除非你好有恒心經常敷 mask 吧~ 否則只靠日常搽護膚品都只能延緩一下情況, 個人認為唔夠有效主要都係關 "滲透力" 事, 始終護膚品分子都偏大, 只能於面層作法, 未必可去到根源, 所以一直都覺得要收細毛孔細紋 + 幫肌底補水就要靠質地稀身的 "精華水"。
曾經試過好多款精華水, 當然唔會支支都有驚喜, 有啲都覺得 ok 嘅, 但效果又未至於好到要 encore 回購咁, 通常試完 1 支就算.....
如果你都有同感, 就要 try try 今次推介呢支 IPSA 新出柔膚水喇~ 🙌🏻
NEW! 煥顏柔膚水
Refining Lotion
成份蘊含紅茶萃取 + 膠原基因分子 + 5 種氨基酸 + 天然保濕因子, 專門針對 "肌膚羰基化" 令角質層硬化的問題, 有效抑制並軟化硬化角質, 促進肌膚細胞更新, 鎖緊水份, 高效增強肌膚柔軟度, 增強肌膚細膩質感, 重塑柔軟透彈肌, 並可增強後續護膚品滲透力。made in Japan
$460 / 150ml @ IPSA
IPSA 官網 : https://www.ipsahk.com/zh-hant
FB 專頁 : https://www.facebook.com/HKIPSA/
質感差不多同清水一樣咁稀身 →
手中呢支係 IPSA 2 個月前 send 來試用的, so far 已用了 60%, 效果相當有驚喜! 🎉
用法
1) 倒落 cotton pad 拍上面用, 一直輕拍至塊化妝棉冇咁濕為止, 咁樣用法雖然比較嘥份量及費時, 但功效就最明顯
2) 配合家用導入機使用
3) 簡單直接用手搽, 我覺得效果都同樣 good
用後感
其實產品並冇強調能收細毛孔, 但我就覺得佢對收細毛孔細紋係好顯著!
係一搽勻就睇得見毛孔細紋收細咗一半以上, 膚質又變得柔軟細滑, 唔止摸到仲要睇到, 效果好似執相加咗柔焦咁~ 好鬼正 😍
保濕度方面仲要好強! 搽完塊面即刻好似由乾海棉變做 "吸滿水嘅海棉" 咁, 整體皮膚質感望上去真係即時變得飽滿咗 🙌🏻
雖然俾到呢種效果嘅類似產品唔係冇試過, 但就冇今次呢支 IPSA 咁強效、咁有驚喜, 所以雖然佢唔算好平, 但每次用十滴八滴一支都有排用 (手中呢支用咗 2 個月仲剩 40%), 認為係好值得試 👍🏻
毛孔 before & after →
雖然平時遠睇毛孔唔算好大, 化埋妝仲直頭遮到晒唔覺眼, 但當一 close up 近睇都總會嚇親自己 🤣 一搽完呢支 IPSA 即時已經睇到分別, 確係唔錯~
最後提提大家, 呢支會較適合 dry skin 用, 不適合油性肌, 雖保濕感未至於潤到出油, 但我 dry skin 用都認為佢有頗持久嘅濕潤感, 油性肌就未必 like 了。
你好，老人家濕疹又唔想佢搽咁多類固醇，有咩好介紹？
回覆刪除