2017年8月19日 星期六

Estee Lauder 新出「Advanced Night Repair New Eye Concentrate Matrix」升級再生基因修護亮眼精萃) review

Estee Lauder 新鮮熱辣推出嘅「Advanced Night Repair 升級再生基因修護亮眼精萃」,好多人都問過我好唔好用,火熱到連我公司一位完全唔貪靚嘅同事都追問。😂

So far 我只係試用咗 2 個半星期,確實唔算好耐,不過見咁多人想快啲知,就盡早 share 一下我暫時嘅用後感先啦~

(trial products given by Estee Lauder)

產品資料 →

Advanced Night Repair New Eye Concentrate Matrix
升級再生基因修護亮眼精萃 

蘊含嶄新強效 360° 大眼修護抗壓技術,配合皇牌專利 ChronoluxCB™基因排毒淨化協調技術,為幼嫩眼周肌膚注入源源水份長效保濕,全方位抵禦眨眼時眼周的微動壓力,同步啟動肌膚自我修護力,加速眼周肌膚新生,保持眼部肌膚彈性緊緻,解決細紋、皺紋、浮腫及黑眼圈等問題,修復眼周肌膚衰老痕跡。



眼部產品我一向認為買貴少少都係值得的,因為每次只係用一粒紅豆大小份量嘛,15ml 平均可以用到成 9 個月左右,耐用過其他護膚品好多~ 

又既然要用成 9 個月咁耐,係咪應該要揀件好少少嘅呢? (我係咁諗) 


用法 : 

可早晚使用,以 "360° 按摩棒" 輕柔地塗於眼周,再以打圈方式按摩眼周。重複動作 3 次,最後以無名指輕輕拍打幫助吸收。

"360° 按摩棒頭" →

雖然係 sponsor 都係咁講......

所謂 "360° 按摩棒頭",講到底只係一支玻璃棒,就好似滴管咁嘅樣,著實冇乜驚喜,按摩效果一般,同用手指按冇乜分別。

不過包裝呢啲都係次要,最緊要都係個 "內容" 啫,睇埋個用後感先~


新款質地比舊款個支 "Advanced Night Repair 眼部精華" 杰身少少 →


透明質酸含量亦比舊款多咗 2 倍,感覺更加保濕滋潤 →


用後感 →

So far 用咗 2 個半星期,除咗覺得滋潤保濕之外,暫時未有乜嘢效果睇到,但感覺就真係幾唔錯,搽嘅時候潤潤嫩嫩咁幾好 feel,而且保濕度亦算持久,特別適合眼周皮膚乾的人~

因為質地比起同類型眼部精華滋潤,較淺的乾紋搽完之後都會有改善,但皺紋係日積月累形成,唔會話搽 2-3 星期咁快就可以改善到,要用耐啲先知得唔得,(不過通常對太深嘅眼紋都幫助好微),至於浮腫同黑眼圈問題就唔覺得有改善。

總括嚟講,如果想搵一支滋潤度高嘅眼部精華 x 專櫃牌子,呢支 Estee Lauder 都係唔錯嘅選擇,至少潤過好多專櫃牌子~

另外如果懶懶哋唔想分開眼部精華同眼霜搽,咁都可以當呢支 Estee Lauder 係二合一使用,一支頂兩支~

btw,見到卓悅賣 $467.5 →

但建議價寫 $605,咁咪仲貴過 Estee Lauder 專櫃?! 😂

雖則係平過專櫃 $80,但建議都係去專櫃買穩陣啲,唔使擔心真假貨問題~


至於同系列「Advanced Night Repair 再生基因瞬亮修護眼膜」→ 

每片含四分之一支「Advanced Night Repair 升級再生基因修復眼霜」成分,能為脆弱的眼部肌膚提供 20 倍再生基因修護技術的舒緩、保濕及修護成分,令眼部回復柔滑細緻及光澤,大大改善細紋、乾紋、浮腫、黑眼圈、乾燥及膚色不均問題。

採用全球革命性的 DNA 修護科技,有效地發揮高效鎖水的作用,敷用 10 分鐘便能為眼周肌膚補充足夠水份,效果可更能維持數小時。


$500 / 8 對

呢個確實有啲貴,真係要留返宴會前急救先捨得用吧?


