The Balm 有假貨, 已非近期的事, 需知道內地在仿製這方面可真的是高手!
其實 The Balm 本身已屬平價品, 不過是百多二百價位, 最貴的彩妝組合都只是三百元左右, 就不明白為什麼也有假貨市場? 假貨也需數十元一件喔!
那麼真貨 / 假貨要如何分辨?
今次我就郵購了些假貨回來比較比較~
貨到後一打開睇睇....
OMG! 無論在包裝及粉質上, 假的幾乎與真的是 "一模一樣"!!
那一絲不苟之仿真程度, 就連我們已出售了 The Balm 四五年 (直接跟美國 The Balm 總公司訂貨), 日日見住 / 用住堆真貨, 都難以分辨真假!
如果將真 / 假貨一起拿上手比較, 仔細看的話, 還是能留意到粉質及包裝盒顏色上有輕微分別, 但如果手上只有假貨, 就會有直頭分不出真假的驚嘆!
下圖全都是假貨 The Balm, 你說能看得出有分別嗎?! 不說出來還以為是真貨!
下圖是假的 ShadyLady 眼影粉組合:
色澤跟真貨相同, 粉質仲要頗為上色, 幾可亂真!
如果不拿真貨一起比較, 單看這盒很容易會以為是真品.....
真 / 假比併:
上面是真貨, 下面是假貨....
很多人以為 "包裝盒顏色較淡色" / "公仔及字體 printing 較模糊" 的便是假貨, 但實情正好相反, 包裝盒 printing 顏色較清晰, 字體實線條的才是假貨!
真貨的包裝盒顏色較淡, 公仔及字體 printing 是較模糊的!
下圖是假的 Down Boy 胭脂粉:
假的 Frat Boy 胭脂粉:
這盒更神奇! 除了打開後, 鏡位綠色印刷比真貨深色少少之外, 根本看不出是假!
如果將真假兩盒放出來, 又沒告訴你那一盒是真品, 分分鐘會以為假的那盒是真貨!
(左邊是假貨 / 右邊我使用中的真貨)
左邊假貨 / 右邊真貨:
A 貨相似度奇高!!
另外我在這盒假 Frat Boy 胭脂粉上竟見到 "小蟲"!!!! 就像是書蟲那種透明小蟲!!!! 嚇死我!!!
好彩這堆假貨我只是買來單看作比較, 沒用上臉! 嚇死嚇死嚇死.....
假貨背面, 跟真貨同樣有 barcode 條碼:
試過拿假貨試 "嘟" 店內紅外線收銀機, 仲要嘟到嗰吓勁!
而 The Balm 的真貨背面, 以前是沒印 QR code (二維碼) 的, 有的新貨有逐漸加上 QR code (也非每件有). 至於假貨, 加印 QR code 的速度甚至比真貨更快!!
所以說, 別貪便宜網購喔, 很易被魚目混珠假貨當真貨賣, 得不償失.
假貨那 A 貨程度, 如果不同時拿真貨作比較, 就連我日日用住真貨都難以分辨, 更何況是不熟悉 The Balm 的人, 很易中招....
The Balm 真貨售價點: Makeup Secret
尖沙咀彌敦道 iSquare 對面良士大廈 3 樓 C 室 (2311 9682)
星期一至五 3pm-11pm / 星期六 11am-9pm
荃灣荃豐中心商場1/F 30 號舖, 近樓梯側 (5603 3747)
星期一至日 12pm-9pm
hihi isa, 我已用了skii stempower面霜好兩三年，唔知係咪用耐左，效果冇以前咁顯住，加埋又心思思想轉吓用新嘢，屬中女肌，混合偏乾，想有收毛孔，亮肌，防衰老，滋潤等功效，可以平中貴價都推介一吓嗎，謝謝!
回覆刪除我早晚都係用skii stempower, 早上有時只用loveisderma防曬就冇再搽day cream，因為天氣太焗同濕，會唔會有一隻cream都可以好似skii stempower早晚用都得？唔該晒!
