疫情下當好多人連 facial 都唔敢去做時, 竟發現原來都會有好多人覺得呢個時候做「微整」👉🏻 例如打 botox / 透明質酸 / 淚溝針 / 雙眼皮吊線之類係 good timing?
真係喎~ 我見近來 FB inbox 問我微整推介嘅人比平常都多, 理由係反正日日都要戴口罩 / home office 冇人察覺, 兼有足夠時間 recover...... (聽落又好似係, 但當然要自己衡量啦 😉)
而我早 2 個月疫情未開始前都打過一次透明質酸, 填補面頰嗰 2 行凹入去嘅「印第安紋」→
所謂「印第安紋」其實係指觀骨下面凹入去嗰條 "坑", 屬於好常見好普遍嘅情況, 幾乎人人一過 30 歲膠原開始流失就會逐漸浮現。
同埋有冇發現年紀愈大, 觀骨就會愈高愈凸? 其實未必關觀骨事喔, 只係觀骨位對下嘅膠原同脂肪都流失咗、凹陷咗, 下垂咗, 所以望上去就好似係觀骨變凸了。
(圖片取自網上)
而被稱為「印第安紋」, 係因為形狀位置同佢哋嘅面部彩繪類似 →
(圖片取自網上)
至於我呢 2 行「印第安紋」印像中係由 31 歲時開始發現的 →
雖然未至於好似木村咁凹, 但每當化妝一掃胭脂, 就會見到有個位凹咗入去特別深色。就算唔化妝, 只要一微笑都會見到凹, 笑容愈大就愈顯眼, 每次影相都要靠角度同燈光遷就。又因為凹陷處會形成陰影, 望上去會深色啲, 唔知又會以為佢係兩大撻斑.....
8 年前都有打過 1 次透明質酸填平佢, 而佢竟然唔知點解又一直 keep 到喎! 至少唔覺佢流失咗太多 (解釋唔到, 當時醫生明明話得 1 年貨仔)
一直到上年生完 BB 之後佢先至凹返要補打...... 生一次 B 真係會流失好多嘢 😓
可能好多人會認為咁少嘢唔使攪啦, 都唔覺眼~
但貪靚呢回事永遠都係人哋唔覺、自己就好覺嘛~ 唔係點解咁多人去微整喎 😆
只要自己覺得開心, 唔好過火整過量就得~
今次都係去返上次去過嗰間「JUVENTAS 煥姸美學」, 即係我做鼻鼻埋線嗰間 →
見佢上次鼻鼻整得幾好, 收晒腫之後效果又愈嚟愈自然, 價錢又 ok, 就 encore 揀佢了 🙌🏻
「透明質酸填充」當中最多人識嘅就係 Restylane 同 Juvéderm, 亦係最多醫生選擇嘅牌子, 我今次打面亦係用「Juvéderm VOLUMA」, 分子較大, 更適合打面頰位。
打 1 次效果約可 keep 2 年 🎉
都係嗰句, 揀邊間 / 打咩都好, 最緊要係用正版, 鐘意呢間可以俾你任 check 任影 →
講真如果你開口問都唔肯俾你 check / 影相, 或者避開唔喺你面前開封拆盒嗰啲...... 我就寧願唔做了! 真係有啲危.... 😬🤭
過程其實好快, 劃好位唔使麻醉就可即打, 打好 check 完若果嫌唔夠又再補少少咁, 印像中大約係 15 mins 左右吧。反而係見醫生傾想點打、打邊度、聽建議嘅時間會長啲。
感覺方面我又唔覺得好痛, 係有幾點紅咗咁 (不過我本身唔算好怕痛, 生過 B 的都比較勇敢), 而針口翌日已消失, 之後幾日會有輕微水腫, 約一星期便消腫。
係咪即係打蘋果肌? 打完會唔會凸起?
透明質酸冇錯係可以用嚟打蘋果肌豐頰, 不過我打嘅只係「印第安紋」, 只要求醫生幫我填平凹咗嗰 2 條坑, 所以就冇明顯地凸起, 認為打完後效果都好自然 😉
而家個樣 →
如果唔係用 before & after 相片對比, 其實連身邊人都察覺唔到, 唔知你做咗乜但又覺得你精神咗、飽滿咗、睇落冇之前咁憔悴、咁顯老、咁凹凹凸凸, 又改善咗大細面~
加上幾個月前做嘅鼻鼻埋線又已經收晒腫, 而家成個樣 natural 晒 🥰
價錢方面 →
正價係 $5000 (一支 1 ml), 但第 1 次打有 7 折 = $3500
個人認為透明質酸用來填平呢類「印第安紋」/ 淚溝 / 笑紋 / 太陽穴等凹陷位效果係相當之好, 只要唔貪心、點到即止的話, 其實都好自然的~
JUVENTAS Medical Skincare 煥姸美學
尖沙咀加連威老道 39 號太興商業大廈 12/F 1202 室
Whatsapp 預約查詢 : 9466 3339
沒有留言:
發佈留言
注意：只有此網誌的成員可以留言。