距離上次 share 嘅 日本「驚安殿堂」✈️ 化妝品好物分享 2020 又隔咗一陣, 期間好耐都冇分享其他 skincare, 只因成個月都仲喺度試緊日本買返嚟嗰堆護膚品..... 😅
今次分紹的 product 大部份 hk 都有售 ☺️
(文章內價格以 100 yen 兌 7.1 港元 + 免稅 + 四捨五入計算)
DUO 卸妝膏 →
日本 COSME 大賞長期榜首, 結合卸妝 + 洗臉 + 去角質 + 護膚精華保養功效, 使用超過 80% 跟人體肌膚接近的天然植物成份製造, 不對肌膚做成刺激, 強調洗完面唔乾 + 高潔淨度, 屬日本及台灣人氣暢銷品, 好多用家都有網上讚 🏆
hk 官網 👉🏻 https://www.duo-hk.com
¥ 3600 約 HKD 255 / 90g (hk 賣 $318)
分有深層清毛孔 (黃色) / 美白 (紫藍色) / 彈性保濕 (棗紅色) 3 款 →
用法 :
同一般卸妝膏一樣, 每次用 1 匙份量 (有附設膠匙), 放於掌心磨擦以掌心熱力溶化膏體, 再乾手乾面打圈按摩至化妝品溶解, 然後過水清洗, 無需另外使用洗面膏。
我買嘅係美白款 (紫藍色), 質感比我以前用過的 RMK / EVE LOM / banila Co / DARPHIN 卸妝膏都更柔滑, 滋潤度亦高好多, 仲有一陣好淡好 relaxing 嘅洋甘菊香氛精油味, 唔小心入到眼亦唔剌眼, 係唔錯嘅~ 👍🏻
潔淨度方面都 ok, 同我以前用過嘅卸妝膏差不多, 不過唔知係咪佢太滋潤, 洗完面雖然唔乾, 但就好似有層油膜罩住咁, 所以我仍會用其他洗面膏洗多次面。而眼妝我就習慣分開用 eye makeup remover 卸, 始終用卸妝膏 or 卸妝油都比較難卸到眼線及 mascara。
如果要揀, 我都係鐘意 EVE LOM 多啲, 潔淨度更高, 洗完面唔乾之餘亦唔會有層油膜罩住~
Dr. Ci:Labo「Super White 377 VC 深層淨斑美白精華」→
結合多種高效亮白成份, 能強效抑制促進黑色素增生的 "酪氨酸酶" 活性, 有效針對各類色斑, 預防斑點形成, 改善肌膚黯沉問題, 迅速見效同時帶來持久亮白效果。不含 Paraben 防腐劑 / 香料 / 人造色素 / 礦物油 / 酒精。
為剛推出約半年的新品
¥ 5200 約 HKD 368 / 18g (hk 賣 $520)
買佢係因為佢話「使用短短 1 星期便能見效, 持續使用 4 星期可淡化大部分色斑和雀斑」🤤
So far 早晚連續用咗 1 個月, 唔覺得膚色有特別白咗, 亦唔覺得斑斑有明顯淡到, 不過膚色就真係變得冇咁黃同暗沉嘅~
如果以 hk 買 $520 就真係要諗諗, 個人認為效果並未有佢講到咁顯著, 但以日本買 $368 計就可一試, 至少改善到黃氣同暗啞先, 質地亦夠厚夠滋潤, 只比面霜稍為輕薄一點 👍🏻
Cell LUSH「抗衰老幹細胞精華液」連 paper mask 套裝 →
日本 3 連冠第 1 位, HKTV Mall 都有售, 含珍貴人類幹細胞培養液 + 水溶性膠原蛋白 + 透明質酸 + 橄欖果油等等, 有效令肌膚迅速回復美白幼滑, 水潤彈性光澤。
日本呢款係連埋 2 片 paper mask 嘅限量版 set 裝 ($135), 如單支精華的話見 HKTV Mall 都只賣 $104, 著實不貴~
而塊 paper mask 我敷完就覺得保濕度只稍為提升咗少少, 驚喜不大, 所以也可以不理了 😝
至於支精華我認為係 ok 可以一試的~
屬細份子滲透度高、較稀薄的精華液質地, so far 早晚連續搽咗 1 個月, 見到細紋有改善, 皮膚彈性都好咗啲, 整體肌膚質感都有幼滑咗少少嘅, 以 $100 蚊左右計係非常超值!! 👏🏻
至於保濕力都係有少少嘅, 唔高但又未至於叫低, 中中等等咁, 類似 B3 / B5 精華 feel。我習慣會先用佢打底, 之後再搽其他更潤嘅精華, 如上面介紹嗰支 Dr. Ci:Labo 美白精華。
LuLuLun「Precious Cream 緊緻彈力保濕面霜」→
添加抗老化嚴選成份, 有效減緩鬆弛及細紋產生, 延緩肌膚衰老, 令皮膚回復彈性嫩滑, 長時間維持肌膚滋潤。分有 Precious Cream (高度滋潤版) / Moist Gel Cream (冇咁潤版本) 2 款, 我咁乾當然係揀 Precious Cream 啦~ 😆
LuLuLun 嘅 paper mask 好受歡迎, 不過我用過就唔覺得有咩特別, 反而呢盒 cream 我就覺得好正!
