跟我走~ 充實星期六~ 工作 + 文華 buffet + 山頂

又開始踏入結婚旺季~

(招牌式皺眉 look.... 眉心紋就是這樣形成的吧! haha)

昨天伙拍了化妝師 Waka 一齊去幫新娘子扮靚靚:

靚女新娘婚前 3 星期原本想去做 HIFU, 但又怕太 aggressive、時間又太趕, 傾完幾次後結果還是建議她做 RF 更好, 又零風險又無痛. 結果做完 2 次, 皮膚真的又 firm 又面尖尖, 比試妝時又更靚, 其他準新娘子亦不妨考慮一下~

另外我也非常喜歡今天新娘子這條 vintage 婚紗 + 禮帽! 好有 feel、好襯佢呀~

今次化完註冊妝就走得喇, 然後我又去邊呢?~

今個月佔一半日子, 我們都要為 Tiffany & Co. 首飾的活動化妝:

分別派了幾位 makeup artists 去幫手, 今日就輪到 Waka 去喇~

與 Waka 分開後, 我就先返屋企買午餐給家人、小睡 2 小時 (昨天仍未睡過)、然後再返公司幫下星期結婚的新娘子修修眉、傾 rundown、揀頭飾~

返完公司後, 再一家人去文華酒店食 buffet, 為老公慶祝生日~

Happy 4X birthday! hahaha~

妹妹照舊一影相就 cool 爆~

文華 buffet, 我 1 個月前就 book 好位了, 足足期待了 1 個月! 

冷盤有: 生蠔 (好細隻但夠新鮮, 非 "死蠔")、翡翠螺、蟹腳、膏蟹 (勁多膏多肉)、青口、三文魚、salad bar、sushi bar 等等, 另送每人一份鵝肝多士 (size 夠大).

熱盤有: 白汁磨菇 risotto、roast beef、薄餅、焗薯、北京田鴨、菜、炒蟶子、蒜茸粉絲蒸帶子、炒飯、雞粥等, 不記得太多了~

食物種類不算超多, 但都好足夠, 味道不差, service 又不錯, 總算沒失望~

$588 / 位, 以酒店 buffet 來說不貴, 不過一家四口食一次、加埋 service charge 二千蚊實在太貴 (妹妹 under 3 歲已經冇計 $), 真係要等過時過節了.....

甜品倒是極多選擇! 大概有 20 多款吧? 

有 cream brulee、chocolate mousse、apple mousse、各種小 cake、楊枝甘露、生果、仲有 waffle、雪糕等等, 好多好多~ 

件件小巧精緻又好味! 

最後以一杯 English tea 消消滯作終結~ 

原本打算食飽飽返屋企 ZZZzzz, 老公突然心血來潮帶我們上山頂睇風景~

10:30pm 山頂商場都關門了, 但估不到夜麻麻都有極多旅客未走, 仲有好多情侶上去拍拖~