"睫毛增長精華" 我曾經試用過好幾款，而當中效果最勁的就係 "Latisse" (幾年前有介紹過)。但由於太貴，加上用後眼周會泛紅 + 痕癢 + 眼圈色沉，所以無論效果幾好都好，用完 2 支就放棄了......
2 星期前收到下圖美國 "MARINI LASH™" 睫毛增長精華 (第 2 代)，聞說效果可媲美 "Latisse"，而又冇令眼周泛紅痕癢之缺點，成份更安全等等!
好~ 立即 try try~
先提供產品資料 →
主要成份為專利混合肽配方 + 七葉樹精華 + 泛醇 + 生物素 + 其他珍貴複合精華，有效促進睫毛生長週期、激活毛囊増長、加強滋潤及修護、令睫毛變得強韌而卷翹。
通過皮膚科及眼科醫生反覆測試，並不含前列腺素，不會引起過敏 / 發炎 / 痕癢 / 色沉，臨床證實效果更安全、速效、持久。連續使用 2 星期，睫毛長度、濃度、韌度能明顯倍增。
$588 @ 部份 sasa 有售
每支約能使用 2 個月。
有點似眼線掃之掃頭設計 →
用時只需打橫掃於睫毛根部便可，零難度 →
掃頭每次沾取的份量不算太多，滲透速度也很快，故無需擔心精華會入眼~
可早 / 晚使用，用後速乾，不影響化眼妝。
另外需用於 eye cream 之前，因為如果搽完 eye cream 先用，會有層 eye cream block 住，阻礙吸收。
由於掃頭夠幼細，就算要掃埋下眼睫毛都好輕易 →
So far 試用了 2 星期多少少，的確沒有泛紅 / 痕癢 / 色沉等問題，但可能使用日子未夠長，暫時靠肉眼觀察仲未見到明顯效果。
而以經驗計，一般 eyelash serum 都要持續用 1 個月左右先有效果睇，期間未睇到改善並不代表冇效，只係用 2-3 星期改善太輕微，憑肉眼睇未必會察覺得到而已。
等我 keep 住再用多 2 星期，過多一陣我再 update 大家佢有冇效先~
邊度可以ｃｈｅｃｋ到自己皮膚係屬咩和咩問題同埋用咩ｐｒｏｄｕｃｔｓ先係最好呀？
回覆刪除我已經試過好多方法和方向, 但都唔知點搞好自己皮膚好, 感覺好似點保養都唔得咁, 各花有各說@@
可以試試走入 counter 做皮膚分析機 (只是要有被 sell 買 product 的心理準備, 如不想買就要企硬了), so far 認為 SK-II 部 Magic Ring 皮膚分析儀最準確、及冇其他 counter 的機咁 hea 咁表面 (間間 SK-II counter 都有呢部機)~
刪除Hello Is
回覆刪除飄眉和紋眉邊樣好呀? 紋眉好似係LAST得好耐, 飄眉得2年到, 咁係米紋眉好d呀?
有邊間介紹做呢d服務好呀?
紋眉會冇飄眉咁自然, 陣間紋完唔合心水又深色可能會仲慘喔 (我覺得)~ 不過抱歉我並冇推介, 因為身邊的人大多眉毛濃密, 而唯一有去繡眉的幾個我見又整得唔靚....
刪除呢d增長睫毛液缺點係用完會有黑眼圈架. 唔用又會短番. 我係一個好好例子.
回覆刪除我之前用 Latisse 都有呢個情況, 但呢支 MARINI LASH 就暫時未覺有同樣問題, 只不過見效就慢過 Latisse 好多....
刪除Hello ，請問有邊隻sleeping mask 岩23歲 ，混合偏油用 ? ，大约300蚊到，clinique水嫩補濕晚間面膜ok ma ?
回覆刪除Ths
年輕肌 sleeping mask 用 Clinique 都 ok, 另外其實 H2O+ 都唔錯的~
刪除