美國 MD Skinical 2 款強效科研精華推介 (內含恐佈相片，膽小勿進 haha)

以護膚品之中，我最鐘意用、兼試得最多的就係精華水 + 精華素，認為以護膚品之中，呢 2 款係對皮膚最有效、最能改善膚質，最值得投資落皮膚~

至於自己呢半年間，試過比較有顯著功效的精華就有 :

1. Phyto-Lab B3 分子酊精華 (補濕 + 提亮膚色 + 撫平毛孔細紋)

2. MD Skinical B3+B5 精華 (補濕 + 消炎鎮靜 + 提亮膚色)

3. MD Skinical 分子酊精華 (補濕鎖水打底)

雖然期間都有試其他精華，但效果不顯著的就不提了，用來用去都係夾雜用呢 3 款~

今次就介紹近期大熱、勁多 blogger 或 artist 推介的 MD Skinical 科研精華~

美國「MD Skinical B3+B5 雙效維他命精華」→

首先呢支勝在價錢唔貴，起初試之前，我其實冇太大 expectation (都係 B5 精華一支，只不過加了 B3 咁?)，而 B5 精華以前都試用過好多款，呢支「MD Skinical」又能有幾神奇? 試用頭兩星期我係咁諗.....

加上因為有太多 blogger 一齊同時讚過，我反而仲有少少猶疑，硬係覺得可能係廣告。(雖則自己都係 blogger)

然後利申，我最終試用完後係有入貨上架，原來用耐左之後發現佢真係好得!

這支精華處處價錢差不多，也並非一定要在我們店買，記得需要買精華時可值得考慮佢就 ok~

$238 / 30ml @ http://makeupsecret.com.hk/products/

美國官網: http://www.mdskinical.com/home.html

質地同其他 B5 精華差不多，都係透明 gel 狀 →

但份子就更細小、更易於滲透、吸收速度更快，有效直達肌底，冇其他 B5 精華咁黏稠 / 厚杰 / 漿住塊臉，亦唔會起 "刷膠碎"。

成份中除有大小復成粒子之透明質酸、維他命 B5 外，亦加入了能提亮均勻膚色的維他命 B3。有助膠原蛋白增生修復 DNA，承托細胞組織，吸收空氣中水份，使皮膚濕潤度上升，同時能平衡肌膚狀態，提高肌膚亮澤感。

男女可用 / 敏感肌亦能用 / 不含 paraben 防腐劑。

因份子夠細，伸展度相對亦更高，每次用黃豆 size 左右、極少份量已足夠搽勻全臉 →

初用頭一星期，除 feel 到有補濕感、覺得滲透力幾好之外，就冇喇。用到第 3 星期，愈望就愈覺得塊臉好似冇咁暗沉，又好似光滑左，屬於整體都改善左咁~

大家知我舖頭有位好熟悉護膚品成份的男同事，好多時公司入新產品前，都會先搵佢研究。而每次我試 d 咩新產品，都會搵個樽仔入起俾佢一齊試，大家都係乾性兼敏感肌，志同道合。(只不過佢好易生暗瘡)

今次我同佢講，我覺得呢支「MD Skinical」幾好，佢問我有冇 Phyto-Lab 支 B3 精華咁好? 公司都已經有賣 Phyto-Lab，如果冇佢咁好就唔好入貨喇，仲大讚話我上次俾佢支 Phyto-Lab 樽仔 sample 好正，用完又光滑、又提亮到膚色，仲話搽完幾日之後 d 暗瘡即刻謝晒，消炎鎮靜效果好好，暗瘡印又退得快 bla bla bla.... 

聽佢讚完 2 分鐘之後..... 我 R 爆頭，幾時有俾過 Phyto-Lab 你試?

