之前推介過嘅 Max Factor「Masterpiece Nude Palette」，春季又出咗新色!
新色 #Golden Nudes 高雅金啡色 →
其實都推出咗一個月有多喇，不過我仲仍然沉醉於佢盒 #RoseNudes 之中，一直未開封試呢盒新色 hehe~
上星期終於開咗嚟用，試吓色俾大家睇先 😊
Max Factor 近來最受歡迎嘅眼影組合，應該都係呢盒「Masterpiece Nude Palette」喇! 😍
確實我都認為佢係好實用好百搭，無論日常淡妝以至晚妝都一盒攪得掂，而且粉質比同類開架品牌如 Maybelline 之類的 eyeshadow palette 更優質、更幼滑、更貼皮膚，對唔係經常化妝嘅人嚟計，更加係買一盒看門口就夠用~
而且每盒 palette 都已經排好咗淺至深色，唔似得 Urban Decay 嗰類 Nude Palette 東一隻淺色、西一隻淺色咁亂，對化妝新手嚟講會更易用~
舊有嘅 2 款 #Rose Nudes (上) 同 #Cappuccino Nudes (下) 顏色都好靚! →
至於今次盒 #Golden Nudes，係富奢華氣派感嘅啡金系色調 →
顏色比起上圖的 #Rose Nudes 同 #Cappuccino Nudes 較深色 + 較暖調，比較適合膚色黃的人用。同樣地分有淺至深色，日妝 / 晚妝都化到 👍🏻
$168 (共 3 色選擇) @ sasa / Watson's
雖然以開架 brand 計唔算好平，但勝在顏色靚又多 + 夠百搭 + 質量好
(trial products given by Max Factor)
試色圖 →
特別鐘意 Max Factor 係因為佢比較少 "無謂色" (即係嗰啲十世都唔會用嘅色)，呢款「Masterpiece」系列係每一盒隻隻色都好實用 ❤️
唔會好似其他牌子雖然一盒有十幾廿個色，好似好抵咁，但好多色都重複或者唔夠實用，呢盒係隻隻 color 都會用得著~
眼妝效果圖 →
今次用咗其中 3 隻色，亦係我返工常化嘅眼妝配搭 ☺️
眼蓋位 : 啡金色 (左邊第四格)
眼褶位 : 古銅啡 (右邊第三格)
眼線位 : 黑色 (右邊第一格)
由於我屬好重的內雙眼皮，一張開眼 eyeshadow 會褶起失蹤，所以個人偏好愛用右邊嗰幾格深色眼影。雙眼皮明顯 / 愛淡妝的人可 feel free 多用左邊淺色嗰幾格~
張開眼效果 →
下眼線 : 淡啡色 (左邊第三格)
另外的 Max Factor 經典「2000 Calorie Mascara畫出濃密睫毛膏」→
產品資料 :
能塑造出持久不脫色睫毛效果，締造 300%濃密美睫，獨特配方可防止雙目因濕潤及油份分泌而弄得污跡斑斑，防止熊貓眼出現，而且不會產生乾涸黏結的凝塊，令睫毛變得濃密而不黏稠。
眼影粉效果唔錯，但 mascara 我就唔係太推介了......
雖然全日都冇甩色夠防溶，而搽上去嘅效果其實冇問題，只不過質感有啲濕潤，唔夠快乾，所以睫毛好快就因為太重而 drop 了，變得唔得捲曲.....
沒有留言:
發佈留言
注意：只有此網誌的成員可以留言。