瑞士「Derma Medream」嘅 gel mask 同凍齡針精華, 又係網上熱爆嘅產品, 葉翠翠 / 莊思敏等藝人都有推介過, 唔算好新, 唔少人仲可能經已買過嚟試𠻹~
到底係咪真係咁正呢?
而家啲網上廣告太多, 又成日有咁多新產品推出, 久不久都會中下伏, 有時真係唔知信唔信好, 或者咁多款都唔知試得邊隻好, 我都好有同感......
而呢隻 「Derma Medream」gel mask 呢, 我用咗一排都覺得真係掂嘅~ 👍🏻
如果你仲未試過的話絕對值得 try try, 價錢亦唔算貴~
首先呢款 gel mask 有 4 款唔同功效, 分別係 : 補濕 / 緊緻 / 美白 / 降紅 →
原裝每盒係 10 包「同款」的, 售價都幾海鮮價, 網上由 $2XX 至 $4XX 都有...... 如想試晒 4 款又唔想買晒咁多盒, 都有唔少網店 / 商場小店會拆散 4 款每包賣。
我買嘅係「降紅修復」嗰款, 其餘 3 款都有試過, 其實全部嘅效果都好近似, 都係會見到補濕咗 + 毛孔收細 + 膚色均勻咗咁, 但降紅嗰款嘅改善泛紅效果就比較明顯, 所以最終我都係回購降紅嗰款~
「Derma Medream」好多舖頭都有售, 並唔難揾, 舉例如 Wishh 或好多妝品店都有, 每盒售價介乎 $260-298 左右 (每盒 10 包)。
防敏降紅水份修復凝膠膜 Gel Mask (升級版) 資料 →
成份蘊含阿爾卑斯山柳蘭提取物 + 瑞士石松濃縮提取物 + 皮膚修復防禦分子 + 葡聚醣衍生物 + 透明質酸 + 薄荷精油等等, 有效抑制皮脂分泌、抑制皮膚炎症、抗痘及縮小毛孔、鎮靜皮膚過敏及發紅、加速皮膚組織修復、補濕鎖水, 特別適合敏感肌使用。
Made in Switzerland
用法 :
同一般面膜一樣, 洗面後均勻搽上面敷 20 分鐘, 再過水清洗。厚度覆蓋皮膚約 2-3mm 就 ok, 一包份量勉強剛好足夠敷 2 次 (也可以厚敷一整包)。
另一個用法係可以薄搽當 sleeping mask 用, 第二朝起身再清洗。
用後感 →
我屬於偏黃膚色 + 泛紅 dry skin, 敷完真係降到紅, 而且膚色都有即時淨透咗均勻咗, 變得冇咁黃同暗啞, 仲連毛孔都有縮細到, 乾紋又平滑咗, 感覺好似敷咗個超正嘅補水注氧 mask 咁, 又冇特別人工香料氣味, 係好有驚喜! 👏🏻
最正係佢個扭蓋式設計, 如上段所講 1 包份量係剛好勉強夠敷 2 次, 用唔晒可以扭蓋留返下次, 如慳慳哋用每盒 10 包足以敷到 20 次, 以效果 x 價錢計係好抵~~
所以覺得呢隻係必試! 唔試會後悔喔~ 😍
至於同一牌子、葉翠翠推介嘅「水嫩‧童顏嫩白凍齡針」精華呢 →
又係講到好好用咁, 我都有買嚟試過, 但就覺得驚喜程度唔算大, 除咗補濕之外就冇其他了, 感到同普通透明質酸補濕精華分別不大。
但若果你係想揾補濕 serum 搽的話, 咁就可以一試喇!
佢補濕度一啲都唔差, 搽完都見到平滑咗乾紋同少少毛孔的, 不過就唔算好潤嗰種, 係好啱 summer 用, 一盒 10 支約二百幾蚊並唔算貴~ 👍🏻
睇落似針筒, 其實都係唧出嚟用嘅 serum, 佢話每支可用 2 次 (可扭蓋), 不過夏天每次用咁多都幾潤幾黏笠 (除非你好乾), 所以我平常都係每支分 4 次用~
沒有留言:
張貼留言