睫毛突然變纖長粗黑之謎~

有沒有發現最近我的眼睫毛變得又長、又黑、又濃密了?~ (偷笑偷笑)

以為是貼了假睫毛?

其實係因為我 2 星期前做了 lash extension (睫毛接駁) 喇~

相信大家對 "植眼睫毛" 完全不陌生，早年 hit 的時候很多人都整過，也包括我，而且仲每個月 keep 住整，足足整了 1 年，直到後來因為某些原因而暫停 (下段會有解釋)。

而 "植眼睫毛" 的好處，當然就係為了貪靚 + 方便喇~

有聽過各地不少 model / 明星都說: "落街妝可以唔化，但 mascara 一定要搽" 嗎? 

其實只要睫毛夠粗黑捲曲，整個人望落經已好精靈，就算冇化妝、望上去都已經好似化了妝咁係真的! 所以點解咁多鬼妹唔化妝都靚，就因為她們天生睫毛夠長 + 夠密 + 夠捲曲!

好可惜我們東方人天生睫毛短小，仲要下垂同稀疏，恨唔到咁多......

唔想日日又夾、又搽 mascara / 貼假睫毛咁麻煩，就唯有去 "植眼睫毛" 喇~

"植眼睫毛" 有很多款式，分別只在於所選之假睫毛長度，自覺這種款式會比較 natural →

愛誇張效果的也有這些選擇 →

我今次試的就這家 "L for Lashes" →

過往去 "植睫毛" 都是自費的，而今次會受邀到 "L for Lashes" 試整，無非想比較一下分別。

一早做過 research 知道這家 "L for Lashes" 來頭不少，的確超想探討點解佢咁勁可以揚威國際，同埋到底有何威力能收得比普通植睫毛店貴?

我見官網內也有不少 blogger / model 讚賞 comment，但自己都為 blogger 嘛，很明白這個遊戲規則，究竟係真係假，自己試過先知~

(free trial sponsored by L for Lashes)

先介紹它們的威水史 →

- 為全港首家美國  JB Lashes 睫毛專營店，採用美國醫療級別的嫁接眼睫毛專業技術
- 服務及產品遍佈全球 50 個國家，多達六千間店舖，包括國際五星級酒店
- 連續 4 年獲行內最高殊榮

再講講它們的技術及用料 →

- 美國獨家嫁接技術，所有美睫造型師均通經過嚴格專業訓練 + 考核   

- 假睫毛從生產至消毒過程，全符合美國 FDA 規管

- 採用美國醫療級別接合液 (即膠水)，獨家溫和無刺激配方，睫毛表面自然契合，不著痕跡

- 假睫毛為嶄新 "仿水貂毛記憶纖維" 製，輕巧柔軟無重而亮澤，更佈滿納米微孔，提升附著力，持久度更長

睫毛均有不同長度選擇，最勁係仲要有不同重量選擇! (果真係好講究喎!) 

有不同長度選擇這點我明，但又何解要有不同重量選擇呢??

原來係專為眼頭、眼尾位 / 或天生睫毛稀疏的人而設~

輪到對比其他植睫毛店的 "用後感" →

幾年前未有這些專業植睫毛店時，我曾經都幫襯過好多間普通植睫毛店，而它們所用的睫毛..... 其實我而家諗返都覺得恐佈，因為一般都會用動物毛 / 人體毛髮 / 仿絲等等吧?? 那些 "毛" 到底從何而來???? 我已經不想回想了......

但以我所估計，如果收你 $300-$400 整一次的，為節省成本，毛毛多數 came from China 吧? 內地美容批發大把有得賣..... 有冇菌、有幾唔衛生呢點，大家明。

另外我今次去 "L for Lashes" 植睫毛需時 1.5 hr，而以前去普通植睫毛店只需 45 mins 就攪掂。點解去 "L for Lashes" 時間會多 1 倍??

其實係因為普通植睫毛店，為求多接幾個客，會夾硬將 2-3 條硬身假睫毛貼落 1 條真睫毛，又或者將 1 條假睫毛貼落 2 條真睫毛，可快手貼完，慳水慳力慳時間。

整完之後你同樣會覺得靚的 (由冇變有點都會覺得靚啦)，亦好似同貴價植睫毛店冇分別喎，但係.....

有冇發覺整完之後，自己 d 真睫毛好易甩、兼變得好脆弱易斷先?? 就連新生返出來的真睫毛，都係短小無力?? 呢個係我的自身體驗，所以點解之後我唔敢再植睫毛! (好多人唔再整都因為咁)

以 "L for Lashes" 解釋，是因為 1 條真睫毛根本不可承受 2-3 條假睫毛重量， 加上每條真睫毛生長速度不一，亦不能將 1 條假睫毛貼上 2 條真睫毛。毛囊一旦受傷害，就會好似我以前咁.....

至於  "L for Lashes" 之美國獨家嫁接技術，是以 1 條假睫毛接駁 1 條真睫毛的，所用的假睫毛亦比我以前整過的輕身，膠水亦沒有掂到眼皮。 

(這點很重要! 膠水一掂到眼皮就會塞住毛囊，條真睫毛一定好快同你 say bye!)

植睫毛房內觀 →

夠光猛 + 整齊 + 空間大 + 電動椅 + 毛毛顫 + 即棄式椅墊

的確比我以前去過的靚好多

雖然我本身睫毛不算少，但就真係好下垂 →

如果唔自己夾睫毛，睇落就會好似冇睫毛咁

before & after →

一望就知分別了吧 ^^

仲提供埋 eye mask 一邊敷一邊整~

遠睇分別仲明顯~

不得不提 "L for Lashes" 的膠水接駁 technique 真係好得，完全唔覺有駁口位!

完成後既濃密又粗黑 →

正面望，冇化妝望落都好精靈、好精神! →

簡直係懶人佳音，每朝一睡醒就有靚樣~

懶的時候搽搽 BB cushion / BB cream / 遮遮黑眼圈就出得街，眼線都可以慳返~

側面睇，捲曲度也很 natural →

呢 2 星期冇人發現過我的睫毛係假的，只以為我夾了 + 搽了 mascara~

來到可以 keep 幾耐的問題......

以過往經驗大概可 last 3-4 星期，假睫毛會每條慢慢脫落，跟住就要再 "維修" (返去補毛毛數量)。如果等到全部甩晒先整，收費就要當重新整計算 (間間如是)。

總括 →

亳無疑問，它們的技術 / 手勢 / 採用材料 / 對睫毛的知識都屬專業級數，植完睫毛後效果亦很自然又無重，但最緊要都係佢夠安全同衛生!

至於假睫毛會真正 last 幾耐先甩? 甩完之後真睫毛又會否變得脆弱? 

據說是會比普通平價的更持久，兼不會傷到真睫毛，但由於 so far 我只過了 2 星期，暫時未答到大家，我會等佢甩晒之後再分享，又或者大家遲點亦可留言問我~

只要致電時說看完我的 blog 而查詢，會有 special discount~

L for Lashes:

官網: http://www.lforlashes.com

Facebook Page: https://www.facebook.com/LforLashes/?fref=ts

查詢: Whatsapp: 5226 6546 / Phone: 3580 0853