今個 X'mas, 諗好要送咩俾另一半未?~

我就一早送了喇~~

好無新意地又係送 "SK-II MEN 神仙水" + "Chanel BLEU" 香水..... 但最緊要合用!

原先無打算咁早送, 點知老公剛好用完話要買, 咁就不如我去買完當 X'mas gift 好了! 呵呵~ 

如果要說到我認識的人當中誰是 SK-II 粉絲, 我老公肯定是頭號! 

護膚品我慣常會八卦又花心試東試西, 就算幾鐘意都好, 都不會停試其他. 但我老公就說過從此只用 SK-II 男仕 skincare! (誇張到呢....)

這 2 年間我都有試過無數次, 游說他試試別的男仕 skincare, 如 Clarins / Biotherm / Loreal 之類(比 SK-II 便宜嘛), 仲買埋俾佢試, 但他說始終 SK-II 最好用, 叫我別買其他....

說到底老公沉迷於 SK-II, 其實都是因為我! 始終男人的 skincare 都是女人買的多 

話說 2 年前某次 out job 化廣告妝時, 導演哥哥說用了 SK-II MEN 神仙水後, 皮膚變靚了, 於是我又走去買 set "入門版" 俾老公試.... (75ml 男版神仙水 + 2 支洗面 / 面霜 sample $500-$600 那套)

老公用後說粒粒出少了 (平時經常爆瘡, 痘痘肌底), 摸上手更平滑了, 用上癮了 bla bla bla....再試埋支洗面 sample, 又話無其他 cleanser 能媲美等等等等..... 自此就只買這 2 件, 還經常推介叫朋友用.

完全是我 "導" 他入教! (結果反害了自己荷包)

後來 SK-II PR 知道他是頭號粉絲, 父親節就送來男仕精華 + 面霜給他做禮物, 咁就出事喇! (我指我的荷包)

老公以前明明都不用精華 / 面霜的, 男仕都懶用 skincare 嘛, 點知用完後, 個段出自真心 + 滿心歡喜向我 share 的用後感, 認真到我直頭覺得佢可以做 blogger! hahahaha~ 仲好 detail 地解釋用邊支 / 唔用邊支有咩分別!

多謝 SK-II 再進一步 "導" 他升上教主寶座, "導" 得太成功! 

自此我每 2-3 個月的 shopping 支出, 又多了 2 件男仕 skincare! yeah~ (唔知好嬲定好笑) 

下圖就係 2-3 個月前 encore 買的 3 件 (神仙水 + 精華 + 洗面)..... 我老公形容為 "必需品"!

男版神仙水我認為對 age 30+ 的男仕, 功效會特別明顯, 因為肌膚衰老問題都已現形了嘛~ 

以我老公為例, age 40 用會讚不絕口! 但我曾經問過 age 20+ 的男仕, 用後就不覺得有什麼.  

至於洗面膏, 曾經買過 Biotherm / Clarins / Loreal / Bliss / GARNIER 等等的給老公試, 但他說最好用的只有 SK-II, 用完一支又一支....

原因??

佢話 "感覺" 喎....

於是做老婆的每 2 個月就要買 1 支, 用得仲快過我....

(男版神仙水有時在 sasa 也有水貨賣, 但精華等等就無, 要去專櫃買)

另外 Chanel "BLEU" 男仕香水也是我老公的最愛, 每天都會用~

而我身邊認識的 age 35+ 男仕, 普遍家中都有這支.

我自己就認為香氣比較濃, 但大概男仕們都愛這種氣味??

在專櫃買約 $800 幾, 而卓悅只賣 $500 幾, 梗係去卓悅買! (問過幾間 sasa 都冇貨) 

ISSEY MIYAKE 這支我見而家老公好少噴了, 封塵中....

老公說人大了, 覺得這支返工用香氣不夠...... "成熟"..... 喎......