呢支記得買嚟試! 法國「CHA LING 茶靈」Cleansing Foam 洗面膏

認識「CHA LING 茶靈」呢個牌子, 係 2016 年佢剛進駐 hk 時曾經邀請過我去茶聚, 自此我就對佢印像深刻念念不忘, 間中都會返轉頭買佢嘅產品用~

有乜咁獨特?

首先係佢嘅 skincare 滋潤得來質感夠透薄快吸收, 另外係佢所有產品都有種好 unique 嘅幽香茶花味, 就如 body shop / Victoria's Secret / A&F 等等嘅 scent logo 一樣,「茶靈」嗰陣茶花香氛又係會令你一聞難忘, 每次我搽佢嘅 skincare 我老公都會話 "你聞上去好茶靈" 😂

既然咁鐘意點解只係間中買, 唔 keep 住用? 

因為佢唔平囉 hahaha~ 所以只能間中享受 😆

不過今次推介嘅洗面膏就唔算貴, 只係 $285, 絕對 affordable~

早前收到「茶靈」SMS, 會員有得免費上䕶膚興趣班, 即時購物仲有 85 折, 於是襯 weekend 去玩下 →

先介紹一下「CHA LING 茶靈」background →

個名聽上去好中式, 但其實係法國牌子 made in France 🇫🇷

主 sell 抗氧抗衰老, 以天然雲南森林古樹普洱茶為護膚品原材料, 蘊含古樹普洱茶四重萃取而成的 B-DT Complex™複合物, 比綠茶抗氧度更高, 有效抵禦污染物侵擾, 減慢自由基產生, 延緩肌膚衰老速度。 

我去開嘅係海港城分店, 中西合璧裝修設計, 美容顧問著嘅係旗袍制服, 同一般零售店好唔同, 中間仲有張超級大長檯, 可以坐低邊試 skincare 邊嘆普洱茶勁 relax, 如果買嘢佢仲會先噴香水入紙袋至包起, 去唔到法國都完全感受到嗰種休閑優雅生活態度 ☕️

茶靈官網: https://www.cha-ling.com/hk_cn/

Facebook 專頁 : https://www.facebook.com/CHALINGlespritduthe/

實在太愛佢嗰陣清幽茶花香氛味, 愛到一早買咗佢支淡香水 →

香氛靈感源自雲南森林千年古樹茶花, 由法國調香師以多重層次調配出獨一無二的香氣, 氣味清淡清幽, 冇普通香水咁俗咁濃咁 artificial 😍

調：梨子、小蒼蘭花及白茶 

中調：桂花、白牡丹花及茉莉花 

基調：馬黛葉、白麝香及羊絨木

$600 / 100ml 

$250 / 20ml (travel size)

送禮的話更可另加 $100 請書法家手繪文字上瓶身, 訂製獨一無二之香水瓶 (需時 1 星期)

今次主角 →

Cleansing Foam

潔面泡沫

配方含有皂化脂肪酸, 帶來豐盈而細滑的泡沫, 新鮮普洱茶葉具有抗氧化功效, 用後能清潔毛孔、清除油脂、潤滑肌膚, 使膚色潔淨剔透。

$285 / 75ml 

一般洗面膏質地都係厚杰牙膏 feel, 而呢支 cleanser 就比較透薄柔軟 →

推開後分別更明顯, 未加水推開都唔會乾乾厚厚 →

加水後起嘅係幼滑微泡, 唔係勁多泡嗰種, 但潔淨度並無因泡量少而降低 →

用後感 →

買佢純粹係因為屋企支洗面膏用晒, 去茶靈興趣班試咗「潔面粉」覺得太乾, 美容顧問話買

呢支 cleanser 會保濕啲, 見佢唔算貴就買嚟 try try。

返屋企試過又真係幾驚喜喎! 😳

除咗唧出嚟見到質地係特別輕柔之外, 搽上面打圈捽嗰刻仲 feel 到比普通 cleanser 幼滑好多, 分別都幾明顯㗎! 洗面膏我都用得多, 但就從來冇試過咁柔滑嘅質感, 感覺似識得起泡嘅洗面奶~

洗完之後塊面唔乾唔繃緊不單止, 仲要係柔滑軟稔稔嘅, 視覺上仲光滑咗 + 剔透咗! 🤩

冇諗過 $285 支洗面膏可以咁有驚喜, 洗完塊面自己開心咗, 直頭覺得係抵買~~ 

其實佢嘅精華素 / 面霜 / 眼部精華霜都好正! 只係有啲貴.... 👉🏻👈🏻

如未用過佢嘅 skincare, 建議可小資初試呢支 Cleansing Foam $285 / 爽膚噴霧 spray $370 / 彈力豐盈精華液 (旅行裝 15ml) $244 

呢 3 款都係好 ok 的~

btw 我見其他人坐低試完冇買嘢, 美容顧問都照樣細心款待, 感覺佢 customer service 同 training 都做得好好, 攪到我愈嚟愈鐘意呢個 brand 𠻹 🥰 

雖然金鐘 / 銅鑼灣都有分店, 但就比尖沙咀店細好多, 有心試都係去海港城分店吧~ 

海港城分店會大好多、舒服好多, 仲另外有美容房可 book facial 做