刪除其實每一款skincare 用耐咗，都會覺得效果冇初用時咁明顯, 是因為初用後皮膚狀態已提升了，期後就只剩 up keep 功效，所以我習慣會每用完一款，就轉用別的，隔一排先會再買過 SKII 來用這樣。另外可試試 loccitane 臘菊精華面霜，很適合中女偏乾肌，也是跟 stempower 同樣功能～
刪除另外回覆另一個問題: 其實所有面霜只要不含防曬及維他命 C, 都是可以早晚共用的~ 而我在夏天都不會塗日霜, 也是天氣太焗太濕關係, 所以日間只塗防曬霜已足夠了, 除非天氣很乾時才考慮用面霜~
刪除想問荃灣間鋪係唔係調左位？早幾日去搵唔到....
回覆刪除hihi~ 荃灣店已於年初搬到 荃豐中心商場，詳細地址：
刪除荃灣荃豐中心商場1/F 30 號舖, 近樓梯側 (5603 3747)
isa是在網購見到假貨嗎？賣得很平嗎？
回覆刪除以假亂真好得人驚......
是的~ 其實網購真的很危險, 只得相片很難分真假, 而且影的可以是真貨相, 但寄假貨給你也不會知, 以我買到的為例, 如果我唔係有真貨响手, 都分不到是假的, 實在太 A....
刪除Hi Isa 我age18 請問如果我笑個陣眼尾有紋 及 笑吾笑下眼眼線位都有紋有咩可以搽？ 請問點解眼尾d紋笑個時先有？ 其實關吾關我成日帶con事？ 如果關可以點？ 點先可以防止佢加深？
回覆刪除請問如果我吾笑個陣有法令紋有咩skincare可以用？
刪除帶 con 的動作是一定會有影響, 除了盡量動作細一點 / 温柔一點外, 真實也沒什麼解救方法, 因為總不能不帶 con, 如果年紀稍大的話能用抗老眼霜, 但如 age 18 用就太潤了, 可試試施巴這支 eye cream, 也能用在法令紋上, 塗用時要用逆眼紋方向輕力塗: http://prochats.she.com/isadoracheng/2011/07/02/28-日減退眼紋/
刪除Isa 我囡囡宜加十八歲 青春期開始就一直買護膚品比佢用（其實每星期有比二百至三百零用佢 不過吾知夠吾夠買 我又覺得宜d野應該屋企人比 吾知你覺得係米呢？) 我囡囡係混合肌 除左洗面及減淡頸紋嘅精華油 toner moisturizer eyecream 都要朝早用清爽 夜晚用滋潤（夜晚佢要用埋美白精華 face oil sleeping mask 晚間防衛護膚粉) 加上佢每日都有搽面防曬及眼防曬 而且係極速用完一支 Mask 方面佢要清潔mask 補濕mask 美白mask peeling gel 吾清楚佢係米真係所有都必須要用到 吾知你覺得點呢？ P.S 佢平時有化妝
回覆刪除請問你覺得化妝品又應吾應該幫囡囡比？
刪除我覺得也是的, 比著我也會買給囡囡用 (我讀書時的 skincare 也是媽媽買給我的), 至少能避免囡囡因價錢問題而亂買對皮膚不好的 skincare, 但就別買太貴, 讓她知道並不是必然的, 也可 set 一個 budget 給她選擇~ 而你囡囡所用的 skincare 種類, 其實已多到跟一個 OL 沒分別, 其至比一般人更多! 如果以我年青時為例, 只會用洗面 + 磨砂 + toner + 面霜 (早晚共用) + 防曬霜 + 眼霜 (早晚共用), 沒錢買 mask 時會用蛋白自製 mask 敷. 但畢竟時代不同, 很難說父母應不應該買, 但我仍覺得要 set 個 budget, 或加少少零用 $ 叫她以後自購, 我認為會能提高自制能力及數口喔~
刪除Isa 請問Dove卸妝潔面二合一泡沫要乳化嗎？ 請問集化妝水 精華 面霜等的skincare係米可以洗完面就咁用 吾洗再加任何野？
回覆刪除不需要乳化, 但如有化妝, 用它只洗一次不夠, 要洗 2 次~ 另外洗面後塗上 toner -> 精華 -> 面霜便 ok, 之前不用加任何野~
