韓國 OSÉQUE High-End Touch 滾輪粉底 review

韓國底妝品大家都應該試過唔少吧~

我認為總括來說韓國底妝品顏色都較淺白，及佔 9 成都 sell 光澤感，就除了早前推介過的 "April Skin 黑盒" 叫做比較啞緻之外，其他的都頗光亮。

當然愛不愛嫩白光澤妝感是純屬個人喜好，但客觀的說，以 HK 潮濕氣候計用太有光澤感的粉底，持久度就真係會差少少，只要有補妝的心理準備就好。

而今次介紹的 "OSÉQUE High-End Touch 滾輪粉底", 就被喻為韓國最受歡迎粉底液之一! 當然要買支 try try 啦!

不過回想一下，被喻為做韓國最受歡迎的粉底都..... 頗多! 一年就有 N 款! (只能說韓國 marketing 做得真太好，全部韓劇明星代言，中晒毒 haha)

今次網購這支 "OSÉQUE" 粉底，冇 tester 試嘛，我已做好心理準備可能未必夾膚色，但見到如此 cute cute 的滾輪設計，好難忍手唔試!

有咩好? 先睇睇官方介紹 :

- 滾輪設計，減少化妝時間，唔會整污漕雙手，而且滾輪上妝，效果服貼自然

- 高遮瑕度，對遮黑眼圈、撫平幼紋效果特別好

- 帶有微微合成藍寶石 RonaFlair® 光澤感，讓肌膚光彩四射，水嫩潤澤

- 配方能抑制皮脂，可保持肌膚水油平衡，不易浮粉，清爽不粘膩

- SPF 34 PA ++ 防曬度

我對官方介紹的 comment :

又水嫩潤澤、又清爽不粘膩? 咁即係潤、定係爽呢? 好大 conflict ..... 

以經驗計，就算支粉底宣稱做到又潤澤又清爽，但潤澤 vs. 清爽是對立的，始終不能兼顧，效果總會傾向其中一邊，潤就係潤、爽就係爽。

所以究竟呢支 "OSÉQUE" 係傾向那一邊? 真係要試過先知了....

Btw，滾輪粉底其實也非新事物 →

6 年前 L'ORÉAL 已經有推出類似的 roll-on cream foundation，不過只於外國有售，我亦曾經試用過，純絮當年旅行貪新奇買來試玩。

其實滾輪 design 的確係好，但弊在 L'ORÉAL 呢款 cream foundation 質地厚杰兼且乾，而且個滾輪唔夠細，令鼻翼那些較細小位置難以上粉，加上粉樸唔夠厚同柔韌，上粉不夠均勻.....

相比之下，OSÉQUE 個滾輪粉樸真係好好多!

再睇返呢支 OSÉQUE  先 →

2 種顏色選擇：N21 亮白色 / N23 自然色，我這支是 N23。

大家知韓國底妝品都偏白，揀 N23 穩陣!

我是找化妝師代購的，約 $160 左右: 

R.ezsgniwgnow_princess@yahoo.com.hk

不過可能已經 hit 了一排，見網上有些賣家賣 $88 都有! 但有冇分真假我就不清楚了....

只需按一下按鈕，粉底便會滲出，好方便 →

滾輪 size 比 L'ORÉAL 的更窄身，微細部位都可以上到粉，而粉樸亦更厚身，上粉比較均勻貼服~ Bonus 是這個滾輪粉樸是可折出來清洗的! 正!

搽上面試試 →

零難度上下左右轆轆轆.....

起初都有諗過眼周要點轆??

不過其實只要改為 "印" 的方式按壓就 ok，問題不大~

鼻翼位都 ok 轆到 →

轆完後可以見到粉底分佈的確好均勻，唔會一達二達，仲好貼面! →

先轆半塊面給大家望望對比 →

除了顏色有點白之外，遮瑕度真係唔錯，亦可以撫平到毛孔細紋~

轆完全臉後，可見泛紅 / 色斑 / 黑眼圈都 cover 到 8-9 成! →

真係好夠貼，好平滑，有美肌 feel ! →

用後毛孔 + 紋理都有改善~

但缺點係非常令立立，好似變左塊反光板......

亦因為太潤澤，等極都唔乾，所以上碎粉定妝時相對亦會沾到更多碎粉份量，妝會較厚。也試過刻意少掃一點碎粉測試的，不過碎粉上唔夠又會較快溶妝出油.....

始終光澤妝感的代價 = 要勤補妝，食咸魚要抵得渴，如愛光澤感的話這支是不錯的~

(油性肌 / 愛啞緻妝效就要避用)

結論係.....

雖則顏色係有少少偏白 (膚色比我白的人就冇問題)，但潤澤光嫩效果真係做得好好，而且遮瑕度夠高、又夠貼皮膚! 如果有出深色一度就更 perfect 喇!

不過咁光咁潤並非人人接受，而且估計夏天用應該要多補幾次妝 (秋冬用會超好吧)，就睇睇係唔係你杯茶喇~~~