Covermark 冬季「無瑕素肌緻貼粉底霜」x Day Nourish Fixer x 護唇精華 review

冬妝停不了~ 

今日等我又推介吓 Covermark 嘅妝品啦 ❤️

不過因為有一大堆，今日就介紹住其中 3 件先，其他過幾日再 encore~

(trial products sponsored by Covermark)

Covermark 今季妝品焦點當然响盒粉底度，不過搽粉底前都要先搽 makeup base 嘛，先介紹我自己曾經用過好多支嘅「高度保濕妝前打底液」→

Day Nourish Fixer

水瑩護肌液 SPF20 PA++

蘊含磷脂聚合物 + 滋潤細胞份子 + 全面鎖水份子，能於皮膚中將水份及油份結合，令肌膚充滿彈性，改善粗糙肌膚及粗大毛孔，並於肌膚表面形成高度透氣薄紗，防止水份蒸發，令肌膚平滑柔軟之餘，粉底更貼面持久，全面補濕鎖水。

不含任何香料

$370 / 50ml @ http://www.covermark.com.hk

(話時話，點解好似平咗咁嘅？定係我失憶......) 😅

呢支正確係用於 makeup base 之前，亦可當佢係一支日霜.....

即係先搽呢支 Fixer → makeup base → 粉底 

不過我自己就唔會搽咁多嘢，所以會直接當佢係 makeup base 用，其實好多人都係當佢 base 咁用~

屬輕盈乳液狀質地 →

質感柔滑水凝，每次只需用極少份量 →

有留意開 Covermark 的話都知呢支 Fixer 唔係新出品，但就屬品牌 best seller，長賣長有，我 8 年前於舊 yahoo blog 內經已介紹過。

有用 vs. 唔用，係的確有分別的，用咗又真係會 feel 到保濕度有提升，之後搽粉底亦會更貼服，更柔滑~

不過我自己就偏愛用有色的 makeup base，所以呢支通常只係買來 out job 用，貪佢唔貴之餘、又屬專櫃大牌、效果幾好咁~

(尤其 out job 好多時要用 base 溝 foundation 搽身，呢支 Fixer 三百幾蚊咁大支，屬於粗用都唔會肉痛個種，化妝師們一定能深深體會)

輪到主角! 冬季好適合用嘅粉底霜~

先提供產品資料 →

「無瑕素肌緻貼粉底霜」SPF35 PA+++ 

一抹全面遮瑕 ● 瑕疵瞬間隱形

採用嶄新技術「嫩膚再做薄膜」，有效遮掩色斑、皮膚暗啞、毛孔粗大等瑕疵。與別不同的滋潤成份「脂質鎖水保護膜」 蘊含彷細胞間脂質，與肌膚天然保濕因子相似，強效鎖住肌膚水份，全日保持水凝潤澤不乾燥。

革命性新技術「形體液化配方」，令膏狀粉底接觸皮膚的一刻轉化成液體狀，有效修飾毛孔、撫平細紋，妝容持久一整天。

蘊含 6 種珍貴草本漢方成份 + 水溶性骨膠原，打造無瑕底妝同時滋潤及舒緩皮膚。

共 8 色選擇

粉底 $525 / 粉底連粉盒 $735 @ http://www.covermark.com.hk

老老實實唔算平，但持久度同 coverage 的確係好、好、好高! 👍🏻

而且經常有優惠，如之前 SOGO thankful week 就只售 $400，有興趣就記得留意佢哋 facebook 專頁幾時做 promotion 喇~

https://www.facebook.com/COVERMARKHK/

以為粉底膏會好乾? 呢盒質地其實好 creamy 滋潤 → 

搽上面俾大家望望先 →

After →

首先，好明顯遮瑕度係屬高等! 👏🏻

亦覺得可以 cover 到毛孔細紋，仲遮得幾靚添~

均勻膚色當然係冇問題啦，就連黑眼圈 / 色斑 / 暗瘡印都可以遮到 9-10 成，真係唔使用遮瑕膏都得! 我自己係偏好類似呢種高遮瑕度底妝的，但當然未必人人都鍾意，其實只要粉底份量攞少一 d，底妝就會變薄少少喇~

另外保濕度方面，下圖效果係用附設嘅粉樸上妝的，認為會比較乾身同厚妝少少，建議先將粉樸沾濕後用、或改用 beautyblender 粉樸上粉，效果會貼面同保濕好多，亦會薄返少少~

至於持久度係非常之高，大約可 last 到 8-10 小時! 幾乎全日冇溶過妝! 算係貴得有價值~

10 小時後亦唔覺得有變黃轉暗等氧化問題，只係過咗 5 個鐘之後，覺得鼻翼 + 笑紋位覺得有 d 乾咁啫，噴返保濕噴霧就 ok~

認為適合鍾意高度遮瑕 / 持久底妝的人 x 混合肌 / 混合偏乾肌使用，影相用仲更加一流! ❤️

(但超乾肌就可能會嫌佢唔夠潤了)

我自己就好鐘意呢類 full coverage 底妝，好似陶瓷公仔咁零瑕疵，又唔會反光令立立~

最後加插另一件 Covermark 唇妝產品 →

Brightening Lip Essence UV

透澤護唇精華 UV (SPF15 PA++)

屬集自然色彩 + 水潤觸感於一身的防曬護唇精華

具 11 種植物萃取精華 + 海洋膠原蛋白成份，滋潤成份含量高達 83.6%，塗後會形成長效鎖水保護膜，保持唇部滋潤柔軟，有效修護唇部表皮與真皮層、撫平唇紋、深層滋潤雙唇、改善色澤暗啞。

可單獨使用、或作為唇膏打底霜使用，色彩持久不易脫色，而且並不會遺留唇色於餐具上

$250 @ http://www.covermark.com.hk

共 3 色選擇 : #01 粉紅 / #02 桃紅 / #03 橙色

下圖為 #03 橙色 →

呢支護唇精華特別在所含的氨基酸成份，當遇上唇部肌膚溫度時，會轉化出屬於自己的獨特自然色澤，即係人人搽上後顏色都可能會略帶不同~

搽上咀效果 →

具一點點明亮光澤感，滋潤度唔錯，保濕效果亦持久，唔會太快流失變乾甩皮~ 💋

色效我覺得係比其他牌子有色潤唇膏更自然、更粉嫩、冇咁造作，保持嘴唇全日滋潤同時有血色，其實單用都經已好 ok，雖然未至於會全日不脫色，但都算持久的~ 

至於其他幾件 Covermark 妝品，就等我過多幾日再分享比大家知效果啦 ^^