Dior 新出 Nude Air 碎粉 review

如果大家仲記得我之前推介過的 "Dior Nude Air 粉底液", 今次介紹的便是相同系列 "定妝碎粉", 同為今季新出品.

我記得買 Dior Nude Air 粉底液的時候, 試完質地幾乎不用考慮就買了, 覺得它又滑又薄又貼面, 非常適合 summer 季節~ 

反而這盒 loose powder 我並沒即時購買, 主要是因售價貴, 雖然試上手背效果好貼好滑, 但始終碎粉不試上臉, 便試不出貼滑度 / 控油度 / 持久度等等, 所以都掙扎了好一陣子才決定回去買.....

"Dior Nude Air 粉底液" review 重溫:

http://isadoracheng.blogspot.hk/2015/05/diorskin-nude-air.html

Copy 自官網的產品資料:

輕盈薄透，增添健康光澤的蜜粉

Dior "輕透光活氧蜜粉" 質地羽量輕盈，是上妝的最後一道步驟，能使肌膚維持清新光澤。蜜粉如空氣般輕盈的質地不會堵塞毛孔，使肌膚自由呼吸，並且形成隱形的保護層，能夠對抗污染，減少肌膚吸收的有害分子。每次使用都能幫助肌膚展現自然的美感。

$510 @ Dior 專櫃

好貴.... 雖然心知 Dior 不會便宜, 但仍然覺得好貴, 因為一般好用的碎粉都只需 $300-$400, 更便宜的都有 (除了 VIDIVICI)....

效果主要是 sell 羽毛般輕盈 + 淡淡健康光澤感:

的確粉質是頗幼滑~

其實已用了一陣子, 一直未介紹是因天氣未夠熱, 未試得出控油度 / 持久度.

初夏時 20 幾度用我覺得幾好, 夠 natural 又不會太乾. 但到 30 幾度高溫時又如何呢?

P.S. 附設的粉樸極度 soft!

收得你 $510, 當然要送個 good quality 粉樸啦~ hahahaha~

用後圖:

用過 "Dior Nude Air 粉底液" 後, 我一心估計這款同系列 loose powder 應該都同樣會有 "羽毛般輕盈感", 不過真實效果卻與預算有出入.

實際上它會有點遮瑕度, 有丁點厚度, 並非真的似 "羽毛般無重", 所以有少少失望. But on the other hand, 你可以說它用後皮膚很無瑕, 因為始終有 coverage.

另外 Dior 家的底妝品我一向用開 #020 色號, 不過需注意這個 Nude Air 系列粉底 / 碎粉, 都有輕微偏紅 (pink tone).

粉底還好, 因為夠薄, 偏紅都不覺眼. 但碎粉因有點厚度, 用後會見到偏紅, 是一大缺點 (近睇好覺、遠睇還可以接受). 所以建議買 #010 更好.

出街圖:

初夏時 20 幾度我用它, 明明覺得幾好, 夠 natural 夠貼面, 又不太乾 (應該是因天氣未夠熱). 

但去到而家 30 幾度高溫用, 就認為非常一般, 有點侷身 + 控油度不高 + 持久度低, 無論是用碎粉掃 or 粉樸上粉定妝, 都很快出油, 而且並非光澤感般簡單, 是屬完全快溶妝出油那種......

(健康光澤感是望上去 "令身光滑", 但摸上手是清爽的, 不油. 這款 Nude Air Loose Powder 是用後 1 小時未到, 摸上手真的有油)

絕對不值這個價. 

順手 post 埋是日 outfit snap:

這套衫其實上次已介紹過 (H&M), 只係我終於找到能影出光猛 outfit 相的位置而已~ haha~

咁樣影睇得清楚好多! 好過在笠口影多多聲~

再次要讚讚這對在屋企附近小店買的平價韓鞋 ($299)~

又舒服、又易襯衫!

外出 out job 時著超爽~