Makeup Secret: 韓國 April Skin 兩款皇牌 Magic Stone "零負評" 潔面皂!

韓國 "April Skin" 氣墊粉底有幾 hit，我就不再浪費大家時間再 loop 了，今次要介紹的係佢另外 2 款皇牌潔面皂 "Magic Stone"~

呢 2 款潔面皂有幾受歡迎，我早已知道，實在有太多人問過我有冇得賣。

其實佢幾十蚊咁平，仲要被用家們喻為 "零負評" 喎 ! 我又點會未聽過呢~

只係試用 skincare 唔同試化妝品，真係要較長日子先試得出有冇效、有咩效等等，仲要搵埋同事一齊試，大家覺得 ok 先決定上唔上架，係要少少時間，穩陣 d 好，無謂盲推~

April Skin 潔面皂 "Magic Stone Black" (左) / "Magic Stone" (右) →

剛提過不會盲推，推介都要推得有道理，其實用潔面皂咁麻煩，有咩好? 點解要用?

先申報一下，洗面膏 / 潔面皂我都係有用開，而用洗面膏無非係為貪方便啦~

但就有日本皮膚科醫生認為，用潔面皂係會比洗面膏 / 潔面乳 / 洗面泡沬 / cleansing gel 等等，都對皮膚更好! (仲有出書詳盡解釋)

原因是這類產品都會加入不少補濕成份，令你覺得洗完冇咁乾，但製造過程加入的化學物亦相對比潔面皂高，用後更會於皮膚表面形成一層薄膜，變相減低皮膚自我保護力，令皮脂膜再生功能退化，久而久之皮膚缺少運動，就會變為統稱的 "病態膚質"，經常偏乾 / 偏油，每當轉季皮膚也會明顯轉差等等。

所以雖然用潔面皂感覺係會乾 d，但長遠計其實係對皮膚好，反正洗完都會搽 skincare 補濕，我 ok。(不過醫生話最好洗完後 30 mins 先好搽 skincare，等皮膚自我 "運動" 一下)

來到主題，April Skin 呢款潔面皂被喻為 "零負評"，兼成為韓國潔面產品 best seller 被瘋搶，到底有咩好?

To be honest，勁過佢的當然有，但衰在貴嘛，所以 April Skin 係勝在價錢平，以價格 x 效果計又真係幾無敵，當然會跑出~

$88 each @ http://makeupsecret.com.hk/products/

"Magic Stone Black" (黑皂 / 日用) vs. "Magic Stone" (灰皂 / 夜用)

2 款同樣不含礦物油 / 人工香料 / 色素 / Paraben 防腐劑 / 致害化學物，屬於天然到連小童都能用的 100% 全天然植物成份手製皂，不傷皮膚、不澀眼睛、防敏配方、男女可用。

而 2 款的主要分別，是 "黑皂" 會較溫和，特別適合敏感肌 / 混合至乾性肌膚使用。而 "灰皂" 則兼備卸妝功效，能深層清潔毛孔，清除化妝品殘餘物，適合混合至油性肌膚。

April Skin 韓國官網英文版 :

要諗買邊款? 索性同 friend 切開一半 share 用仲好! →

我見網上好多用家，都會同朋友各買 1 款切開 share 用，每人付出 $88，就可一次過試晒 2 款，果然係 good idea! 於是我就跟同事切開一齊試~

雖然 Magic Stone 有分日皂 / 夜皂，但由於並非人人早上都會用潔臉產品，所以依喜好揀就 ok，夜晚用 "灰皂" (夜皂) 潔淨度就會更加好，但如果皮膚好 sensitive，咁就應該揀 "黑皂" (日皂) 了。

我試過用 "灰皂" (夜皂) 真係可以卸到妝，不過眼妝 / 唇妝始終先用 eye makeup remover 更好，唔係佢卸唔走眼妝，而係唔鐘意眼周有泡泡。

近期我仲已經演變為 "黑灰 2 皂共用"，即一次過摸勻 2 款皂溝埋用，認為 mix 埋用效果仲好! 鼻翼位 / 鼻頭毛孔清得超級乾淨 →

雖然用潔面皂感覺係會乾少少，但的確會乾淨過其他 cleansing product 好多。

加上又諗返起上段日本皮膚醫生的建議，好，放長線釣大魚先! hahaha~

雖然我用潔面皂，只習慣就咁用雙手搓泡 (懶嘛)，但如喜歡大量泡泡的話，也可用 "起泡網" 幫手 (sasa 約 $10) →

用 "起泡網" 起出的泡泡份量會超多! 又軟又綿! →

正確的洗面方法，係應該用豐盈的泡泡打圈按摩，過程中雙手同臉部應有泡泡分隔，而非用雙手直接掂上臉狂捽，咁洗臉後先至唔會繃緊。

所以泡泡多或少，對洗完臉後感覺乾唔乾，其實有好大關係!

不過都係個句，我知、但我懶 ^^

銷售點 :

Makeup Secret

專業化妝課程 ● 化妝服務 ● 化妝品零售

查詢電話: 2311 9682

歡迎親臨店舖購買、或 click 入 Facebook 專頁透過 Inbox 訂購 (順豐速遞, 運費自付): https://www.facebook.com/makeupsecret.hk/

Makeup Secret