其實我個衣櫃真的極細小! 大家睇睇....
我用的衣櫃就只佔半邊, 另一邊是屬於老公用的.
點解得咁少衫? 平常買買埋埋的衫放哪裡呢?
是這樣的.....
以前一個人住, 成個衣櫃自己霸晒, 但婚後要 share 一半衣櫃, 當然不夠位! 後來就養成一個習慣, 就是會預先將衣服都一套一套掛起, 連頸鍊 / 頸巾 / 外套 / 褲等, 全部提早 mix & match 配襯好, 用 1 個衣架掛好晒成套衫, 更慳位!
而且這樣預先襯好也很方便, 每天按當日天氣 / 心情揀 1 套著就 ok, 無需再花時間襯衫, 好快手地穿對鞋就出得門口喇~
不過這樣做, 就每次洗完衫後要重新 match 過, 但我會當為每個星期日湊仔以外的最愛特備節目^^
直到每套衫穿到悶時 / 轉天氣時, 就重新 "瓦解" 它們, 大執位又 mix & match 過~
開季秋冬 shopping 推介:
由於平日好懶周街行, 最鐘意去一站式的大型 chain store boutique 如 Zara / H&M 等, 一次過搵到衫褲鞋襪, 不用四圍走好舒服~
Zara 今季的衫 / 外套, 比往年靚好多, 連鞋款都好潮喔! shop 得過~ 而 H&M 雖然也是我的 shopping 熱點, 但衣料沒 Zara 般好, 而且太多人買會較易撞衫, 所以 prefer 去 Zara 多一點. D-mop 則太貴, 加上來來去去又係個幾款, 冇心機買; b+ab / Izzue 也是心水, 但一想起它們經常減價, 開季時好自然不會買住, 都係等 sale 先~
沒有留言:
發佈留言
注意：只有此網誌的成員可以留言。