Bobbi Brown 新出「Skin Long-Wear Weightless 持久輕透霧鏡粉底液」好用!! ❤️

每當天氣一開始熱，想去買新粉底嘅沖勁又燃燒 (銀紙相對也在燃燒) 😂

其實常用中嘅 SUQQU Extra Rich Cream 粉底霜 / Armani Power Fabric 粉底液 / Shiseido SYNCHRO 氣墊粉底，我都覺得夏天係可以繼續用，唔需要刻意買新粉底，但我又好奇今季新出嗰啲控油粉底效果係咪真係咁好嘛 hehe~

之但係大家知每季都出咁多新粉底，支支都索價四五百，總不可能全部試勻，當然要 shortlist 幾款效果好嘅先買啦! 今日就先推介我開季第一支買嘅 Bobbi Brown~

Bobbi Brown Skin Long-Wear Weightless Foundation

持久輕透霧鏡粉底液 SPF 15

主推高遮瑕度 + 控油但唔乾 + 24 小時持久度 + 絲絨啞緻妝效

藴含多種天然護膚成份如海洋甘蔗 (抽取產自沿海地區的甘庶) + 維生素 E 及 C + 乳木果油 + 天然礦物粉末，利用尖端「高壓冷凍」科技，將極細密絲質感的乳液混合控油成份並注入自然真實色調，可保持肌膚水油平衡，為肌膚補充水份之餘同時修補肌膚屏障。

當中的「立體彈性多元化粉粒」可折射光線，柔化瑕疵，締造無瑕持久的絲絨啞緻妝效。

我使用的色號為 #2.5 Warm Sand →

$400 / 30ml (共 14 色選擇) @ http://www.bobbibrown.com.hk

質地屬稍為杰身的粉底液 →

搽嗰陣會有種啜啜哋嘅感覺，唔算太易推開，試過分別用手指 / 濕粉樸 / 濕粉掃上粉，認為用 "掃毛稍密的濕粉掃" 配合呢支 foundation 會更易推得均勻 (如圖中呢類)，遮瑕度亦更高，妝效會更無瑕 👍🏻

而用手指 / 濕粉樸搽的遮瑕度就較薄，完全做唔到所指的 full coverage 妝效，亦要較長時間先推得勻個粉底，故不太建議，用手指 / 濕粉樸效果真係麻麻哋，直頭可以話係浪費咗支粉底。

完妝效果 (只搽了粉底) →

如用 "掃毛稍密的濕粉掃" 上粉，遮瑕度係超高，完全做到所指嘅 full coverage + shine control  + flawless 效果，感覺真係好無瑕兼零油光，所有瑕疵都遮到晒，妝效仲要好細緻，做到膚質好好嘅幻覺! 😍

雖然搽嗰陣 + 搽完後都有種啜啜哋 / 漿住漿住嘅感覺，但就一啲都唔反光，如產品資料所指屬絲絨啞緻妝效~

奇就奇在雖然係主打控油，望上去又好 matte，但感覺竟然唔算好乾，全日都冇爆過乾紋，毛孔亦冇湧現，而且持妝度仲勁好! 上完粉底 on top 再掃少少碎粉定妝之後，就幾乎全日冇補過妝都冇出過油，冇溶過妝喇! 👏🏻

以我戶外外出一整天 x 26 度天氣 x 乾肌計，大概過 6 小時後鼻頭會有極輕微泛油，少到用手指 / 紙巾印一下已經冇咗，連粉都唔使補，又冇浮粉 / 氧化變黃問題~

(不過偏油肌膚用的話，持妝度可能要再打個折)

太陽光下妝效，仍然係好理想! →

控油粉底試得多，但真係冇試過有一款係控到油之餘唔乾，遮瑕度高得嚟唔會爆乾紋毛孔的! 所以覺得呢支 Bobbi Brown 新粉底表現係超出預期，好有驚喜，好適合 summer 用呀! 😘

推介俾混合肌 / 偏油膚質 / 少少乾嘅皮膚夏天都可以用，但超乾沙漠肌 / 已經甩緊皮嘅話就唔好用呢類控油 foundation 喇，感覺始終都會偏乾，揀返保濕粉底會好啲~

至於缺點s.......

嗰種啜啜哋嘅質感係有啲怪，但用多幾次習慣咗就 ok 😅

再三溫馨提示要用 "掃毛稍密嘅濕粉掃" 搽呢支 foundation，否則會好難推得均勻，會啜住啜住咁，同埋要快手搽勻唔好慢慢玩，否則乾咗仲難推。

另外响 counter 我都有試過同樣係新出嘅「輕透霧鏡粉底霜」(黑盒) →

配方同呢支粉底係一樣，效果亦相同，不過遮瑕度就再高啲。

但真係好.... 難.... 推.... 勻....

如果連慣用唔同性質粉底嘅 makeup artist 都覺得難推勻的話，建議大家都係慳返啲 $ 唔好買嚟試了。

CWB 連卡佛 Bobbi Brown 專櫃哥哥真係好好人，有問必答又答到，仲不停陪我試粉底~

雖然試完幾樣嘢最終只係買咗 1 支 foundation 都冇黑面，同樣有禮有 service ~