M.A.C 新出限量防水眼影筆!

M.A.C 今季新出的限量品之中, 我最愛的就這款 "防水眼線筆"! 還一口氣買了 3 支! 

筆蕊比普通 eyeliner 粗好多, 好似我呢類咁鐘意化 smoky eyes 的人, 用這支 eyeshadow pencil 只需在眼褶位畫兩筆, 再 blend 鬆就攪掂, 化眼妝速度快好多~

對於內雙眼皮 / 單眼皮, 或成日溶妝變熊貓眼的人來說, 簡直係 must buy item! 所以一早未推出時, 我已經跟相熟的 M.A.C 化妝師預訂先喇~ 

So far 用了 3 星期, 的確係 perfect!! 夠出色又夠實色, 畫時亦好順暢, 防水度 100%, 全日冇甩過, 而家日日 keep 住用~ 

畫上眼時是較深色實色的:

如想效果更 soft, 用手指來回捽捽, blend 開顏色後經已做到 smokey 效果: 

而由於是超防水 formula 的關係, on top 無需再掃眼影粉都 ok, 都不會溶妝. Blend 開後自己再畫多條眼線, 對眼經已好 sharp 出得門口, 超方便 ^^

不單如此, 去 Party / 宴會的話, 用了它後更可以輕輕印上少少閃粉, 會自動貼實不脫落, 唔會跌到成面都係, 好 bling bling!!

下圖這張相片, 是已用了卸妝水狂捽後之效果, 真的好防水防油喔! 後尾再用 cleansing oil 抹, 都要抹一陣先至甩, 勁!! 

另外又試埋支 "紫黑色" lip gloss:

起初完全不打算買, 因為望上去都好似幾深色, 加上我 2 片唇本身已屬 "孖潤腸", 再塗如此深色的 color 咪仲衰?! 但相熟的 M.A.C makeup artist 說這支是 "好野", 講到一定要試..... 我見佢平時一向都不會 sell 我, 今次咁大力推介, 好.... 又買來 try try…..   

原來塗出來只屬好 sheer 好 glossy 的效果, 並非太深色:

主要是用來塗於其他唇膏 / lip gloss 上, tune down 唇色. 而如果直接用它的話, 都只係會令唇色 "暗紅" 少少, 好有 winter feel, 真的不錯, 買後沒後悔~