韓國 shopping 衣物篇 中女版

這篇強調是「中女版」韓國 shopping 推介，是因為中女總有中女的要求......

例如太露肉的不會買、款式太少女、太娘、質料太差、價錢平但不適合自己 style 的、款式靚但唔抵買的都不會揀，而要我浪費時間逛一整個 shopping mall 先會揀中 1 件衫的地方亦不會行、淘寶能找到的更不會買......

七除八減之下睇中的衣物就不多，不似得後生細女們能 shop till you drop。

所以這篇是「麻煩中女版買衫推介」吧? hahaha~

今次韓國 5 天之旅全程就只買了 13 件衫，絕對冇裝爆行李箱，的士司機話乜你地買得咁少 (反而零食買得最多)~

行程中有 3 女 2 男，要顧及男仕們感受不能 shop all day，當然要重點 scan scan 逛邊處最 good fit!

而去「東大門」衣物批發市場是最理想吧? 開到零晨 5 點喎! 叫班男仔返酒店 ZZZzzz，女仕們就可以 "去東大門 shopping 偷歡"~

韓國的批發市場都在室內 shopping mall 內，就好似商場 boutique 一樣，裝修靚到爆，一點都不似批發。但由於日間會做零售，想買平衫的話就要 11pm 後去。

整區有 N 個開到零晨 5 點的批發 mall，根本冇可能行得盡，剩係行幾個 mall 已經腳軟，而個個 mall 賣的雖不一樣，但亦相差無幾，所以歸納後認為只係行 apm 舊 mall 個幾棟已經好夠。

如住明洞區酒店搭 taxi 到東大門，大約是 HKD 30 左右。 (大部分 HK 人都會揀住明洞區，除非是批發客才會住東大門區吧?) 而半夜於東大門搭 taxi 回酒店，有些無良司機會坐地起價開貴 3 倍，如遇此情況建議行遠一條街先再截 taxi。(P.S 黑的的士會比白色 / 橙色的士貴)

3 月最新開的「apm Place」mall →

比較少人行唔會迫，裝修特別靚，唔知以為自己行緊尖沙咀 The One! 

衣款確實唔錯，quality 好又夠 stylish，不過並不算太便宜，而且暫時只開了 2-3 層，但如果懶得行的話就會係 good choice，衫款的確比另外幾個 apm 舊 mall 靚~

去過東大門的都知 apm 批發 mall 有好幾個，而新 mall 「apm Place」商場門口就設有 shuttle bus 免費接送去舊 apm mall 堆，能省卻行幾條街的力水，好貼心!

至於「DOOTA」mall 我認為是可以不逛，賣的是中高價 designer 貨品 / 有品牌物品，要主攻平價品就不會是你杯茶。

其中 3 個 apm 舊 mall 內 snap shot →

基本上每個 apm mall 賣的都差不多，由於是批發場，就不會間間都合心水，要花少少時間尋寶多行幾層，機率是大約行 2 層先會睇中 2-3 件咁。

雖說是批發，但大部份店都肯做零售，可只買 1 件，買得多的話也可嘗試講價。

不過如果你以為會平到好似淘寶一樣就不會有了，始終是 made in Korea 嘛，質量會比淘寶好好多，較好的款售價由 $130-400 都有，只能說會比在 HK 買便宜，而且冇得試穿。

也有的款式超便宜約 HKD 70，但衣料超差.... 真心講句今期其實有好多款都好普通，都係 tee、tee、tee 同 tee，同埋恤衫、恤衫、恤衫。雖也有些特別款式，不過冇得試真係唔敢買....

所以說在 HK 見到的韓衫靚款，都是已被精挑細選過的，人家可能要行幾個鐘先揀到幾件衫入貨，自己去到韓國就未必會遇到.....

東大門批發戰利品 →

風褸約 HKD 315，一點都不便宜，不過東大門間間批發件件褸都係呢類價位。

睇在 HK 買可能要四五百 + 質地唔錯份上..... 買了。

鬆身背心約 HKD 130 →

看似平平無奇，但其實只要束起縛個結著就會好靚~

連身裙約 HKD 185 →

最抵買係呢件! 質料極好，絲一樣咁滑~

麻質 tee 約 HKD 130 →

完全係諗住襯裙著，又係可以束起縛個結那種。

麻質裙約 HKD 280 →

唔算平，但見公仔著上身好靚、好有 MUJI feel，忍唔住買左.....

普通到不得了的 leggings，買來做乜? →

HKD 35 咋! 質料仲要靚過貴一兩倍的 H&M / Zara 好多!

頸巾約 HKD 60 →

而手袋就大部份屬 PU 皮 (非真皮)，雖然手感不算太差，但感覺真的十足似淘寶貨，所以只看沒買。

鞋款韓國呢兩三季都流行 slip-on 休閑鞋，在 HK 已經買過幾對，今次去韓國就沒買了。老實說認為 HK 賣的款式仲多仲靚。

其中一個 apm mall 內 basement 的首飾批發層 →

有超多又得意、又新款的頸鍊 / 耳環 / 手鍊 / 心口針賣! 

價錢又平，好值得行!

真係花多眼亂!

