德國 "KRYOLAN" Concealer Cube 遮瑕膏組合 Review

以遮瑕膏說，質地愈乾 = 遮瑕度愈高 = 持久度愈高 = 用少少份量已能遮到好好 

(缺點當然是會乾 + 易起紋 + 龜裂喇)

相反，質地愈柔潤 = 遮瑕度愈低 = 持久度愈低 = 要用多少少份量才能遮到瑕疵

(好處就是夠補濕)

所以自用我會愛用較補濕的 concealer，因為日常返工並不需厚妝，務求遮到 8-9 成而不起紋 / 龜裂便滿足~

而工作為別人化妝呢? 我卻愛用質地稍乾的 concealer，又持久又高 coverage! 至於那些會起紋 + 龜裂之類的缺點，由於整個廣告拍攝 or 新娘婚宴，全程我都在場為 model / 新娘子補妝嘛，也就不怕有什麼狀況，所以分別就在於這裡。

如有留意我近期的 video，都知我用 "Cinema Secrets 五色遮瑕膏" 用上癮! 一盒一次過 K.O 粉底 + 遮瑕，慳返唔少時間又夠貼皮膚，而家日日都用佢咁滯~

代理見我咁鐘意用，叫我不如試埋德國 "KRYOLAN" 的 Concealer Cube →

話如果好用都可以考慮入貨，但係試用完之後....

先講講 "KRYOLAN"，其實是化妝師專用的化妝品牌，在外國化妝師界無人不曉，我大約在 10 年前已用過它的粉底。由於以前它只為 makeup artists 而設，粉底霜 / 遮瑕膏 design 都是幾色、甚至十幾廿色一盒的，外型亦一般，所以普通人絕不會購買 (這方面有點似 Cinema Secrets)。

可能近年見化妝品好賣? 於是 "KRYOLAN" 便開始推出一些適合自用的妝品，台灣 hit 完之後，hk 連 sasa 都有代理。

先望望這盒 "Concealer Cube" →

上層為雙色遮瑕膏

售價約 $300 幾

色效圖 →

扭開盒蓋.....

下層更有定妝用的碎粉! 夠方便! →

粉質幼滑之餘，亦非常貼面 →

小巧 size 收在手袋帶出街補妝 or 去旅行用，都真真夠方便 →

輪到用後感精絮了! 

設計其實好正! 夠方便 + 實用 + 外形幾靚 + 夠的式 + 遮瑕膏 coverage 又夠高~

好可惜.....

可能近期天氣特別凍?? 遮瑕膏質地感覺奇乾.....

初開封時還算可以，但開封 2 星期後，就變得乾到要用手指來回捽幾次，先沾到少少顏色上手指，上臉效果當然亦不會補濕了，而且下層之碎粉持久度亦不算太 long keep.....

以 concealer 來說，其實比 average 乾少少我都可以 accept 的，但這盒卻並非少少乾咁簡單.....

所以都係繼續用返我盒 Cinema Secrets 算了吧~