呢盒「植村秀」粉餅其實係早前秋季推出的，不過而家愈用就愈覺得好用!
尤其冬天皮膚乾，用粉餅補妝總會乾上加乾 / 唔貼粉 / 厚妝，但係用呢盒補妝就會好有通透感，冇一般粉餅感覺咁厚咁唖身，好適合 dry skin / 冬天用~
產品資料 →
The Lightbulb Aerial Compact Foudnation
白瓷光感盈亮粉餅 SPF30 PA+++
植村秀首次呈獻集 "明亮剔透、自然薄透" 於一身的全新粉餅
以全新製作工序及創新剔透白瓷光感科技打造，含有 2 倍微細珍珠及油份，質感輕盈透薄，持久不變色，令肌膚煥發透亮光感，塑造透薄如空氣的無粉質感。
粉餅 $350 / 粉盒 $60 @ http://www.shu-uemura.com.hk
粉樸屬雙面設計，一面係普通海綿，反轉另一面係絨面質地。
用絨面質地嗰面定妝或補妝，好處係會更啞緻乾爽~
不過對乾性肌而言其實就可有可無，冇乜需要用到，都係用普通海綿嗰面居多。
我用嘅色號係 #774，同自己膚色差唔多 →
粉餅本身質地效果亦好自然，類似半透明效果，就算一下唔覺意買錯咗顏色都唔會太出事。
So far 用咗幾個月，只係用嚟補妝。 (定妝我只會用碎粉)
鍾意佢有一種好淡薄、好自然嘅光澤感，透光得嚟唔做作，對一啲皮膚乾嘅人、又或者鍾意有韓妝剔透感嘅人嚟講就好好，真係好似產品資料咁講，做到 "既透亮、又透薄如空氣的無粉質感"~
至於會唔會比其他粉餅特別保濕呢?
咁又唔覺，不過因為佢質感特別透薄，補完妝唔會覺得好乾咁解~
沒有留言:
發佈留言
注意：只有此網誌的成員可以留言。