刪除請問混合偏油皮膚平時補妝想噴一噴塊面有什麼推介？
回覆刪除我見外國人妝前會用Milk of Magnesia控油 請問你建吾建議咁做呢？
有ba同我講過話吾用肌底液/乳皮膚會差好遠 請問係米真ga？因為我試過用完好快出油
請問我skintype你會建議用kiehl's oil free gel cream定h2o個隻gel cream？ 還是你有其他推介？
可試試現時流行的納米保濕噴霧機, 能倒入任何自己的 toner 等等來噴面, 而不會噴到成面水珠.簡單一點其實用 Evian 嘖霧都 ok, 而如果用剛剛介紹過的 Melvita 玫瑰水嘖霧就會更保濕~ 另外用 Milk of Magnesia 控油的方法我其實並不建議, 一來本身非為面部而設, 二來能控到油 5-6 小時的控油 base 其實亦有選擇~ 而用肌底液膚質會提升是真的, 但肌底液本身是為中女 / 成熟肌等的偏乾皮膚而設, 所以是會有滋潤用途, 偏油肌用後加快出油~ 而混合偏油肌這種天氣用 h2O gel cream 會更清爽~
刪除可唔可以介紹遮黑眼圈既遮瑕.面既遮瑕有邊隻好用?
回覆刪除想要d冇咁乾同唔會咁浮既遮瑕膏同液^^.thankyou
如沒 budget 限制, 遮瑕液我認為 NARS 是最好用的, 而遮瑕膏 Covermark 是很好用, The Balm / estee lauder / cle de peau 都不錯~
刪除Isa 我想問kanebo的media 好用嗎？我見價錢十分吸引 .... 雖然完全沒包裝可言 ... 會有item 適合中女嗎？
回覆刪除它的底妝品也是適合中女使用的, 不會太乾, 除了不算太持久之外其實效果一點不差, 而其他彩妝品我也覺得不錯, 但它的唇膏就不太出色也不持久了~
刪除hello isa, 今日收到到貨電話即上尖沙咀分店拎 glo minerals 既遮瑕膏，但返到屋企打開包裝先發現遮瑕膏表面好多水珠，請問呢個情況係正常的嗎？唔該 :)
回覆刪除新開的膏狀化妝品有水珠情況, 其實在 hk 也頗為常見, 是因室溫偏差而起 (hk 夏天潮濕, 加上會常開冷氣, 拿出街一離開冷氣地方就很易因室溫驟升而起水珠), 但就不影響使用, 只需把水珠抹走後便能用, 平常存放在家一般都會放在陰涼地方, 室溫不會偏差太大的, 放心~
刪除請問如果我本身有齊the balm深淺色及自己膚色嘅遮暇膏 想買支cle de paul遮膏同the balm遮暇膏溝色遮黑眼圈應該買深色 淺色定自己膚色？ 另外 請問如果混合偏油皮膚化妝個時luck皮 但因為luck皮而完全吾用控油products個妝又會好快溶 請問可以點？
回覆刪除Isa 請問如果用左防曬 用sofina控油base仲洗吾洗跟足佢後面個份量？
回覆刪除控油 base 不需一定跟足寫的份量用, 畢竟每人面部大小不同, 出油情況有多強亦不同, 故多除少補就 ok. 而用了防曬後, 先待防曬霜吸收變清爽一點後才塗控油 base, base 的份量也能減少~
刪除Hi isa, what do you think about ettusais' product, eg. lip essence, skincare and cosmetic?? any good to recommend??
回覆刪除ettusais 都好 ok 架, 曾有一段時間我也有買過它很多東東來試, 在 yahoo 舊 blog 時也介紹過不少它的 product, 比較好用的有晚間護膚粉, peeling milk, lip essence (但不算太持久), 粉餅, 洗面皂等~
刪除