"上次你俾我支透明樽仔呀" 

"我入落去個支精華，咪係呢支「MD Skinical」...... 囉"

然後佢呆滯左幾秒，個樣係完全唔信佢大讚的精華，竟然係一支咁平的「MD Skinical」，呵呵呵呵~~ 美麗的誤會~

就係咁，呢支試用左 2 個月的「B5+B3 雙效維他命精華」，就上左架喇~

初搽勻時會有幾秒黏黏地，但好快就會迅速吸收，變得完全清爽，而且亦能泵漲返 d 細紋 →

仍會 feel 到補濕度，只不過佢係屬於細份子易滲透一類，所以唔會好似厚杰型的精華咁滋潤，夏天用我覺得都足夠，但晚間我會再加多 1-2 款其他精華用，預防開冷氣會抽乾水份。

近半年我所有用的精華都偏好揀細份子 + 快滲透的質地，至於以前大愛的厚身 / 油份重精華已經冇再用。

雖然初時係有 d 唔慣，覺得呢類細份子精華咁薄會唔夠潤，但轉用晒之後先發現自己係醒覺得太遲! 一改用之後好明顯係唔同局面!

深深感受到能吸收入肌底的細份子精華長遠好處，並非單以油份去撫平表紋咁即時、咁表面~ 

而同一牌子的「Ceramide Repair」分子酊鎖水修護精華 →

呢支係好強! 

有幾強 roll down 繼續望就知!

$318 / 30ml @ http://makeupsecret.com.hk/products/

先提供少少資料 →

同樣美國製，男女可用 / 敏感肌亦能用 / 不含 paraben 防腐劑。

成份含 Ceramide 分子酊，為最天然、最貼近肌膚脂質層之份子，有效修補皮膚脂膜，抓住角質層中的水分，讓肌膚時刻充滿水分、水嫩潤滑、柔軟舒爽。同時含有脂肪酸，角鯊烯 ，環甲矽脂等補濕鎖水成份。

用法 →

質地係水一樣咁稀身，係精華打底用途，適合用於所有精華素前打底，更有效抓緊後繼產品之水份及營養，放大後繼產品功效。

用完爽膚水後就可以用呢支精華，每次用 3 滴左右，秒速吸收，零黏稠感 →

用後感覺柔滑細緻，又係可以泵漲細紋毛孔，同時有底層修護抗老功效。

但確實係有幾勁?

就咁，我尋日去左 K.O 糾纏了我幾年的眼底凹凸洞 →

係 N 年前割除汗腺管瘤的手術後遺症，2 邊眼底夾埋有 8-10 個凹凸小洞。

而打完去除凹凸洞的 laser 後..... 

HELLO~~~~

雖然醫生一早講明會紅腫 4-5 日，不過都難免嚇死! 

點出街呀? .....

即時帶口罩急逃，返屋企自敷 eye mask 降紅舒緩! →

唔敷唔得，堅係好痛!

我冇買 eye mask 習慣，都係自己倒 Menard 健膚精華水 + 眼膜紙敷，舒緩一下過敏先。

敷完 2 次，好左好多 →

跟住我再將呢支「MD Skinical Ceramide Repair」精華倒入眼膜紙敷 →

因為佢差不多近乎水一樣咁稀身，可以倒落眼膜紙敷，而且又係醫學品牌防敏，就試敷一下。

估唔到又真係好降到紅腫! 而且眼底仲明顯地平滑左好多、好補濕、泵漲晒眼底紋理!

翌日我已經可以照常化妝返工 →

只不過遮瑕膏就一定比平時厚些少。

醫生話會紅腫 4-5 日，我敷下敷下自己將個紅腫期成功縮短變 2-3 日，yeah~

銷售點 :

Makeup Secret

專業化妝課程 ● 化妝服務 ● 化妝品零售          

香港九龍尖沙咀廣東道 116-120 號海威商業中心 12 樓 B 室

(港鐵站A出口, 位於 Apple Store 旁邊)

星期一至五 1:00pm - 9:00pm / 星期六 12:00noon - 8:00pm (逢星期日休息)

查詢電話: 2311 9682 

所有貨品項目及優惠: http://makeupsecret.com.hk/products

歡迎親臨店舖購買、或 click 入 Facebook 專頁 透過 Inbox 訂購 (順豐速遞, 運費自付): https://www.facebook.com/makeupsecret.hk/