Fancl 夏天新出 "SPF50 PA++++ 強效防曬蜜粉"

碎粉差不多日日化妝都要用，我相信大家都已經試過 N 個牌子了! 但有 SPF50 PA++++ (四個 +) 的高效防曬度碎粉，唔知你又試過未呢?~~

的確，市面上佔大部份 loose powder 都屬低防曬度，甚至零防曬度，而有 SPF50 仲要 PA  ++++ 的碎粉，我都係第一次見!

其實碎粉有冇防曬度，對我來講問題並不大，反正我都習慣每日搽防曬霜打底。但當然有 SPF 始終係 bonus，特別係對懶用防曬霜 / 好怕曬黑 / 鐘意清爽又要有防曬的人而言，就絕對係必備品~

今個夏天 Fancl 新推出的 "Face Powder UV Super Protect SPF50 PA++++" 碎粉，我剛剛轉用了 2 星期，認為它粉質夠滑、夠清爽、控油度亦唔錯，值得推介大家一試~

先提供產品資料 →

具 SPF50 PA++++ 防曬效能，能高效阻隔紫外光及外來刺激，並修復紫外光所引起的光老化傷害。質感清爽透薄，同時能吸附多餘油脂，保持肌膚舒爽，妝效更持久。淡淡米黃膚色粉質，具調色及遮瑕效果，於日常護膚程序後直接撲上蜜粉，輕鬆打造淡雅粧容。

$320 @ http://www.fancl-hk.com/index.asp

(trial product given by Fancl)

雖有 SPF50 PA++++，但我以前也提過如果防曬搽得太薄，抗 UV 功效是會減半的。所以以 loose powder 掃得咁薄計，就唔好當佢真係會出到 SPF50 效能，打個折當佢 SPF25-30 左右好了 (咁都仍然算唔錯既)。

真身 →

最鐘意係佢有個 "隔網"!

無論用粉樸 / 碎粉掃沾粉，d 粉都唔會飛到周圍都係，又能省卻倒碎粉落紙巾用的步驟~

我直頭認為所有牌子 loose powder 都應該與時並進，改用呢種 "隔網" design ! 真係方便好多! 另外 "揭蓋" 設計亦較 "扭蓋" 式的更方便~

附設的粉樸質感亦非常柔軟 ^^

顏色方面屬自然膚色碎粉類，只設 1 款顏色

官方指具調色及遮瑕功能，但掃上臉後其實冇乜色，所以也可當佢係透明粉，而遮瑕度亦只是輕微，少少 coverage (反正大家都知碎粉用途只係定妝 + 減油光，遮瑕度不高是預料之內，遮瑕度高反而會厚妝 / 浮粉) 。

至於粉質亦算幼滑，雖然不及那些裸妝粉 / 高清粉般打磨得咁幼細，但勝在感覺唔太乾，會更適合混合至乾性皮膚 summer 使用~

至於用粉樸、定碎粉掃上 loose powder 比較好?

我仍然會揀用碎粉掃，除非好趕時間先會用粉樸，因為用粉樸印上臉個妝真係會厚 d 乾 d，而且半日之後仲更易浮粉。

盒粉 size 唔算太巨型，無論放屋企用 / 帶去旅行用都真真一流~

放公司補妝用，仲可以當補埋防曬添~