韓毒繼續! 3CE Water Gloss

記憶所及, 由細個一化妝開始, 經已不愛用深色 / 鮮色唇膏.... 自己個嘴又厚又大, 唇型又唔靚, 無謂自暴其短吧, N 年來只用 nude 色唇膏, 一有少少紅都耍手擰頭, 已有心理準備一世 nude 嘴視人.

估不到卻因為韓妝潮流, 再加上 "咬唇妝" 化法, 令厚唇的人也能 carry 鮮色唇妝, 這 1-2 年就愛上用大紅大橙的唇色了!

起初還以為是自己韓妝中毒太深, 不過某日 girls gathering 講開唇膏, 幾位中女分析過後, 大家都同意年過 30 後, 用較鮮色 / 較深色的 lip color 個人望上去會醒神好多! 而韓妝唇色的興起, 其實只不過將整件事再多推一把而已.

終於明白何解細個時見媽咪總愛買紅色唇膏, 因為而家輪到自己 ^^

上星期好友 Lillian 剛加入為 creative director 的時裝店開幕, 酒會完結後, 大家經過韓裝店 Stylelanda, 又入去望望 3CE, 陪買唇膏.

明明是陪買, 結果自己又買了 2 支.....

看吧看吧, 當天我塗了淡色唇膏, 人望上去就是比較累, 不夠精神, 一副剛睡醒的樣子:

雖然淡色有淡色好, 但眼妝化得清淡時, 還是用鮮色唇膏更好.

而 Lillian 今期無疑是愛上了橙紅嘴, 最近見親都是橙紅唇色:

我則愛上了桃紅 / 深紅嘴~ 

雖然橙紅嘴見其他人 carry 得好靚, 但跟我的髮色好像不太 match, 塗後亦覺膚色更深更黃, not my cup of tea.

今次敗的 "3CE Water Gloss":

一睇就知道是不脫色唇釉吧? 又是 YSL / Laneige 唇釉那堆 friend~

自己對唇釉其實沒特別喜好, 仍然愛用唇膏多點, 今次純粹想買來試試, 看看跟 YSL / Laneige 有何分別.

色號 #TIC TOC, 屬較 bright 的紅, 其實也帶點橙, 只不過橙色佔很少, 屬紅的多.

共 10 色選擇, click 圖可放大:

隻隻色都好靚, 實在好難揀, 太想全都帶回家!

不過家中已有很多類似 color, 今次就小牛試刀, 先買 1 支試試質地~

(相片 copy 自官網)

官網圖的顏色跟實物真身極相似, 沒太大色差 (下圖色號為我買的 #TIC TOC):

持久度不錯, 屬不易脫色的一類, 約可 last 2 小時不脫色, 但 Laneige / YSL 就比它更 long keep.

塗上後感覺也算補濕, 不黏稠, 質感比 Laneige / YSL 更豐盈, 更滋潤. 只不過它如所有唇釉一樣, 塗後隔一陣就開始變乾, 補濕度不太持久, 但已比 Laneige / YSL 更好.

貼唇度方面, 由於質地較豐盈, 覺得不及 Laneige / YSL 般貼唇, 塗上後如不用手指印開, 效果就會較厚較深色.

至於光澤度, 有是有, 但卻並非如下圖般 glossy, 下圖 model 嘴嘴應該 on top 加了透明 lip gloss.

再睇埋售價, $169 對 3CE 來說好像有點 overprice..... 

所以我都係支持買唇膏算了, 反正用了唇釉後不夠 glossy, 之後都仍要加 lip gloss, 跟用唇膏沒分別~

$169 @ 旺角新世紀 1/F Stylelanda

如在 Stylelanda 中國網買是 $130, 買滿 USD50 寄來香港免運費, 較抵玩更化算, 但 online 買就無得試色

另外買的 "3CE Glass Gloss":

透明 lip gloss, 現時應該很少人用了, 絕大部份人都愛用有色的.

但其實用透明都有好處!

舉例說當你用了喜歡的唇膏顏色後, 如 on top 加上有色 lip gloss, 就會把那唇膏顏色蓋掉了. 而用透明 lip gloss 則可增加透亮感之餘, 不會把唇膏顏色 cover 住~

以透明 lip gloss 來說, M.A.C 是很出名的, 我卻認為太黏唇太杰身了, 用後會 "漿住個嘴". 這支 3CE Glass Gloss 質感不錯, 透薄得來不黏唇, 比較輕身, 持久度亦滿意~

$129 @ 旺角新世紀 1/F Stylelanda