LANEIGE 兩款新出話題之作唇妝品

LANEIGE 上季新出那支 Cushion Tint (雙頭唇頰筆), 設計非常有趣, 我想買來試好耐了!

但一直都無時間經過去買, 到有時間時, 又發夢入錯 Clinique 買 LANEIGE..... 拖下拖下, 結果拖到前幾天才買來試. 去到見到有新出 Water Drop Tint 唇采, 順道又買支試試.

雖然家中已有 N 支唇膏, 但今季實在太興玩唇色, 好難忍手..... 加上又好想試下這 2 支近期話題之作好唔好用, 就小敗小試一下. 

(然後發現自己最近買的 lip color, 不是桃紅就是橙紅 / 鮮紅, 完全中晒韓妝毒!)

用了幾天, share 用後感先!

首先, 唔知點解次次去親 LANEIGE, 都會好唔好彩地遇著無禮貌 BA 姐姐..... 不過算了吧, 反正我都是買完就走....

而這支 Cushion Tint 我覺得好好用呀 ^^

賣點是雙頭設計, 一邊是唇膏, 另一邊是海棉頭, 方便化出 "韓式咬唇妝". 另除可作為唇膏使用外, 亦能印在面頰作 cream blush~

不過其實真的屬 gimmick 產品, 實情是任何品牌每支唇膏都能同時塗嘴 + 面頰; 而 "咬唇妝" 也是用任何一支唇膏都化到, 只不過有海綿頭幫手, 就無需自己用手指印開咁解.

$150 @ LANEIGE

售價合理 affordable  

顏色選擇:

我買的是 #Joy Pink 桃紅色, 當然如果買較淡的顏色會自然好多 (如 #Strawberry Pink), 但太淡色又會做不出咬唇妝效果, 顏色層次會不夠明顯, 白白浪費了它的海綿頭設計.... 

所以要買一定揀 sharp color, 夠晒韓味!  

實物色效:

上方是 #Joy Pink 實色塗抹效果, 顯色度極好, 完全出到原色!

不過如此 sharp 的 color 未必人人能夠 carry, 除非本身唇型很美吧? 但一定無我份, 所以還是 prefer 印上內唇再鬆開做 "咬唇妝". 

而下方則用海綿頭擦鬆過, 色效 natural 好多~

把唇膏印上內唇, 再用海綿頭鬆開, 就能化出如下圖之 "咬唇妝" 了~

不過仍然都係同一句, "咬唇妝" 用任何一支唇膏都化到, 而這支 Cushion Tint 只不過以海綿頭代替手指而已.

另外今季最新出的 "Water Drop Tint" (水感持久亮色唇蜜):

一睇就知, 完全是 YSL 唇釉個類 friend, 同屬 lip stain 一類 "持久鎖色唇妝品"~

但質地就無 YSL 咁潤, 塗後如不加透明 lip gloss, 幾乎就是 matte tone 的, 感覺亦不夠補濕, "水感" 欠奉好輕微. 但顯色度卻比 YSL 強, 色效亦非常 long keep, 塗後約能 keep 3 小時不脫色 (期間有飲過幾次水)~

$210 @ LANEIGE

以 LANEIGE 牌子來說, 我會覺得..... 很貴, 有點 overprice.

顏色選擇:

我買的是 #Hot Pink 桃紅色 (實物顏色跟 leaflet 顏色明顯有差別)

顯色度無疑是很強, 但其實跟上述 Cushion Tint 色效相差無幾, 只不過多了一層光澤感, 但塗上唇後那股光澤感卻並不明顯, 補濕度亦弱, 唯一可取之處是色效夠 long lasting. 

咁我寧願買 Cushion Tint 了, 便宜好多!

(左: Water Drop Tint / 中: Cushion Tint / 右: 鬆開後的 Cushion Tint)

Water Drop Tint 實物完全無 leaflet 上的水感效果, 因為宋慧喬的唇妝 on top 另外再加塗了 lip gloss.

But anyway, 反正我唇型大又厚, 也不適合如此 glossy 玻璃嘴效果, 不過份令身反而更好~

用手指捽開後, 可見到 (上) Water Drop Tint 顏色仍緊緊鎖住, 但 Cushion Tint (下) 就一捽化開:

但也不能怪 Cushion Tint, 人家本身就不是 sell 不脫色嘛, 只是普通唇膏~

用 eye makeup remover 抹過後, Water Drop Tint 仍然有色:

要再用 eye makeup remover 敷一陣先甩色.....

不脫色效果有好有唔好吧, 好處是無需經常補妝, 缺點就是 chemical 一定比較多, 都是各取所需.