FANCL「MCO 納米卸妝液」

今晚開新班第 1 堂教化底妝，上堂前我先叫同學們用卸妝水抹一抹臉....

同學仔問: "點解卸極都仲有顏色抹得出既?"

"係架~ 所以你而家知道用卸妝水係幾唔夠乾淨啦"

的確，化妝師幫客人改妝 / 轉妝會經常用到卸妝水，但無非只為貪方便快捷，無需過水。返到屋企卸妝就唔同喇，始終都係要用卸妝油先最徹底!

以前我也於 blog 內提過，好多底妝品都含有油份，或者防水，以 "水油相斥" 原理說，等於用卸妝水根本冇可能卸得清，真係要用卸妝油 "以油溶解返油" 才能卸得最乾淨。

但係卸妝油都有分好多款，唔係求其一支都可以徹底卸妝，例如有的會含礦物油，會 block 毛孔，又有的係大份子厚杰滋潤形式，要點揀?

梗係揀 "小份子稀身清爽" 形式啦~

其實都好易諗到，因為份子太大係好難深入到毛孔，徹底清除到化妝品殘餘物及污垢嘛~

不過要幾細的份子先真正叫細?? 點先叫真正卸得乾淨? 好難憑肉眼量度喎?

"納米" 就夠晒細了吧~

只有一條 0.05mm 頭髮的五萬份之一咁細咋~


FANCL「MCO 納米卸妝液」→




FANCL 新一代納米速淨配方「MCO 納米卸妝液」資料→

含超微細 "納米速淨因子" + 角栓潔淨油 (含白池花籽油)，針對清除頑固難卸的眼、面、唇妝及防水的防曬霜，一沖即淨，全面卸妝同時呵護幼嫩肌膚，卸妝更快更徹底。不含礦物油。

科技發達，而家好多粉底 / makeup base / 防曬霜份子都研製得好細，真係會入到毛孔，兼抓得皮膚好實，部份仲要係防水 / 防溶配方，唔易卸得清，所以用納米級 cleansing oil 似乎已經係新標準!

而且 FANCL 仲要無添加，感覺上用得又更安心~



因為份子夠細，能深入毛孔高效去角栓，兼真正清除到化妝品殘餘物 →



除了質地清爽、溫和不刺眼之外，我最鐘意呢支 cleansing oil 的地方係佢唔需要 "乳化"，乾手乾臉泵 2 下打圈用，約 15 秒左右用清水直接沖洗就 ok，夠方便~

(這支只 for 卸妝，隨後要再用潔臉產品)



左邊綠色那支是 2 個月前收到的試用品 →

屬限量圖畫包裝 ($208 / 120ml)，但其實同平時支 "納米卸妝液" 冇分別，一早用完了~ 用完之前自己再去買多支普通版備用，一支平均約 2 個月內用完。

雖然售價唔會好似開架品牌咁平，但都屬合理 / affordable，始終係納米級數，卸得又快又乾淨~

FANCL 網頁:
http://www.fancl-hk.com/index.asp



其實廿幾歲時，我都有買過 FANCL cleansing oil 用。

但當時年紀細，真係冇咁著重卸妝，加上那個年代的化妝品 / 防曬霜，並冇而家個 d 咁持久 / 防溶，所以真係卸得好隨意，求其買支幾十蚊 cleansing oil 用就算，都係過了 30 之後先捨得花錢買 cleansing oil。

只怪自己唔識早少少諗通，咁捨得買 skincare，反而 cleansing oil 就唔肯買好少少。塊臉都未洗得乾淨，又點護膚? 搽幾貴 skincare 都浪費。

其實都係早用早享受。