沒有賓賓姐姐的日子 の 超 hea outfit

大部份在職媽媽背後, 都總有一個靈魂人物 → "賓賓姐姐" (或是婆婆 / 奶奶)

HK 不同外國, 沒有公司會為 working moms 設彈性上班時間, 也不能 work from home 邊做邊湊 B, 如沒人幫手打理家務 + 湊小朋友, 何來有時間返工 or 打扮??

早陣子跟我多年的賓賓姐姐返老家了, 新姐姐仲有 2-3 星期才到港, 於是我便展開了 full time 湊仔兼返工生涯....

每朝早 6 點起身準備哥哥返學, 然後又輪到妹妹起身, 整個下午節目為吸塵拖地、執屋清潔、洗碗洗衫、接哥哥放學及陪做功課、幫妹妹沖涼。6pm 出門帶哥哥及妹妹去奶奶家 "存放", 自己再返工, 12:30am 返到屋企開電腦繼續工作, 直到清晨 6am 又再來過....

每日只睡 4-5 小時, 電話 whatsapp 滿瀉都未覆晒, 新的又湧上.... 

這樣下去 1 個月應該瘦十磅不難, 成效分分鐘好過去美容院做機! hahahaha~

沒有賓賓姐姐幫手的日子, 家務 / 湊仔 / 接送 / 返工一腳踢, outfit 打扮又會變成點?

我而家終於知道, "師奶樣" 原來都是被迫煎熬而成的.....

賓賓姐姐走前 3 天:

我還可選擇性地只帶哥哥或妹妹出街, 無需一次過湊住 2 個小朋友

就算帶住 2 個小朋友出街, 都仍有多一個人幫手照顧, 自己尚叫有時間影張 snap, 出門前也能打扮一下、化個妝....

(當日 2 單工作 + catwalk show, 連走三場累到沒表情)  

有時襯下午外出 outjob, 更可偷時間於附近買件衫....

btw, 這兩件背心購自旺角, 平到顛, 分別是 $39 及 $59!! Quality 仲要好 ok! 

理應轉秋不應再買背心, 但真的好抵喔....

好喇, 賓賓姐姐走後:

慶幸 weekend 總算仲有老公幫手, 襯 2 個小朋友跟爸爸走開了, 仍可影張 snap, 但妝就沒時間化了, 運動裝 + 帽 + 奶粉袋立即出動.

經已睡得不夠、不想提早起身化妝, 但同時又不想失禮人前, 原來真的好有難度, 唯有帶帽..... 

朝早 7am 送哥哥返學 look:

睡褲 + 背心, 再笠件牛仔褸 + 帽遮住殘樣.... 

重點是這身打扮我經已 keep 足一星期, 朝朝早同一個 look! 

(別的家長可能會想 "何解這位媽媽不換衫?" 哈哈~)

眼見其他媽媽每朝早比我更披頭散髮、睡衣落樓, 我這身造型已叫做 "有打扮" 了! hahaha~

btw, 這件早陣子在 Maple 買的復古款牛仔褸 (約 $160), 下星期終可大派用場! 

用來替換上圖那件, 總算叫有換過衫 hahaha~ 

想話襯去街市時, 偷雞經過 boutique 買件衫?

湊住 2 個實在太困難, 妹妹太鐘意 "典地" 兼搗亂, 結果放棄.... 

沒有賓賓姐姐後的返工 look:

妝沒時間化, 衣著直頭 hea....

印像中多年來都未試過這樣 hea 著 + 不化妝返工, 但今期真的太累又睡不夠, 要破戒了....

連身裙也正好 fit 到我這陣子 "求其有件衫笠上去就算" 的策略:

真係....仲邊有時間襯衫...

連身裙購自尖沙咀加連威老道某 boutique, 約 $139. 看價格便知很明顯是 made in China, but who cares, 現在有什麼不是中國製, 穿上去款式 ok 便算了, 反正明年很可能又 outdated.

連帶妹妹都由平日這種 "信心十足必殺造型".....

變成這種 "落難 feel"! 

Sorry 媽媽沒體力幫你襯衫, 乖~乖~

表情也真夠委屈 hahaha~~

近期每日貼身照顧妹妹, 接送哥哥返學放學、去街市, 看起來很溫馨~

不過窩心背後.....

一到落雨妹妹就話要抱喇, 得一對手 + 拎住 2 把傘, 要怎麼抱.....

跟住妹妹就扭計唔肯行, 開始谷眼淚.....

外出食飯更要提防妹妹會突然 "以身抹檯"....

在家也愛 "典地".....

於是地就要日日拖....

每日做完一大輪家務後, 身水身汗、頭髮濕透, 當真好過去做 gym! 

今期日日做家務當運動, 氣息變得紅潤健康, 是沒有賓賓姐姐後的好處~

這連子妝是少化了, 但護膚程序仍有做足, 連 mask 都敷密了, 總不能不化妝又不護膚吧? 

特別愛 "寶藝補濕冷敷劑" 敷一次要 45-60 mins, 能讓我在做家務時敷、或半夜三更邊敷邊寫 blog, 不用記掛幾時要清洗, 忙的時候用它其實更方便, 幾乎無需 keep time~ 

至於頸紋及主婦手就靠 Melvita 這支、我已用了多年的 "Roll-on 堅果油" ($100):

化妝師本來就已經常洗手、用酒精消毒, 加上有小朋友、兼近期常做家務, 雙手便更乾上加乾, 仲開始有甩皮跡象..... 

為免變成主婦手, 精華油我用得比平常更兇狠, 塗手之餘更會用來塗頸~

Lip balm 也會揀滋潤度高 + 持久 long keep 的, 免得隔一陣又要補塗, 沒時間嘛; 也習慣愛揀 organic 的, 不用怕把防腐劑或 chemical 吃進肚 (小朋友也能用)~