你冇眼花~ 我真係表演煮飯~

所謂 "地獄廚神"，就那種煮完飯、連自己都唔肯定究竟係咪真係食得的人，即係我。

簡單炒碟菜當然 ok，但其他就..... 朋友堆中我已經出晒名係 "地獄廚神"，危險度滿分。

其實我唔係唔鐘意煮飯，對食亦有要求，但好可惜我真係唔識煮..... 自細家人已經唔煮飯，冇得偷師，到長大後自己一個人住就更加唔會煮，加上我返工時間都多在晚上，當然唔會煮到飯了，冇得練習。

直到上年 X'mas 突然有 blog 友送了部 "日本山崎蒸焗爐" 俾我之後，我終於吐氣揚眉! 總算叫有少少成績，挑起興趣成日上網 search 蒸焗爐食譜自學，有時煮完仲會滿心歡喜 post 相上 facebook share~

然後早陣子同一位 blog 友說公司攪 event，問我有冇興趣做嘉賓即席煮兩味? 

實不相瞞，我煮飯真係半桶水，好似搵錯人? (滴汗....)

原來，它們的意思就是想帶出無論是繁忙職業女性、冇時間煮飯的媽媽、或是地獄廚神，使用蒸焗爐都能輕易 + 快速地煮到一手好菜~

這個 topic..... 是為我度身訂造的嗎? 我連中三樣喎? hahaha~

於是我就真的去 event 表演了~~ 呵呵~

食譜都是在網上 search 的，平常在家已煮過~

(所有圖片 copy 自 cici 小廚房 blog / MonBeeBee blog / 獨家村 blog / Qooza 網站 / Shadow Zo 網站 / hogar 網站)

發佈會詳情我沒問太多，亦不太介意，反正覺得都係去開心玩一下~

去到見到場地佈置得咁靚，又有 3 圍檯，先識得問 "其實今日會有咩人出席呢?"

結果原來有廿幾位飲食版記者 / life style blogger，個個識煮識食，omg! 我完全係班門弄斧，大家仲要即場試食，真係一額汗~ hahaha~

好彩都叫有 d 賣相~ hehe~

加上以前已經用呢部爐煮過好多次，冇失手~

係真係食得既~ wakakaka~

仲示範埋蒸燉蛋做甜品~

結論係.....

的確用了呢部蒸焗爐之後，連我呢位地獄廚神都煮到，你點會煮唔到~ 哈哈哈~

本身廚藝叻的人就更事半功倍啦~

夠方便個下最爽，煮完唔使洗爐，用濕布抹抹就 ok~

最後，山崎老板同我講: "我見你其實都識煮呀，都唔係咁地獄呀"。

哈....哈....哈.....