$65 超顯色染髮焗油! 韓國 April Skin Turn-Up Color Treatment 超掂!

韓國 April Skin 繼氣墊粉底 / 洗面皂等大熱產品之後，早排又有新嘅熱賣傑作! 就係呢款「Turn-Up Color Treatment 染髮焗油」喇~ 😍

其實都已經出咗一排，之前 HK 未有時仲炒到成百幾二百蚊支! 而家 SaSa 都有得賣喇，只係 $65 好抵玩!

Total 有 5 種粉霧顏色，除咗單用、仲可以自己買 2 隻色溝去調配顏色 (but 我冇咁好心機 😂)，好處係 color treatment 不傷頭髮，唔係永久性染色劑，就算每個月轉一次 color 都唔會太傷，頭髮唔會變得粗糙枯黃~

買咗一排，終於有時間玩~ 俾個效果大家睇睇先~

$65 支 @ SaSa

由於每個人本身髮色深淺度都唔同，所以染出來效果都會有分別，但都可以參考一下官網示範圖 →

係分別由深髮色 vs. 淺髮色染出來的效果

(圖片 copy 自 April Skin 官網)

我買嘅係 #Red →

其實心目中想染嘅 #Pink，但考慮到粉紅色好快甩，再加上其實染紅色洗多幾次頭都會變粉紅，所以好似揀 #Red 會 keep 得耐少少~

內附 Color Treatment 1支 + 膠手套 1 對 →

呢個係之前嘅髮色 →

係經過幾次漂染甩出來的顏色

April Skin 染後圖 →

由於怕唔夠上色，所以染足 30 mins，效果係激紅! 係紅到我有啲驚嗰種! 😅

同埋因為之前有漂過髮，所以染出來特別顯色，下次都係揀返 #Pink 冇咁激 haha~

不過如果係冇漂過髮用 #Red 的話，效果應該唔會咁火紅，會深色返啲嘅~

染後 2 星期髮色 →

持久度方面 Color Treatment 唔同染髮霜，因為不傷頭髮只在頭髮表面著色，所以只能 keep 2-3 星期左右，期間每洗一次頭就會退少少色，而呢個就係我洗過十幾次頭後嘅色效，已經變成淡粉紅。

另外亦有試過用佢染眉，就算眉毛本身咁黑，用呢支 April Skin 染完同樣係好顯色~

$65 真係夠晒抵玩! 值得 try try~ 👍🏻