迷上指甲水貼! $1.2 至 $2 張咋!!!

"Soft gel 甲" 方便是方便，亦比水晶甲薄身，但缺點就係可玩的花款不多，次次搽單色 / 雙色真係 so boring!

雖則網上亦有不少 video 教整更多花款，but..... 時間呢?? 叫我坐低 2 個鐘慢慢 D.I.Y 真係唔 ok，仲未計如果失手要修改的時間喎.....

於是 2 星期前突然心血來潮，不如玩玩指甲貼吧，貼上去油層 top coat 就可以，夠晒方便又多花款，想幾時轉款都得~

走去 SaSa 試搵，奈何款式真係非常一般，唯一揀得落手的就只有日本 Cyber Colors 的甲貼，約 $30 幾 →

這款屬 "指甲水印貼"，就似紋身貼紙般，摸上去零厚度、好薄身，亦可一次過重複貼上不同的圖案，自己 mix & match~ (每次貼完，2 歲半大的妺妹都會捉住我隻手狂望! 哈哈)

但缺點是持久度只能 last 一星期，就算貼完 on top 再搽 top coat，甚至是透明 gel 甲 top coat，隨後亦會有部份貼紙逐漸脫落.... (但仍認為玩玩無妨，又有新鮮感 ^^)

既然唔 long keep，即係久不久又要貼過啦，但 SaSa 又冇乜款揀，於是......

當然係光顧偉大的淘寶! hahaha~

即係咁，唔係唔想幫手刺激 hk 經濟，只係 hk 賣成 $30 蚊張，淘寶賣 $1.2 - 2 張喎! 點比?!

(雖然我都明點解 hk 要賣得貴，租金點減都係貴嘛)

Anyway，襯過年前即刻大手入購 23 張! 有排玩~ 呵呵呵~

每張人民幣 $1.2 - 2，運費我揀順豐 $24，total 23 張共 $57.2~~

淘寶「靚甲美甲店」連結

用法:

1. 先油好普通甲油 / gel 甲油

2. 剪出 "水印甲貼" 圖案。無需跟住圖案仔細剪，求其剪出個框就 ok

3. 撕走膠片，把圖案浸在水中約 30 - 40 秒 (可一次剪 + 浸想是次想要的數量)

4. 把抹乾水份的圖案貼上乾甲面層，再撕走底紙 

5. 塗上 top coat 

圖案甩得七七八八時點算?

如果底層係 gel 甲，便可用卸甲水抹走 top coat + 圖案，然後再玩過 or 不再貼。

如果底層係普通甲油，咁一用卸甲水抹就會圖案 + 甲色都 bye bye，只能重新再油過。

這樣用法亦可 →

也有買大幅形式的 →

可造作這種效果 →

3D 立體普通甲貼也有買，實在太可愛! 好難忍手! →

這種屬普通貼紙，即無需剪 / 浸水，就咁貼上甲面、再油層 top coat 就得~ 

呢款以普通甲貼來說已算好薄! 不過因為始終有凹凸感，所以亦會較易批邊 / 易甩，大約只可 last 幾日貨仔.....

大前提係..... $1.5 張咋! 每次又只係貼幾個圖案，就算只能 last 幾日都抵玩啦~~~