近期 outfit snap~

近 2 年影 snap shot 冇以前咁勤力, 全因....

屋企笠口塊鏡太矇, 燈光又暗, 好難影得清楚, 又冇人幫我影, 自拍有難度.... 加上自從妹妹出世後, 湊多一個, 私人時間一定會更少, 每日幾乎係衝住出門口....

不過我已經諗到 solution 喇, 嘗試訓練仔仔幫我影先! hahahaha~

回到我的 snap shot, 今季最 hit 的必然是 "白飯魚式" 平底鞋吧? 周街都有得賣, 我都有襯熱鬧~

其實平底鞋一向非我杯茶 (我矮 + 腰長腳短嘛), 未結婚前我甚至一對平底鞋都沒有, 但有小朋友之後, 世界就變了, 而家著平底鞋多過 high heels! 好舒服呀~~

今季第 1 對買的布鞋, 在屋企附近買約 $140, 以為已經算抵, 但原來經已買貴了, 後來在一些網上廣告見到只需 $50 幾.... (算了吧算了吧)

布鞋本身是沒閃石的, 後來自己再用屋企掘到的閃石 + 膠水加工貼上~

"白飯魚式" 平底鞋極多款式之餘, 售價又不貴, 百幾二百已有交易, 一下唔覺意就好易買多幾對! (全部購自屋企附近商場, 約二百多)

3 對已經好夠, 要 remind 自己停手....

衣著方面, 估都估唔到, 大熱天時我仍在穿長袖 / 中袖~

我超級怕凍、又怕冷氣嘛, 就算以現時天氣計, 由於經常出入冷氣地方, 所以有時都仍會穿長袖, 好變態~~ (暗笑)

陽光普照著住件長袖衫, 唔知以為我有病....

不過一上車有冷氣、工作地方又有冷氣, 我真係怕凍.....

而這件中袖米色針織 (H&M), 就完全解決到我的怕凍問題:

 不會太薄之餘又係中袖, 擋到冷氣, 最近經常著~

背心外加件牛仔中袖外套, 都同樣可以救到我:

要等到天氣再熱少少, 我先會著背心出街了~

落雨裝束:

介紹過好多次的淘寶雨靴又出動~

某天出門返工, 妹妹跟到出笠口, 仲要未著褲!

見我出門, 妹妹以為佢有街去~

類似情況每天發生, 妹妹日日見我返工, 都會扭計想一齊出街, 仲會自己著埋鞋.....

Weekend look:

放假除了是 family day, 也是去超市擔擔抬抬的日子, 超市冷氣激凍, 所以都是穿長袖, 再捲起衫袖變中袖~

這件衫可算是我近來最愛~

到底在那裡買呢? 完全記不起了, 已買了幾個月.... 

而 family day 慣用的手袋, 是環保袋~

尤其因為要袋住妹妹的奶樽奶粉、公仔、食具, 極多東東 ^^

指甲方面偏愛這種色調, 仍是自己整的 D.I.Y soft gel 甲:

是在 Watson's 買的 "Depend Gel Lack" (soft gel 品牌), $50 左右一小支, 顏色選擇頗多, 已轉它很久了~ 

也喜歡今期整的這種~

不過自己畫真係好有難度, 畫了很久都不 perfect....

有時候也會 "被迫" 塗這種 nude 色:

就是當要出鏡為一些品牌拍攝的時候吧, 很多時都被要求換上 nude 色, 嫌深色太搶鏡 or 不設合品牌形像等. 

其實 nude 色都好靚呀, 只係自己略嫌太 "賢淑" 哈哈~

"1 Day Acuvue define" 大眼仔:

買它當然是為了...... 全智賢! (偷笑)

一直用開 "FreshLook" 大眼仔多年, 愛它效果夠自然, 但補濕度卻一般..... 後來轉用 "博士倫 LACELLE", 覺得用後雙眼會好大, 補濕度亦比 "FreshLook" 好, 但又覺得效果不夠自然.... (想點呢, 呢位麻煩精)

2 個月前再改用 "1 Day Acuvue define", 又補濕又自然, 用後微微放大雙眼, 神不知鬼不覺~ 

3 種款式選擇, 我認為其實效果分別不算太大

我買的是中間 #Natural Shine

還有今期是超想去打 laser, K.O 臉上的斑斑!

(都並非 "今期", 已經說了好幾個月)

本身已有點雀斑, 幾年前打過彩光, 生完妹妹後又重現, 仲要加多了荷爾蒙斑....

可惜這陣子忙到抽筋, 最終 book 完、改期、再 book 、再改.... 到而家都未去, 但望望自己本 schedule, 大概又要再等一下, 或者等我 try try 約不約到醫生朝早先....

(素顏兩塊面都滿佈斑斑....另送上超內雙眼皮浮腫眼一對)