¥ 1800 約 HKD 127 (80g)
成份含發酵酵母細胞壁提取物 + 多種日本植物萃取 →
質地咁豐厚嘅面霜真係好少有, 仲要咁平喎~~
雖然望上去好似牛油咁厚杰, 但實質摸落去係好似布甸咁 Q 彈, 當一搽上面遇到體溫仲會轉化成奶油咁柔滑, 而且亦快吸收, 犀利在咁厚稠但搽完係一啲都唔反光、唔油膩㗎! 感覺皮膚變得又潤又軟稔稔, 好鐘意~ 😍😍
氣味方面, 我覺得只有好淡的植物清香 (都近乎冇乜味, 好近先聞到), 冇乜人工香料味 👍🏻
溫馨提示 : 只適合極乾膚質, 唔太乾的人可揀佢另一款冇咁潤嘅 Moist Gel Cream
one skin 無添加保濕眼霜 →
可能呢個牌子比較新? 網上用家評語係近乎零, 官網資料亦唔多, 主 sell 平價 + 高滲透 + 成份無添加, 所有產品均不含色素 / 香料 / 礦物油等等, 據稱連敏感肌同孕婦都能安心使用。
¥ 500 約 HKD 35
確實 $35 係好平 (係平到有少少驚), 不過見佢寫到咁無添加, 我又本著冒險精神試試.....
結果覺得真心雷, 唔夠保濕都算, 最慘係佢唧出嚟經常都 "水膏分隔", 就算用前搖勻咗都同一情況, 永遠見到唧出嚟嘅 eye cream 周圍有撻水..... 唔知係我唔好彩 or 佢支支都係咁? 🙄
所以, 永別了👋🏻
同一牌子嘅「SQUALAN 角鯊烷油」→
為高純度 99.95％ 角鯊烷油, 同樣係無添加, 與天然皮脂膜一樣, 可於肌膚表面形成保護膜, 防止水份流失, 具滋潤 + 鎖水功效。簡單的說 = 精華油, 同普通精華油嘅分別只係同皮脂膜更貼近, 更易被滲透吸收。
因為單靠搽精華鎖水力點都差啲, 而我正正又係鎖唔住水嘅膚質, 所以習慣搽 serum 後會全面拍幾滴精華油先再搽晚霜。
¥ 800 約 HKD 57
通常建議用量係每次 1-2 滴, 不過咁少又邊夠搽晒全塊面? 基本上所有精華油我都會用 4-5 滴的 (下圖係 10 幾滴錯誤示範, 因為唔小心倒瀉咗) 😆
雖然佢支 eye cream 好雷, 不過呢支角鯊烷油就平得嚟都 ok 的, 唔可以話特別, 都係基本一支油應該做到嘅效果, 例如平滑到細紋 + 提升到光澤 + 夠滋潤鎖水咁樣, 純粹勝在夠平而效果又不過不失吧。
題外話, 網上見有網店話 one skin 可媲美 HABA (都係無添加), 我就覺得相差好遠囉..... 😓
我帶去日本用嘅 HABA「Squalane 眼部精華」sample 又厚潤又持久, 都不知潤過 one skin 支 eye cream 幾多倍! 試完 sample 勁好用, 下次有機會去日本要買返樽 HABA eye serum 先 😍
COCOCHI AG Ultimate Mask 幹細胞抗糖化面膜 →
日本樂天銷售榜 No.1 人氣 paper mask, 含 EGFF 細胞再生因子 + 人體幹細胞培養精華 + 植物幹細胞 + 胎盤精華提取物, 運用日本尖端提純無菌技術生產, 有效活化肌膚幹細胞 + 改善肌膚彈性 + 修復粗大毛孔 + 改善皮膚粗糙 + 高效保濕, 專門針對抗衰老問題。
日本買大約係百幾蚊盒 (忘記價錢了), hk 不少網店都有售, HKTV Mall 賣 $168 (每盒 5 片)
又係本著人氣 No.1 心態去買嚟試, 不過就覺得冇乜特別, 係除咗面膜紙質較軟身貼面 + ok 保濕之外就冇其他, 面膜洞口剪裁亦有點大, 只屬普普通通欠驚喜, 唔試都唔可惜。
Blistex「Conditioning Lip Serum 強效修護唇部精華」→
含維他命 E + 酪梨油 + 橄欖油及多種修護成份, 有效修服唇部幼嫩肌膚, 滋養雙唇, 只需一滴即能回復唇部健康絲滑質感。
揀 Blistex 因為佢始終係德國護唇產品口碑牌子, 應該不會差吧?
