對 BB 好又對自己好的 2 件寶貝! 大力大力讚!

開 blog 歷史以來, 從未試過寫 BB 食用產品. 不過以下推介的這 2 件寶貝, 大家一定要記得!

無情情寫 BB 產品, 請別誤會, 完全沒品牌 sponsor, 奶粉奶樽由妹妹出世到現在全部自購. 

今次必需推介 illuma 奶粉及 Bfree 奶樽, 是因為它倆實在幫了我太多! 餵奶變得超 easy! 

無論你未婚 / 已婚, 打不打算生 BB 都好, 請記得今次這個 sharing, 也能分享給身邊打算或現正懷孕的朋友, 這 2 件產品的確是超讚!

illuma 奶粉, 不用我多說, 極多明星推介, 電視廣告日日見到, 就似是奶粉界中的 SK-II:

哥哥還是 BB 時就飲過母乳, 及雀巢, 雅培, 雪印等奶粉, 轉幾次奶粉的原因有: 便便不靚 / 不暢通 / 起紅點 / 敏感等. 直到妹妹 6 個月前出世時, 爸爸就堅持說要揀 illuma (心態原因不詳).

起初我說還是別揀 illuma 吧, 初生 BB Stage 1 奶粉要 $499 罐也太貴了, 普通初生 BB 奶粉才三百喔.... 而我在醫院剛生完 BB, 一班媽媽約 20 人同房一起餵奶時, 看到 90% 以上媽媽都不揀 illuma 的 (可能是因價格較貴). 

不過!!!

在每次護士們為各位媽媽沖奶時, 我留意到原來 illuma 每次的沖奶份量, 是差不多比普通奶粉少一半的!! 

等於當人家 K.O 一罐普通奶粉時, 我仍剩半罐左右! 除開條數原來價錢相差並不遠, 但 BB 就有頂級奶粉飲喔~~ 

最緊要是不必擔心要跟水貨客搶奶粉, 因為 illuma 較少內地人爭, 每次行入 Watson's / 萬寧, 我都無需怕奶粉沒貨, 超重點!

至於妹妹, 由出世開始一直飲用 illuma, 大家如看過我 facebook 內 post 的近半年 BB 相片, 妹妹一直肥肥白白, 氣息好, 少病痛, 便便靚, 皮膚靚, 半年來一次皮膚敏感或紅點都沒有, 也沒厭奶問題, 反而鐘意飲奶, 健健康康, 就這點已令我不用擔心了, 完全不需轉奶~

我愛 illuma 的指數: 

自從生完 BB 後, 曾經收過不少其他奶粉商邀請寫文, 就算有長期奶粉贊助有廣告費, 我都全部拒絕了! 我認為 illuma 經已最好, 錢是買不到這種心情, 100% die hard fans~ 

而成分或好處等資料, 我就不多介紹了, 今次只不過想簡單 share 感想, 大家亦可到官網找到 illuma 資料:

illuma 官網: http://www.illuma.com.hk/home/tc/ 

Bfree 奶樽, 在媽媽界也極有名氣:

以前哥哥用過的奶樽是 Piegon 及 Avent, 都出名, 當年還未知道有 Bfree. Avent 哥哥不喜歡不肯用, 大概是奶咀不夾其胃口? 

至於 Piegon, 都可以喇, 不過是奶樽一個沒甚特別. 哥哥肯用但每次掃風掃到死, 有時可以掃半小時, 氣漲嘔奶一定有 (都頗多). 每隔 3-4 小時餵 1 次, 每次都要餵下停下掃下風, 然後又再餵下停下掃下風, 餵一次奶攪足一小時, 加上自己剛生完 BB 身體未復原, 每次餵奶都覺得很折磨, 尤其在半夜.....

輪到妹妹出世就用 Bfree 奶樽, 同樣是爸爸指定要買的. (轉行做消費專員啊你?) 購自沙田新城市中心 "一田百貨" 內 BB 部, 大多 BB 品公司都有售. 買時剛好一田有推廣, 4 個奶樽約近 $300 , 除開約每個 $70 多, 但奶咀需另買, 夾埋約 $90-100.

感想實在太激昂! 

奶樽是防氣漲設計, 妹妹每次飲完奶, 差不多都不用掃風, 大部分時間一坐起身就聽到大大一聲 "kkkkooooo"! yeah! 而且極少因氣漲而嘔奶, 嘔奶問題半年內發生過幾次, 10 隻手指數得出! 

BB 舒服, 媽咪又輕鬆, 可真正 enjoy 餵奶親子 moment~

比 Piegon 那些奶樽貴, 但非常值得! 

特別意外發現:

一次過同時買了 Bfree 初生嬰 #1 奶咀, 及 #2 號奶咀 (2-3 個月嬰兒), 方便到 BB 2 個月大時替換, 不用再專程走去買. 

誰知過了 2 個月, 打算棄用 #1 轉用 #2 奶咀時, 才發現原來已一直在用 #2 奶咀! 大概是一生完 BB 後太手忙腳亂, 發緊夢拆錯包裝.....

但我們發覺就是因 #2 比 #1 奶咀更軟身, 於是解釋到為何妹妹愛主動飲奶不扭計, 飲奶飲得奇快 (易吸啜嘛), 每次 10 - 15 mins 就餵完. 幾位又是剛生完 BB 的親友們爭相倣效, 說奶餵得更快, 爽!

我不敢說是好處, 只不過屬意外發現, BB 飲奶飲得快未必一定好 (父母就爽), 飲得太快就易氣漲嘔奶, 但可能因 Bfree 奶樽有防氣漲設計, 於是成功飲得快又不嘔奶.

Bfree 官網 (英文版): http://www.bfreeplus.com/index.php 

都說吧, 教我如何不大力推介它倆? 

就因為 illuma 奶粉及 Bfree 奶樽, 湊妹妹比以前湊哥哥時輕鬆百倍!

記得推介給身邊的未來新爸媽吧~