YSL 新出粉底液 + 幾件新妝品 review

繼 4 個月前的 Cushion 粉底之後，YSL 好似好耐都冇出過新化妝品喇，點知今次一出就出一堆! 犀利! 谷埋咁多新妝品一次過推出，粉絲們荷包又出血~

幫呢堆新寶貝寫個 review 先，大家亦可望望當中有冇產品適合自己~

我係咪 YSL 粉絲? 

一定係! 我估應該都冇乜化妝師唔係 YSL 粉絲，會定時定候進貢、得閑無事都會去 counter 打個轉個種~ 

而買得最多係佢的 ROUGE PUR COUTURE VERNIS À LÈVRES 唇膏液，直頭係會儲佢 d 色，Tint-In-Oil 唇油有買、唇部護理打底又有買，不過全部都係 out job 用，自用就只會用 1-2 隻色。

至於點解買咁多 YSL 唇妝產品?

雖然佢唔平，但效果同 quality 又的確好、外型夠 grand、顏色夠多夠靚，加上好多客人鐘意用佢，out job 時經常會有客人問有冇 YSL 幾多號色，或指定想用 YSL 咁，所以都要配合一下~

(今次新產品由 YSL 提供)

既然唇膏液最受歡迎，就由佢開始介紹先~

新色「VERNIS À LÈVRES POP WATER 水漾唇膏液」→

我估 7-8 成貪靚精都最少擁有 1 支?

今季就推出了 4 款新 color，質感依舊不變，搽上後同樣柔軟水嫩，屬透薄半透明色效 (非實色)，色澤自然不會太紅太誇張，適合日常使用。

右邊隻新色 #216 淡玫紅激靚! →

呢類色任何膚色 / age range 都 carry 得到，又易襯，返工 / 去街都用到，夠晒百搭，值得投資~

而左邊金色個支就係 highlight color，係 on top 搽於其他唇膏色上用的，可凸顯唇部中央立體感、顯得唇部更豐滿。

$295 / 新加 4 款新色，total 12 色 @ http://www.yslbeauty.com.hk/tc/

「ROUGE PUR COUTURE THE MATS 啞緻唇膏」→

呢個 THE MATS 系列啞緻唇膏亦係一向都有，不過以前只得 3 隻色太少選擇，今次就新出多 8 款新色。

今季興啞緻唇妝嘛，見大大小小品牌不停出啞緻唇膏就知啦 ^^

亞洲人買鮮色唇膏都係揀啞緻的好，又 sharp 又 glossy 會唔知想點，真係要鬼妹先 carry 到。

手上呢支 #211 比較紅，除非你唔怕用鮮色搽滿成個嘴，否則就更適合化咬唇妝用，印少少於內唇位已夠。

我就覺得今年咁興玩唇妝，不妨大膽一試玩玩 sharp color，走出框框有 d 新意，又可間中轉下 look，唔使買來買去都係個幾隻色咁悶嘛~ 

$295 / 新加 8 款新色，total 11 色 @ http://www.yslbeauty.com.hk/tc/

「VOLUPTÉ TINT-IN-OIL 護唇油」→

呢支上年一出個陣已經買左兼推介過，今季就再新出多 2 隻色。

Tint-In-Oil 舊文用法重溫: 

http://isadoracheng.blogspot.hk/2015/04/ysl-volupte-tint-in-oil.html

手上新色 #9 Make Me Nude，人如其名係 nude 色 = 透明，但有輕微閃光粒子，同我已買個支 #03 Undress Me 極似，都係冇色，只不過 #9 更閃亮。

係好好用，不過因為呢支 Tint-In-Oil 唔係太深色，建議要買就揀支深色少少，買透明會好悶呀~ (除非你鐘意 nude 妝 / 淡妝)

