2018年7月19日 星期四

BECCA「Ever-Matte Shine Proof Foundation + Backlight Priming Filter」用後評價

今次介紹嘅係大家都喜愛嘅 BECCA 呀~ 😍 

因為 HK 經已冇得買嘛,正所謂物以罕為貴,加上 BECCA 本身口碑都好好,就順理成章變為大家都愛嘅品牌~

至於 BECCA / Smashbox / Stila 等等呢類外國 brand 點解咁多人捧場都要撤離呢個問題...... 其實响 HK 要養起一個品牌實在係唔容易呀! 大家都知 HK 已經榮登全球最貴樓價 / 租金城市啦,舖租 + back office / 貨倉租金 + 人工 + 上架費 + 廣告宣傳費,計落分分鐘可能冇賺都唔出奇呢。

雖然 BECCA 已經撤離咗 HK 一段長日子,但各位粉絲仍然可於 Sephora 網購得到~ 😊

(高於 $350 係免運費,而低於 $350 運費係 $75) 



至於手上呢 2 件 BECCA 我係上月去德國旅行時買的 →


先介紹「Backlight Priming Filter 光濾鏡妝前底霜」→

蘊含維生素 E + 3 種獨特過濾發光珍珠,有助延長粉底持久度、即時過濾和 blur 走瑕疵、即時撫平細紋和皺紋,為面部添加柔焦光澤,創造從內而外的完美無瑕膚色。

不含對羥基苯甲酸酯 / 硫酸鹽 / 鄰苯二甲酸鹽,適合所有皮膚類型。



就咁唧出嚟已經好清楚望到有滿滿珠光 →


印開後光澤感好澎湃 →


不過搽勻後其實並冇想像之中咁重光澤,只屬微微健康光澤感,質感亦唔會太過滋潤,就算係 HK 咁熱咁潮濕用佢打底都唔會油淋淋 / 反晒光~ 😍

加上有柔焦效果,可以撫平到少少毛孔 / 紋理,望上去皮膚亦更柔滑,愛有光澤感底妝的話就不要錯過~ (也可用來溝粉底用喔)


另外係適合夏天用嘅「Ever-Matte Shine Proof Foundation 啞無油光粉底」→

蘊含 Nylon-12 + Boron Nitride + 維他命 E 及 A,採用獨特的微細粉末,有效吸收油脂、淡化細紋及乾紋、縮小毛孔、同時有效抗氧化,使肌膚全日保持清爽啞緻,塑造全天候柔焦零油光持久妝容。

成份不含油份 / 酒精 / 香料,通過皮膚科專家測試,特別適合油性肌 / 混合肌夏天使用。



始終係外國 brand,顏色選擇十分之多! →

不過以 HK 人膚色計來來去去都係嗰 3 隻色啦 😁


粉底係乳霜質地,質感柔滑易推 →


比一般啞緻型粉底質地更柔滑貼面 →


搽勻後感覺輕盈無光,完全冇一般啞緻粉底嘅乾爭爭缺點 →


搽上粉底後 (未掃碎粉) →

完妝效果係好自然,一啲都唔厚妝,就算未掃碎粉定妝都經已係零油光,優點係啞緻清爽得來、完全冇乾爭爭嘅唔舒服繃緊感覺,係一支妝效好好嘅控油 foundation~ 👍🏻

遮瑕方面屬中等,泛紅 / 泛黃 / 不勻色素約可遮到 7-8 成,但黑眼圈 / 斑斑就只能遮到一半,如有暗瘡印就直頭遮唔到。

雖然呢款粉底質地都係 buildable,可以叠加遮瑕度,但就最多只能 build up 至第 2 層,再加上去就會貼唔實跣粉,所以若然搽完 2 層粉底都仍然覺得唔夠的話,就只能自己再加遮瑕膏了~


柔焦 blur 毛孔 / 紋理效果係一流! 的確可以柔滑到肌膚紋理,令膚質視覺上更加平滑! →

不過始終我係 dry skin 唔太適合用控油粉底,所以雖然搽上面時觸感係好貼面,但一搽勻後鼻位同鼻翼都有即刻出現乾到卡粉情況,都係油性肌 / 偏油嘅混合肌用會好啲~

持久度方面,大約可 last 4-5 小時左右,雖然都會隨住時間慢慢減薄遮瑕度,但就冇轉暗變黃等氧化問題,重點係以我 dry skin 計就算唔掃碎粉都全日冇出過油! 👏🏻

但當然油性肌用呢支 foundation 都最好掃返少少碎粉定妝啦,咁就可以確保底妝更加清爽控油喇~


沒有留言:

張貼留言