話說呢支 Becca 粉底液....... 係貪靚男同事 Edmund 叫我試的 😂
雖然 Edmund 同我一樣係乾性敏感肌 (佢仲要敏感過我好多)，大家都一樣用到保濕類型粉底，不過佢鐘意嘅粉底質感都偏透薄 (男仔嘛)，而我就鍾意有遮瑕度嘅粉底，所以當佢俾呢支 Becca 我試時我都冇乜期望，心諗應該又係薄到冇乜點化過妝嗰類?
想當年 Becca 未撤離 hk 時，我都有買過佢嘅胭脂 / 眼影 / 遮瑕膏 / 碎粉 / base，唯獨冇買過佢嘅粉底 (就係覺得太薄)，點知今次試完又發現原來都幾好喎! 有 coverage 之餘又薄得自然~ 😍
就係呢支得獎皇牌「Aqua Luminous Perfecting Foundation」喇 →
添加保濕成份，質感幼滑輕盈、水凝透薄，有效修飾均勻膚色，蘊含能折射光線的微粒子，能 blur 走細紋及毛孔。遮瑕度屬 buildable 可隨喜好層層叠加。
雖然 Becca 已撤離香港 2 年，不過想買仍然可於外國網如 https://www.sephora.com 郵購得到，只係冇咁方便 / 冇得試顏色咁解。所以如果去開旅行，建議都係去外地試完先買比較好。
USD44 / 30ml (共 9 色選擇)
大約 = HKD343 左右 (未連稅，視乎响邊度買了)
採用滴管設計，用前必需搖勻 →
質感屬非常水感稀身一類 →
塗抹時已經 feel 到好透薄 →
不過薄得來遮瑕度並唔算低，兼具輕微光感 →
試上面效果 (只搽了粉底) →
首先顏色方面，我試呢支 #Light 經已係第 2 支最白的色號，但都係好深色好黃，建議揀 #Fair 比較好。
⭕️ 效果係非常自然兼貼面，冇厚重妝感，感覺好 soft 好輕身
⭕️ blur 到乾紋毛孔，有柔焦效果 feel
⭕️ 遮瑕度可按喜好層層叠加，均勻膚色完全冇問題，佔 7-8 成瑕疵都遮到
⭕️ 未掃碎粉都唔會反光油淋淋
⭕️ 試過用濕粉掃 / 手指 / 粉樸上粉，用手指效果係最 good
❌ 因為質地較稀身，搽極都好似唔多夠咁，用嘅份量會增加咗
❌ 遮瑕度雖可層層叠加，但加極都唔會太高，下圖係已經上咗 2 層粉底
❌ 持久度唔太 long keep，雖然冇特別出油，但約 3 小時後個妝就得返一半要補妝
❌ 適合東方人用嘅顏色選擇唔多，只得 #Fair 同 #Light
❌ 購買唔方便
整體計其實效果係好靚! 不過持久度就唔算好理想，估計留到秋冬天氣冇咁熱時用，持久度會好返少少? (不過而家廿幾度都唔算好熱咋喎....)
建唔建議買?
Ummmm..... 咁佢個妝效又幾靚嘅! 薄得嚟有 coverage 係好難得，加上貼面度如同 "no makeup" 般自然，如果唔介意每隔幾個鐘補一補妝的話都可以嘅~
沒有留言:
張貼留言