Melvita 地球月 promotion x 產品試用 review

以 organic 護膚品之中，認為法國有機品牌 Melvita 會比較為人熟悉吧，price range 夠大眾化，產品種類亦非常廣闊，上至各式 skincare，下至 bodycare、洗頭水、沐浴露牙膏、蜂皇漿、蜂蜜糖、蜜糖等等、連 "妹妹液" 都有! (生理期清潔液，你懂的)

我自從 3-4 年前懷孕時開始接觸它的 skincare 後，隨後斷斷續續也有使用它的產品，幾年間累積下來，已經試用過它七成產品了~

而今次就揀了 3 件自己從來未試過的護膚品，做個用後感 review~ 

(all trial products sponsored by Melvita)

寫用後感前，先提提大家今個月是 Melvita 的 "地球月"，購買皇牌有機蜂蜜有 promotion~

只需到 Melvita 任何專門店或專櫃，寫下你對保護地球 / 環保的承諾，便可用優惠價 $199 換購下圖有機蜂蜜一樽 (3 揀 1)。

原價 $290-320，平常都沒折扣的喔~

官網及店址 : http://hk.melvita.com

3 款我都有飲過，自覺有機薰衣草蜜最好飲，味道夠清甜~

蜂蜜我平常只在乾燥天氣時先飲，有時亦會沖一支帶返公司飲潤潤喉。不過其實大部份時間係沖俾 2 個小朋友飲，2 位人仔 so far 大概飲了 Melvita 蜂蜜 1 年~

冇計，好多小朋友唔鐘意飲水，加丁點蜂蜜落去比較易 "勾搭" 他們飲多 d 水 ^^

哥哥就最 like 有機槐花蜜~ 

輪到 skincare review，先來介紹 "有機嫩芽緊緻抗皺面膜" →

蘊含獨家專利 4 重有機嫩芽複合物，從木莓、黑加侖子、山手櫸及歐洲赤松等 4 種有機植物，萃取出植物嫩芽的原始細胞， 賦予肌膚細胞渴求的新生力量，配合燕麥及木槿花精華，深層滋潤肌膚，同時減淡乾紋及撫平皺紋，令肌膚瞬間回復緊緻彈性。

$320 / 50ml @ http://hk.melvita.com

Melvita 共有 3 款面膜，其餘 2 款我都曾經試過，認為效果屬日常簡單敷敷 ok，卻未去到必試的程度，反正它最皇牌、最出名的產品都並非面膜。(係精華油)

剛好我 2 星期前打完第 2 次 HIFU，塊面乾到爆，勁怕重演上個月打完 laser 唔敷 mask、皮膚乾到敏感瘋狂爆瘡情況，所以今次我日日敷 mask，放假時仲一日敷 2 次 mask，屋企所有 mask 俾我用盡，於是就揀 Melvita 的 "有機嫩芽緊緻抗皺面膜" 試試。

薄搽已可，無需太厚 →

首先質地真係好似面霜，就算敷幾耐都唔會變透明 

產品指 5 mins 後可沖洗，不過我通常會敷夠 15 mins →

認為以 Melvita 的面膜之中，呢款效果經已是最好，敷後夠潤，有柔軟感~

但就唔覺有其他顯著效果 (如收細毛孔 / 提亮膚色之類)，屬純粹滋潤效能。

再來試同一系列 "有機嫩芽緊緻抗皺眼霜" →

能重點減淡及預防眼部乾紋及皺紋，蘊含專利 4 重有機嫩芽複合物，揉合木莓、黑加侖子、山毛櫸及歐洲赤松等四種植物的嫩芽萃取，再加上豐富的海藻細胞萃取，黑麥、燕麥及木槿花精華，能有效消退浮腫、減淡黑眼圈、撫平皺紋及幼紋，讓眼周肌膚更顯平滑細緻。

$370 / 15ml @ http://hk.melvita.com

用開的 NARS 眼霜經已見底，就揀了 Melvita eye cream 試用，而整個 "有機嫩芽系列" 都為抗老用途，我中女嘛，當然要試返 d 中女系列試 ^^

以前試過它另外 2 款 eye cream 都比較清爽，覺得不太適合年過 30 用，所以對今次這支抗老 eye cream 極大期望~

So far 試用了 1 星期，認為滋潤感的確比另外 2 款 Melvita 眼霜好，但都唔算話太潤，屬較輕盈的霜狀質感，易推勻易吸收那種，適合輕熟肌。

不過也可能是基於我一向鐘情於厚杰 / 極潤的 eye cream，所以先認為它不夠厚?

Anyway，夏天用我都覺得可以，至少唔會太黏身，總比 eye gel 更補濕。 (但冬天我會嫌唔夠潤了)

吸收後不會反光 "令立立" →

最後是我最喜愛的新出 "有機玫瑰果油潤乳霜" (Body Butter) →

獨特油潤乳霜質地，含豐富的脂肪酸及高效保濕的乳木果及蜂膠，即時滋養肌膚、強效保濕，讓全身每吋肌膚變得柔軟若綿。玫瑰果油能為肌膚保濕，讓肌膚得到滋養保護，感覺如絲般柔滑而不油膩，十分適合乾性或缺水肌膚。

$180 / 100ml @ http://hk.melvita.com

我本身冇濕疹底，以前皮膚好少話敏感，但自從 3 年前生完妹妹之後，皮膚就突然變得好易過敏，一有少少塵 / 少少侷 / 少少乾，我都會紅到一達二達、或出風疹。

所以每日早晚唔搽 body cream / 精華油真係唔得，一乾就會出事.....

而且仲要唔係個個牌子 body cream 用得，例如 Jurlique 的我就用唔到，用後個身即時會痕。而 Melvita 的 bodycare 我用過好幾款都冇問題，安全~

清淡玫瑰味非常討好! 完全不造作、不太濃味，仲要好夠潤，潤得來又唔黏身~

夏天熱嘛經常會著背心，用它搽搽手臂 / 胸口、自己散發幽香，香水都可以慳返~