Laura Mercier「Infusion De Rose Nourishing Oil」玫瑰水潤滋養油 review

呢支 Laura Mercier「玫瑰水潤滋養油」，明明早前响 "秋冬 skincare routine" 個 video 已經介紹過，都再忍唔住推介佢一次，因為真係愈用愈覺得好用呀~ 😍

加上精華油嘅好處實在係多不勝數，dry skin 秋冬總要有支以備必時之需。

例如雙手乾燥甩皮可以搽手，面乾粗糙冇光澤又可以搽面，搽頸紋 / 手踭效果又好過用 lotion，必要時仲可以當埋髮尾油用。 (不過我唔會喇，咁貴 hehe)

而且冬天皮膚乾燥時，仲可以 mix 1-2 滴落平常用開嘅面霜 / makeup base / 粉底用，皮膚會潤澤好多，仲可以令粉底更加貼面~ 正~

產品資料 →

Infusion De Rose Nourishing Oil

玫瑰水潤滋養油

質感輕盈而不黏膩，蘊合豐富的玫瑰果油及多款植物油，能迅速滲透深層滋養肌膚，淡化幼紋，強化肌膚天然保濕屏障，平衡肌膚油脂及水份，即時柔軟肌膚並鎖緊水分，時刻保持肌膚水潤亮澤。

特別適合乾性肌膚 / 秋冬使用。

約 $560 / 30ml @ https://www.lauramercier-hk.com/en/

而每次用幾多滴主要係現乎皮膚有幾乾，而且皮膚於唔同嘅天氣下吸收程度亦會有轉變，所以建議先由 2-3 滴開始於掌心搓勻後印上面，吸收咗覺得唔夠先再加份量。

下圖為 3 滴份量 →

唔好以為好少，其實已經足夠搽勻全面 + 頸 / 或搽勻一對手有凸!

所以話 1 支真係有排用~ 👏🏻

質地比一般精華油稀身好多 →

一滴出就流走咗 →

用後皮膚充滿光澤、明顯變得更飽滿、紋理亦平滑咗好多 →

超鐘意佢層光澤感一啲都唔 over，反而仲好 natural，有柔嫩感之餘又唔會太油膩，以精華油之中已叫做好清爽，不過都要記住唔好用太多份量，真係 2-3 滴就夠~

亦要記住呢個只係表層修護效果，始終油份能滲透落肌底嘅機率係好微，所以都要搽完精華素之後先用佢，用作封住水份防止蒸發。

至於之後仲使唔使用面霜?

我就要囉~ 因為所有 skincare 响冬天都會好快俾我嘅 super dry skin 吸收晒~ 😆