋, 而實物其實係勁幼身一條線。

埋線埋咩位?  

係要先俾中醫師把脈會診, 然後再根據每人體質 + 體脂比例決定穴位及線數。

例如我呢類產後咁耐都減唔到 + 身型走晒樣嘅中央肥胖 type, 中醫師就幫我於雙臂 + 成個背脊 + 前後左右腰腹肚腩 + 前後大腿 + 前後小腿埋線, 全身埋咗接近 60 條線咁多!

咁埋法, 如果要逐條線計錢應該要過萬! 好在佢個 package 係任埋不限線數 😉

埋完線之後, 中醫師仲會包耳穴保健磁貼 + 針灸 + 拔罐, 非常「全包宴」

由邊位中醫師主理?

係上過電視節目及有寫雜誌專欄嘅 "黃晶晶註冊女中醫師"~

佢係南方醫科大學中醫學學士、香港大學公共衛生學碩士、台灣中醫美容醫學會會員, 擅長針灸、埋線治療、針灸美容及女性調理。

過程係點? 會唔會痛?

同姑娘登記完, 醫師把脈會診後, 就會再入另一間房換衫瞓低, 逐個部位消毒埋線。不得不提過程係超勁快! 我埋咗接近 60 條線咁多都只係約 10 mins 攪掂! 

至於痛唔痛呢...... 

如果你屬於勁怕痛 / 怕針炙之類, 我就唔建議你試了, 係冇麻醉的, 過程都會有啲痛要忍一忍, 同埋少不免都會有啲啲緊張。但如果你有試過針炙 / 唔算特別怕痛咁就 ok 的, 醫師手勢係非常快狠準, 快到 1 秒就啪咗 1 條線入去! 👍🏻

所以 60 條線好快就針完咗, 真正痛的只有幾分鐘, 其他時間都係等消毒~

再睇埋我個 before & after, 大家就明白痛呢幾分鐘係好值得了~ 

之後會有咩感覺?

剛整完落地嗰刻係有啲腳仔軟 😅

話晒全身 buffet 式埋咗幾十條線都唔嘢少, 我係酸軟痺交集一身, 整完嗰刻只能慢動作咁行, 一落到街就跳上車飛返屋企, 但休息 2-3 個鐘之後就好好多。

隨後 3-4 日埋咗線嘅位置都不時會有啲酸酸軟軟 + 痺痺哋, 但就唔太影響正常生活, 另外頭幾日會有啲如蚊咬般嘅傷口仔, 不過隔幾日就好返消失晒。

效果有幾掂? 先睇睇我上個月做埋線之前嗰樣 →

生完今胎 7 個月唔知點解減極都瘦唔到, 肚腩 + hip 位 + 大腿係重災區, 手臂 / 背脊都變厚咗, 成個身型都變大隻咗走晒樣.....

所以連一向勁懶唔做運動嘅我都開始咗做 gym, 不過做咗幾個月 gym + 節食咗都仍然係停滯不前..... 平時著鬆身衫係遮到, 但一著緊身衫就原形畢露.....

埋線後 3 星期效果 →

咁短時間有嘅效果連我自己都嚇親! 係全身都變瘦咗、身型變薄咗、背脊手臂冇咁厚、hip 位大腿都收細咗, 個肚又變扁咗 😱

期間冇食任何減肥 supplement / 運動照常冇做多 / 飲食控制正常

而家終於叫有返啲曲線, 擺脫咗個「產婦身型」👏🏻

(可留意身邊啲直線係冇曲到, 完全冇執過相 100% 零修圖)

到底身體穴位內有咩奇妙轉變, 可以令到效果咁強? 

Sorry 我係講唔出, 完全 feel 唔到身體裡邊有咩唔同咗 😅

係除咗整完頭幾日某啲位有酸軟麻痺之外, 就唔覺得有咩分別了, 只係察覺到食慾降低咗, 便便明顯去多咗咁樣。

係單純因為降低咗食慾而變瘦? 咁我又唔認同喎, 之前都講過未去埋線前我已經節食咗好耐, 但就一路都冇瘦嘅跡像, 係做咗埋線之後先有咁嘅效果~

會唔會係身體內有咩 block 住咗令我瘦唔到? 而家埋線後打通咗啲穴位? 原因我真係唔清楚, 反正都唔需要考究, 有效就好~

效果可以 last 幾耐? 

線體 3-6 個月後會自動溶化, 至少呢段 period 內佢都係起緊效用, 個人認為除非溶線後會暴飲暴食, 否則經已瘦了的就不會反彈, 趁呢個位去繼續控制飲食 / 做做運動就好易減~ 

正面睇 →

雖然未至於瘦到好似未生 BB 前咁樣, 但咁短時間內有呢個效果我已經好好好滿足了, 而家行步路都輕盈啲~ 由呢個身型去繼續做 gym 修身亦會易好多 ☺️

係咪整 1 次見效?

我個 case 好明顯真係 1 次見效, 仲好快有效𠻹 👍🏻

當然每人體質 / 身型都有別, 我又唔可以話人人整完 1 次都可以瘦勁多, 但 for your reference, 我有個肥仔朋友整過都同樣係瘦咗好多, 就係見佢有效我先去試。

而整之前中醫師都有講過話如果真係好肥, 想效果再勁啲, 可以隔 1 個月後去做多 1 次。我就覺得估唔到自己咁多肉做 1 次效果都咁好, 可以 ok 住先了, 之後自己再努力做運動減下都得~

呢間勝在有效果之餘唔會 sell 客, 明碼實價係 $4800 就 $4800, 做 1 次定 2 次隨意, 只得中醫同姑娘冇 sales, 唔怕會有 "困獸鬥 hard sell" 情況~

除了穴位埋線美容 treatment 之外, 亦有中醫會診調理身體等服務, 診症時間 →

今次呢個全身穴位減肥我可以話係非常有驚喜~ 

大家如有需要減肥修身認真可考慮, 不分男女的 ☺️


「遠志中醫」網站詳細資料 : http://new-vision.com.hk
Facebook 專頁 : https://www.facebook.com/newvision.com.hk/

油麻地彌敦道 518-520 號彌敦行 15 樓 A 室 (油麻地地鐵站 D 出口轉左步行 1 分鐘)
電話 : 2332 0791
whatsapp 查詢預約 : 9565 5102