除有遊客之外，仲有大量中國 / 香港 / 韓國本地批發客，就算已達半夜 3 點，都仲係迫到冇朋友，完全係體力搏鬥。

首飾戰利品 →

眼鏡約 HKD 90，心口針一套約 HKD 50

介指是分開買的，5 隻夾埋只係 HKD 90! 超平! ^^

隔離另一個皮褸批發 mall →

相對起上來係超靜冇人行，夏天嘛。

同行的男仕朋友買到的真皮皮褸，只需 HKD 600 ! 

真正抵到爛! 買定冬天著都抵!

apm mall 附近街邊買到的 slip-on 懶人鞋 →

由於冇鏡照，唔知著上後咩樣，唯有叫朋友幫我影張相望望~

結果買了白色，盛惠 HKD 140，非真皮，勝在質料夠軟夠舒服~

輪到「明洞」區 shopping →

如果同屋企人去旅行，唔方便一家大細逛東大門 (真係好易失散 / 男人會悶死 / 行到你傻)，其實明洞都有 N 間 boutique，價錢也不會貴過東大門太多，只相差幾十，但就慳了腳骨力及精神去過濾~

明洞區冇牌子的普通 boutique 價位大約是 HKD 70-200 / 外套 HKD 200-300 左右。

明洞戰利品 →

中袖長 tee 約 HKD 130

中袖長 tee again 約 HKD 130 →

又係 tee 約 HKD 70 →

都說了韓國好興 tee / 恤衫，周街都係同一 style.....

如有小朋友的話，明洞的 LINE Friend Shop 也可以遊走一下 →

店內有 1 層樓咁高的 bear bear 熊可以排隊影相。

當然亦有勁多趣緻得意物品~

至於價錢就比較貴，純絮逛逛 ok，買就唔會了。

明洞買俾妹妹的手信 →

成個明洞都冇咩小朋友野買，小童衫屋企又大把，結果只買了 hello kitty 拖鞋約 HKD 60 + 韓國婚紗公仔約 HKD 30。 

強列推介一定要去的「新沙洞」區! →

如果比喻說明洞區似旺角，東大門是行到腳仔軟的批發區，那新沙洞就是銅鑼灣 / 尖沙咀區吧? 有好多靚靚 boutique!

衣款完全是中女 / OL 們杯茶，仲可以逛得舒舒服服唔使迫，真係好行好多! 

至於衣物價位，上衣大約是 HKD 150-300 / 褸款約 HK 300-400 左右，但 quality 就好過明洞 / 東大門。(雖然應該都係東大門入貨，只不過省卻你行一個 mall 搵件衫咁辛苦咁解)

我見同類款式只係賣貴過東大門 $30-50，唔算相差好遠，分分鐘逛東大門行到顛都未必搵到相同 quality，建議於新沙洞睇中就好買，唔好浪費氣力諗住去東大門搵會平 d !

我在新沙洞睇中了一件 HKD 190 白恤衫，一心諗住咁普通的款在東大門 / 明洞會有大把 + 更平，就忍住冇買，結果行足 2 日東大門 / 明洞都搵唔返! 雖有類似款，但 cutting / 質料完全唔係個回事，仲要唔平得過新沙洞好多，件白恤衫掛到我今日都仲記住! 飲狠喔....

新沙洞戰利品 →

印花 tee 約 HKD 190，係好普通，但手感品質超好~

皮帶背心約 HKD 190 →

於淘寶 / 東大門都有見到幾十蚊的類似款，但那些都是超假的仿皮吊帶 + 衣料透薄到一望就知屬平價貨，而這件則是真皮吊帶 + 質料好，俾貴 $100 都值得。

恤衫約 HKD 210 →

平放真係冇特別，但著上身就好靚~

立體 cutting 中袖 tee 約 HKD 300 →

最貴係呢件，但 cutting 靚 + 衣料真係靚，考慮了 10 mins、問勻晒朋友之後都係決定買。

在新沙洞男仕也有好多 shop 可以逛，唔使好似去明洞 / 東大門咁悶~

仲有好多靚靚 coffee shop，例如好多地方都有的「Coffee Smith」→

行到冇力可以飲杯 coffee 休一休~

韓國每間 coffee shop / 餐廳都有 free wifi，超方便! 

5 個人在 HK 夾份租了 2 隻 wifi 蛋，去到韓國已經好夠玩，好多時都唔使開自己 wifi~

我的傻傻 best friend..... 

是超 baby face 的媽咪，囝囝同我 TyTy 一樣 7 歲咁大! 

但佢個樣仲好似停留廿歲咁..... (小姐你食開邊款防腐劑? hahaha)

另外新沙洞 Coffee Smith 附近的「JA JU」家品店亦好值得行! →

就似是一間 3 層高的 FrancFranc →

但價錢就平 FrancFranc 一半!

看中了的小花束s →

勁想買但帶返 HK 過程一定會整爛......

忍得好辛苦，唯有影張 selfie 留念算數......

結果在「JA JU」買了什麼??~

每件約幾十，夾埋 HKD 200 幾，平過 HK 買又夠靚，quality 仲要好好，FrancFranc 質數 IKEA 價錢~

今日先分享衣物篇，過 2 日再分享「韓國化妝品 / skincare 購物篇」吧~

化妝品篇真係有排寫....