SK-II 最新「R.N.A. Power 立體緊緻修護眼霜」review

SK-II 眼霜我由第一代就開始用，一直用到最新一代 Stempower 眼霜.....

其他眼霜當然唔係未試過，就如 Estee Lauder / Osiao / NARS / Bobbi Brown / La Mer / Lancome / Valmont / MTM / Chanel / Dior / Shiseido / Origins / Melvita / Glycel / Kiehl's / Clarins 之類等等.....

至於平價些少的眼霜 / 開架品牌都有試過，不過老實講句，去到中女年紀真係會覺得個 d 唔夠潤 / 唔夠有效，所以都係偏好揀返專櫃牌子、適合中女用的 eye cream。

試來試去，自己最鐘意的就只有 SK-II / Osiao / NARS。

而最近 SK-II 就新出了呢款「R.N.A. Power 立體緊緻修護眼霜」→

So far 試用了 1 個月，又係時侯報告一下用後感 ^^

先提供產品資料 →

R.N.A.立體緊緻修護眼霜

R.N.A. POWER EYE CREAM

SK-II 的秋田追蹤科研全球首次發現雙眼原來從我們 20 多歲開始，在往後 15 年平均會縮小20％，正正是眼周肌膚緊緻度下降所致，指出衰老對我們雙眼外形變化的影響。

「R. N. A. 立體緊緻修護眼霜」成份蘊含 Radical New Age 複方 + 濃縮 PITERA™+ Palmitoyl Pentapeptide-4 + Chlolleragen，為眼周肌膚提昇源源緊緻力量，讓雙眸感覺更年輕。

只需持續使用 6 星期，可提升眼周肌膚飽滿度及滋潤感，減淡細紋和皺紋，緊緻眼底肌膚，令眼周更亮白，並讓妳的雙眼看起來增大了11%。

$750 / 15g @ http://www.sk-ii.com.hk/tc/index.aspx

(trial product given by SK-II)

質地屬輕柔乳霜狀，比 Stempower 系列個款眼霜杰身丁點 →

搽上眼時唔覺厚重，反而覺得好易被皮膚吸收，仲好過 Stempower 個款 →

搽勻吸收後亦唔會反晒油光，屬潤而不膩效果 →

So far 連續早晚使用了 1 個月，首先滋潤感我係好滿意的! 夠潤又唔油膩，吸收得亦快，好適合中女 age range / 眼周皮膚極乾的人使用~

減淡細紋效果亦算唔錯，可以即時改善到乾紋，但比較深的眼紋就 K.O 唔到 (其實眼紋一出都好難話可以完全 K.O，除非係新出的淺紋)。而預防眼紋增多呢點，我一向都認為 SK-II 係做得幾好的~

緊緻度方面我覺得係不過不失，有效係有效，但唔算極明顯，要 keep 住用至少 1 個月先開始 feel 到眼袋冇咁鬆同水腫。

"眼周更亮白" 呢點覺得係有，唔係話可以令黑眼圈減淡，而係認為用後眼周膚色冇咁暗啞~

至於 "雙眼增大 11%" 一點，我又唔係好覺，不過 11% 差別太少，其實都好難目測得到??

總括而言我認為中女係值得試，至少用一個月左右都有效果睇到 (有好多 eye cream 係零效果，單單得個潤字)，雖然售價唔算平，不過以眼周範圍咁細、每次只需用一粒紅豆或黃豆大小份量計，一瓶 eye cream 足以用上 8-9 個月，其實都 ok 的~