我個嘴長期乾燥, 搽少陣潤唇膏都會乾到發紅刺痛, 認為單搽 lip balm 質地太厚、份子太大未必可以滲透到, 所以習慣晚上會用少少 eye cream 搽唇邊打底, 然後先再搽 lip balm。如果有 lip serum 就當然更好啦, 唔使再自己用 eye cream 搽嘛~ 😉
¥ 698 約 HKD 49
效果我認為係好好, 雖然滋潤度唔算好高 (始終只係精華, 之後要再搽潤唇膏), 但就真係每次用一小滴就好絲滑, 嘴唇皮膚會立刻軟化變得軟綿綿, 又淡化到唇紋, 仲一啲都唔黏笠, 好似搽咗 lip cream 咁~
效果好係好, 不過就極度唔鐘意佢嗰種人工香料味, 實在太似香水味了..... 👎🏻
同埋我嘴唇勁敏感, 唔係所有香料都用到, 用完佢之後會有種吉吉哋嘅刺熱感..... 😣
Vaseline 凡士林新出 lip serum →
含凡士林配方 + 膠原蛋白 + 水分解玻尿酸 + 硬脂醇甘草亭酸酯 + 植物性精華油等美容成份, 高效滋潤, 可當作唇部精華 / 潤唇膏 / 或唇采使用, 感覺舒適不黏膩, 不含香料。
透明 / 紅色 2 款
¥ 698 約 HKD 49
望上去似 lip gloss, 搽上嘴感覺都係似 lip gloss 咁反光, 只係冇咁 lip gloss 咁黏笠, 膠質冇咁重而已, 完全 feel 唔到佢係一支 lip serum, 比較似厚身 lip oil 😅
不過夠潤又 cover 到唇紋就得啦~
就當潤唇膏用吧, 雖然冇上面支 Blistex 滲透度咁好, 但比較鐘意呢支冇香料, 冇過敏 👍🏻
Smile Cosmetique 美白牙貼 →
含高濃度離子清潔成份, 有效去除牙漬, 適合因經常飲咖啡 / 茶 / 可樂等深色素飲品食物而令牙齒色素積聚的人, 只需 3-5 分鐘便能潔白牙齒, 為日本 cosme 大賞 No.1 產品, 人氣高之餘仲有好多網上好評。
hk 網店約售 $158-$166 不等
¥ 1500 約 HKD 106 (每盒 6 對)
同一般美白牙貼唔同嘅係, 呢款嘅紙質係好有厚度 + 軟綿綿 →
使用方法 👉🏻
1. 刷牙清潔, 用紙巾印乾牙齒 (要乾先貼得實)
2. 貼上牙貼, 大塊係上邊, 細塊係下邊, 有切口嗰邊係貼牙齒內側
3. 貼完再用力按壓好
4. 約 3-5 分鐘後撕走牙貼, 唔好漱口住, 等多 2-3 分鐘待污穢物浮起先刷牙漱口
初用建議連續用 5 日, 隨後可每星期用 1 次當保養
美白牙貼我以前都有試過 2-3 款, 不過嗰啲一係就要貼好耐 (20-30mins), 一係就要貼足 7-14 日, 真係冇乜恒心...... 呢隻 Smile Cosmetique 只需連貼 5 日, 每次 5 mins 又真係方便好多嘅!
