植村秀新出「block:booster 瞬間亮膚補濕底霜」

幾時都話 Shu Uemura 出新產品毫不留力，每隔一陣又有新 product!

就這支「瞬間亮膚補濕底霜 SPF50 PA+++ 」→

今次呢支 makeup base 係集保濕 + 高防曬度 + 提亮膚色 3 合 1，除蘊含補濕鎖水成份，有效減少肌膚水份流失，令粉底更貼面之外，仲有 SPF50 PA+++ 防曬度，能隔絕紫外線預防光老化，同埋有抗氧成份同反射光線效用，可改善暗啞膚色，提高自然亮澤感。

簡單來講 = 高防曬度補濕珠光 base

共有 3 款色調，分別係透明 colorless / 杏膚色 natural beige / 粉紅色 fresh pink →

實在太新，專櫃仲未開售，不過都應該好快有喇! 

(分分鐘出文的一刻已上架也說不定)

$360 / 30ml @ http://www.shu-uemura.com.hk

(trial product given by Shu Uemura)

透明個支就純絮有珠光亮澤感，杏膚色就有提亮暗黃膚色效用，而我收到的粉紅色就適合白晰皮膚的人，可製造紅潤好氣色~

粉紅色 base 我都曾經用過好幾款，包括 VIDIVICI / Banila Co. / Makeup Forever / IPSA / Sassou / Maybelline 等，其實支支效果都相差無幾，分別只在於滋潤程度，冇話邊支特別好，因為人人對補濕度的喜好都不同。

而粉紅色 base 一搽得多就會顯白，支支如是，呢支 Shu Uemura 亦不例外。

所以凡用粉紅色 base 就只能夠局部搽 (T-zone + 面頰 + 下巴)，只作局部 highlight 提亮就好，除非本身膚色夠白淨，否則不建議全臉搽，使用份量亦不宜太多。另外用來溝淡太深的粉底色亦可。

膚色深 / 暗黃的人其實揀 #杏膚色 natural beige 最穩陣~

質感方面屬極滋潤級數，以呢種 30 度天氣計係太潤，認為佢應該係秋季新產品提早出? 

暫時呢種溫度要極乾皮膚先用到，否則就要等到秋冬先用，油性肌當然可免則免。 

搽上後會見到有層光澤感 →

Close up 再睇 →

若論光澤感 + 滋潤感係滿分，不過同時亦會有 dd 油膩，秋冬用似乎更好~

如果鐘意光澤感底妝、又要透薄自然、清爽不油膩、不厚杰、透明冇色的話......

Shu Uemura 其實仲有支「glow creator」透明珠光 base →

呢支我工作用開，質感較清爽會更適合夏天使用，只不過冇防曬度。