$290 / 新加 2 款新色，total 8 色 @ http://www.yslbeauty.com.hk/tc/

「啞緻長效防水啫喱眼線筆」→

屬 YSL 首支扭動式眼線筆，鐘意佢唔係太實黑色 (屬 soft black)，筆尖又夠幼細，感覺唔會太濃妝，畫時筆芯亦好流暢順滑~

至於防溶度，官方指能 8 小時不脫妝，不過我試過單畫係會溶，last 唔別 8 小時，除非畫完再用眼影粉蓋住，即係可畫完 eyeliner 後先再掃眼影。

用佢來打底係一流，畫後唔會即乾卡死，有充裕時間可以 smudge 開推鬆，好有迷你 smokey eyes feel，但 on top 一定要再加眼影粉，否則會溶。

$245 (附內置筆刨) / 共 3 色選擇 @ http://www.yslbeauty.com.hk/tc/

「COUTURE PALETTE SCANDAL COLLECTION 限量版 5 色眼影」→

我又係有儲 YSL 眼影癮，不過大多都係留來 out job 用，自用就比較少，因為佢好多盒色都較閃，要有宴會去先用得著，反而用來幫客人化晚妝效果就極好，夠出色亦夠立體~

今次呢盒限量色 #SCANDAL PALETTE，顏色係比較叫易用的，大路啡調色，又唔算太閃，算 "user-friendly" 左~

$595 @ http://www.yslbeauty.com.hk/tc/

新出「Couture Brow Palette 三色塑形眉粉」→

點解而家個個品牌出親眉粉，每盒都要有 2-3 隻色?

當然係為方便你畫出更立體的眉型啦! 正常要畫一條靚眉都真係要用 2-3 色先夠層次，分別係眉頭用淡色、眉尾用深色、中間就用返中間色。

尤其對於眉毛稀疏的人，得 1 隻色眉粉的確係畫唔出靚眉，所以揀呢類一盒有 3 色的就會方便 d，唔使分開買 2-3 隻色~

另外眉粉的另一用法，就係可以鼻影粉用，掃於鼻樑兩側 ; quality 好的眉粉仲可以當埋 eyeshadow 用。

$540 (附迷你眉鉗及眉掃) / 共 2 色選擇 @ http://www.yslbeauty.com.hk/tc/

外型好 high fashion、好型、好貴氣! 不過的確貴，真係要 YSL 粉絲先會捨得買了。 

最後有新出昇級版「TOUCHE ÉCLAT LE TEINT 透亮粉底液」+「Y-Brush 粉底掃」→

粉底舊版個支我有用過，都已經覺得好 ok，而今次昇級版效果就比舊版更輕身、薄身、清爽，好適合夏天用，個質感我係極鐘意! (不過冬天用應該唔夠補濕，屬春夏 item)

昨日拍的 "偽鬼妹妝" video 底妝就係用左佢~

奇就奇在..... 明明 YSL 粉底我係用開 #B20 - 30 (夾在中間)，而今次收到呢支係淺色的 #BR10，應該會好白先係，但搽上臉又唔覺白左太多喎? (只係輕微) 係我呢幾個月用得美白精華多、膚色白左定點呢??

粉底液 $550 (共 8 色選擇) / 粉底掃 $485 @ http://www.yslbeauty.com.hk/tc/

蘊含明彩筆的 Anti-Fatigue Complex 成份，將半透明混合半囊體再加入金色顏料作採光科技，有效驅逐暗啞膚色，締造無重、零瑕疵、輕盈舒適的半透明覆蓋度，從而吸納光線，讓肌膚散發柔和亮采而零油光。

配合新出呢支 Y-Brush 上粉又確係好貼面! →

我試過配合唔同牌子粉底液用都唔錯，毛毛堅挺得來唔卡粉，上粉夠均勻，比差不多款的同類細刷頭粉底掃 bareMinerals / Shiseido 都正好多，直頭冇得比較，贏左幾條街! 只係以粉底掃來計比較貴，一分錢一分貨個種。  

而中間個獨特 Y 形凹位，每次只需唧 3 滴粉底入去就夠全臉用 (佢話 1-2 滴我試過係唔夠)，將支掃印幾印上臉部中央、再慢慢打圈掃開就 ok，好慳粉底，而唧 4 滴粉底入去就 full coverage~ (又係於 "偽鬼妹妝" video 內用過)

唔錯唔錯~ 不過記住用咩粉底掃都係要輕力掃 + 減少粉底份量，唔係就好易卡粉喇~