在之前的 Estee Lauder event 內都有示範過用法及效果 →

眼膜質地非常薄身,能緊緊貼實眼底不會跣走或移位,敷完又的確係好水嫩~

不過敷 10 mins 就有啲嘥,其實 10 mins 過後塊眼膜都仲有好多精華响裡面,所以我會敷夠 20-25 mins 先撕走。


有興趣也可重溫之前 post 過的 vlog,睇睇 Estee Lauder 嘅眼部精華 + 眼膜效果 →   




11 則留言:

  1. 等左半年都未等到mizuho圓頭濕粉掃返貨, 請問有冇其他牌子既圓頭濕粉掃推介?

    回覆刪除
    回覆
    1. 呢支而家做緊 88 折, 可以訂貨了~ 如果等唔切, 也可試試剛剛介紹過的 Shu Uemura 平頭濕粉掃, 我都覺得呢支 ok 的~

      刪除
  2. Hello Isa, 我濕合肌,所以買左power fabric 粉底,請問粉底比較matte,岩岩完妝個下望落好乾(只係望落好乾,自己feel吾到乾),妝感好厚粉,吾貼面,但係隔離一陣,出左少少油,個妝就變得好貼,其實咁樣隻粉底岩吾岩我用?

    另外,聽講base可以阻隔化妝品對皮膚嘅傷害,請問係米一定要用?

    回覆刪除
    回覆
    1. 如果覺得 power fabric 乾, 可能係之前用的 skincare 唔夠保濕或冇用 base 打底所致? 因為我乾胜肌用佢亦唔覺得佢乾喔, 不過確實佢係主 sell matte finish, 所以會係啞緻效果的, 只要用前加個保濕 base 就唔會咁 matte 或厚粉了 (覺得厚粉通常係因為份量攞多咗 or 皮膚乾冇打底所致)~ 至於 base 的問題, base 最主要的功效係即時改善皮膚狀態, 令粉底更貼面, 但阻隔化妝品對皮膚嘅傷害呢點, 就因為而家好多粉底都冇以前咁傷皮膚, 所以已經唔係重點了, 但不多不少都係有效阻隔到的, 所以 base 都係好緊要架~

      刪除
  3. 請問這一枝眼精華,不用枝棒,用手指可以嗎

    回覆刪除
    回覆
    1. 可以喔~ 我都係咁用, 覺得用佢支棒按摩效用並不大, 再講按摩完又放返入樽都唔多衛生~

      刪除
  4. 請問這一枝眼精華,不用枝棒,用手指可以嗎

    回覆刪除
  5. Hi Isa, 請問用比自己膚色深嘅遮暇膏遮暗瘡印,應該用圓頭遮暇掃定眼底遮暇掃?用比自己膚色深嘅遮暇膏張暗瘡印調色,遮嘅範圍要幾大?(只遮瘡印最深的地方,定係外圍都要blend開?)

    回覆刪除
    回覆
    1. 2 支掃都係可以的, 主要視乎個暗瘡印有幾難遮, 難的話就可用圓頭遮瑕掃~ 而遮的範圍大過暗瘡印少少就夠, 只要有足夠的範圍去俾你 blend 開淡化個框就 ok (外圍要 blend 的)~

      刪除
  6. Hi Isa, 請問眉筆同眉gel,邊樣需要特別用眼唇卸妝液卸左先?

    回覆刪除
    回覆
    1. 眉 gel, 因為眉 gel 一般都係防水的~ 但如你用開 cleansing oil 卸臉妝的話, 就唔需要另外用眼唇卸妝液卸眉, 因為 cleansing oil 已經會清到所有 waterproof 妝品了~

      刪除