不得不讚佢紙質勁厚勁軟稔, 貼得非常緊實, 零移位, 感覺一流 👍🏻
我連貼 5 日後係有白咗啲啲嘅, 不過只係白咗好少好少....好少好少.... 但都好過冇 😆
如果本身牙齒色素沉積得深嘅人用, 效果對比應該會明顯啲吧?
描述指噴上面及頭髮後可形成透明屏障, 阻隔花粉 + PM 2.5 + 病毒等有害物質, 仲話噴咗可以唔使戴口罩, 噴後不損妝容。無味 / 橙花味 2 款
¥ 850 約 HKD 60 (50g) / ¥ 1500 約 HKD 106 (100g)
平時冇事冇幹用佢當一般防禦就應該冇問題嘅, 但而家肺炎疫情中單用佢就當然唔足夠, 始終唔戴口罩係阻隔唔到飛沫傳播, 不過噴完再戴口罩應可有雙重保障, 又可以噴埋頭髮 💪🏻
將來去日本的話不妨買返支, 反正就算疫情退後平常都一定用得着~
Beaute ET Sante Laboratories「The Premium Enzyme 生酵素」→
含多達 230 種蔬菜水果提取活性酵素 + 5 種營養價值豐富 superfood, 能為身體補充每日所需營養, 促進新陳代謝及腸胃健康, 幫助排毒清宿便, 減小腹去水腫, 從而改善皮膚質素, 美顏瘦身。長期服用更有助提高免疫力, 改善體質。
大家對呢款生酵素應該唔陌生, Watson's / 萬寧等等都有售, 一向都係日本人氣熱賣品, 我都食過 3-4 包, 但就唔覺得食完有減到水腫或瘦身功效, 就當補充一下蔬菜水果攝取吧, 反正唔貴~
¥ 1480 約 HKD 105 (45 日份量)
新谷酵素「夜遲 Diet 酵素」→
又係賣到街知巷聞, Watson's / 萬寧都有, 有效分解熱量 + 排毒 + 抑製糖份攝取 + 加速食物分解 + 調整腸道及消化系統, 適合愛吃宵夜 / 甜食 / 暴飲暴食的人。
我就覺得唔可以當佢係瘦身產品, 只能當 supplement, 我連續食咗 4 個月都冇瘦到, 不過叫做冬天狂食之下都保住冇變肥到而已, 尤其係我超鐘意食飯食麵, 又成日好夜先食飯, 食佢當係分解一下總好過冇 😉
¥ 3480-3980 約 HKD 246-282 (視乎款式)
每盒 30 包, 每日 1-3 包
日本有分美肌版 (粉色) / 薑黃加強版 (啡色) / 蔬菜水果加強版 (淺藍色) / 綠色 superfood 版 (綠色) / 普通版 (深藍色) / 加強版 (黑色) / 金裝加強版 (金色)...... 睇到人都顛 😂
不過 hk 就只有售黑色 + 金色加強版, 選擇少啲反而唔使揀得咁辛苦 😆
其實款款都只係些少不同吧, 我食咗黑色同金色加強版 4 個月, 都唔覺得 2 款有咩分別
Beaute ET Sante Laboratories「GENBI 葛花燃脂丸」→
含葛花精華素 (異黃酮) 可分解脂肪, 改善肥胖, 幫助削減體重及肚內脂肪 (內臟脂肪和皮下脂肪), 適合有點肥胖、BMI 偏高、或想減肚子腰圍的人。每包 90 粒 (每日 3 粒, 一個月份量)
百幾蚊一包我 expectation 不大, 不過有食總好過冇? 實在食完 1 個月都唔覺得有瘦到, 可能係我脂肪太厚, 又或者係內臟脂肪少咗但目測唔到? 🤣
¥ 1980 約 HKD 140
小童口罩 →
上月去日本時仍未有肺炎疫情, 不過屋企有小朋友總會儲備口罩應急, 就買咗「白元」呢款鼻樑位有超級厚墊嘅小童口罩 (也有成人款), 比一般口罩更舒適 + 更貼密不漏空隙。
而家係好後悔當時只買了 1 包..... 😔
雖然暫時周圍都缺貨, 去日本都唔會買到, 但將來如有機會見到就不妨買返包, 就算疫情退後平日都總會用得著。
¥ 348 約 HKD 25 (一包 5 片)
沒有留言:
發佈留言
注意：只有此網誌的成員可以留言。