Clarins 全新升級纖顏緊緻系列 review

Clarins 的纖顏緊緻系列一向出名，特別係 "皇牌纖顏緊緻精華" (V 臉精華) 就創出過每 1 分鐘售出 1 支的佳績~

今次的 "全新升級纖顏緊緻系列" 包括有 V 臉精華 / 電眼精華 / V 臉面膜，其中的 V 臉精華更已出到第 4 代版本! 

Upgrade 左好唔好用? 等我又做次 review 先~

雖然我已經打完 3 次 HIFU，不過每朝早起身塊臉都仍然會水腫，就好似浸左一晚水咁，口腫臉腫眼又腫，避無可避，冇計。

平時如果有時間，我都會用家用式瘦臉機按摩一下，不過始終唔會朝朝早做到，唔夠時間就只能用呢類 V 臉收水腫 skincare 幫幫手。

(all products given by Clarins)

"Shaping Facial Lift Serum" 纖顏緊緻精華 →

我一向叫佢做 "V 臉精華"，叫慣左~

產品資料 : 以巴西香可可萃取物、紅球薑、柿果萃取物等三大高效天然植物精華而成，有效抑制臉部的前脂肪細胞。加上3V (V 臉型、V 雙頰、V 頸顎) 輪廓微塑科技，針對腮線寬度、雙頰皮下組織厚度和下巴鬆垂度，改善肌膚鬆弛和腫脹等問題，並加速血液及淋巴循環，一次過撃脂、排水及袪糖。

呢支我由第 1 代用到第 4 代，第 1-2 代係自購的，去到第 3 代先開始由 Clarins 提供試用品。比較起來，自覺第 1-2 代效果勝過第 3 代，不過第 3 代補濕度就好少少咁，而今次呢支係第 4 代。

$650 / 50ml @ http://www.clarins.com.hk

質感 x 搽上臉的感覺同舊版第 3 代一樣，都係提升了補濕度 →

相比第 1-2 代零補濕度，搽完要再搽其他補濕 serum，第 3-4 代的確係方便左既。不過唔知係咪因為第 1-2 代質感更清爽，感覺上收緊效果好似明顯 d，純粹個人觀感。

用後感 →

So far 試用了一星期，係有加速消退水腫，不過唔係一搽完就即刻冇晒水腫，只屬 "加速"。

但絕對唔可以話佢冇效! 根據我 3 年前生完 BB 後顛用舊版第 3 代計 (足足持續用了半年)，又真係成功 K.O 左我塊腫到豬頭的包包臉，所以第 4 代 upgrade 版應該都會有同樣效果，只係唔會用一次就得咁解 (其實大部份 skincare 都係)。

如配合 Clarins 的按摩手法用，效果當然會更快更好，呢個係必然，有按摩帶動血液循環係點都好過唔按，如只簡單搽搽效果會好微。而呢支 serum 的好處係唔需要花時間慢慢按，只需搽勻後搓暖雙手，用掌心熱力按壓就得，算好方便~

我而家係咪日日用? 

都唔係 ga~ 如上面所講，有時間的話我會 prefer 用家用式瘦臉機按摩，會更有效，只係買部機成本會貴 dd，同埋始終要花少少時間按摩。

"Enhancing Eye Lift Serum" 升級版電眼精華 →

產品資料 : 蘊含巴西香可可、紅球薑、柿果等高效天然植物萃取成分，能即時提升眼簾、刺激血液循環 ，收緊眼周肌膚及改善眼部浮腫，為 Clarins 首款能強韌睫毛、同時放大雙眼的電眼精華。

呢款精華我由第 1 代開始試到第 2 代，感覺上認為第 1 代的收緊效果比第 2 代更好。今次呢支應該係第 3 代? (已 lost count)

$500 / 15ml 

加左價..... 不過一支又真係用到好耐

質感非常輕盈，搽勻後感覺清爽 →

每次用一泵係超多，如手背上的 1/3 泵份量，其實已足夠雙眼用有餘，就算想按摩，都係用 1/2 泵足夠。

以每支 eye serum 平均 15ml 容量、我早晚使用以下份量計，約可用到 9 個月左右，真係差不多一年先要轉一次，所以 blog 內亦好少介紹 eye serum，通常用得好就好少轉。

用後感 →

補濕度比舊版更好，吸收得快，不過都仍屬清爽一類，眼底偏乾 / 有眼紋的人用後需另搽 eye cream。

收水腫效果冇令我失望，雖然搽完唔係會即時由好腫變完全唔腫，但按摩完 15 秒後又真係會見到消減了 1/3 浮腫問題，而剩下的 2/3 浮腫情況亦有加快減退，算好好~

我的用法 : 用手指輕力打圈搽勻，直到 feel 到差唔多吸收晒時，再用指腹按一按眼周穴位，最後用掌心熱力按住雙眼幾秒，效果會最理想，整個過程約 15-20 秒左右。

其實所有 eye serum / eye cream 都應該係咁用，唔按摩單搽好難加速血液循環，會發揮唔到產品效能 = 買幾好的產品都浪費。

最後係 "V-Facial Masque Wrap" 纖顏急救面膜 →

產品資料 : 只需敷用 10 分鐘便能即時擊退浮腫，有效消除因睡眠姿勢、熱力、壓力造成的臉部浮腫問題，提升重塑分明輪廓。

呢盒我以前都用過舊版，印像中舊版效果係 ok 的，唔知改了新版後又點呢?~

$450 / 75ml 

跟舊版一樣，都係類似 clay mask 泥膜質感 →

方便在只需敷 10 mins 已 ok，不太花時間 →

我連眼底都有敷埋，眼底都有水腫嘛。

用後感 →

Clarins 呢盒 mask 我連續試敷了 5 日，分別試過於起床水腫時敷，及晚上敷。

如果在晚間敷，可能塊臉已經唔腫，於是敷完就唔覺有收減到水腫，亦唔覺有收緊感覺 ，好似 "敷完好似冇敷過" 咁，冇特別驚喜.....

但如果於起床水腫時敷，收水腫 / 收緊效果就會好好多! 雖然唔會話敷完塊臉即刻尖晒，但至少會睇到有分別，亦有助加快消退水腫~ 

另外以我敷了 5 次、盒 mask 冇左接近一半容量計，估計每盒 75ml 大約能敷 10-12 次，視乎你每次敷的份量，除開敷一次 = $45 左右。如果日日敷是貴的，建議留待急救用 / 有特別節目前先用。

至於補濕度，基本上係冇，而收細毛孔 / 均勻膚色 / 減退泛紅等效果亦欠逢。

不過由於它本身只 sell 緊緻 + 收水腫功效，並非補濕 / 收細毛孔 / 均勻膚色用途，看不到這些效果亦無可厚非。