2018年8月19日 星期日

美國「KARI GRAN」天然零致害成份化妝品 review

上年推介過嘅「KARI GRAN」天然零致害成份「Lip Whip 有色潤唇膏」,今季除咗改咗金色新 packing 之外,仲有新出嘅「365 防曬修護液 SPF28」 物理性防曬 + 冇任何化學合成成份嘅「定妝礦物粉」登陸 hk 𠻹!👏🏻

對於未熟悉「KARI GRAN」嘅朋友,佢其實响美國係好出名嘅得獎天然成份化妝品,天然到連皮膚敏感 / 孕婦 / 小朋友都用得,完全不傷皮膚,同時亦係 Harvey Nichols 嘅 clean beauty 無害化妝護膚品系列之一 ✨



所有「KARI GRAN」產品均不含 →

❌ Parabens 防腐劑
❌ Sulfates 硫酸鹽
❌ PEGs 聚乙二醇
❌ Mineral oil 礦物油
❌ Phthalates 鄰苯二甲酸酯
❌ 合成香料 / 甲醛 / 激素 / 致癌物


早前亦有出席「KARI GRAN」新品發佈會,由創辦人 Kari 為我試新妝品 →

Kari 自從多年前患上自體免疫性疾病後,就開始鑽硏護膚品成份,後來仲創研咗「KARI GRAN」,以天然護膚化妝品取代化學成份妝品。

於 Harvey Nichols 有得賣 (中環 Landmark / 金鐘 Pacific Place)

(trial products given by KARI GRAN)


皇牌得獎「Lip Whip」$190-220 →

蘊含有機蜂蠟 + 金盞花油 + 山茶花油等全天然、非基因改造成份,質感柔軟並帶有亮澤感,能為缺乏皮脂保護、又經常受外界刺激的唇部帶來保濕鎖水、滋潤、修復及保護作用。

質感非常柔軟潤滑,搽咗之後軟綿綿好似棉花糖咁,仲有點薄荷涼浸浸感覺,不過就唔算太顯色,可當係有色潤唇膏咁,勝在孕婦 / 小朋友都可安心用,就算唔小心吞咗落肚亦無害 👩‍👧 


有多色選擇,新金色 packing 感覺奢華高貴 →


舊黑色 packing →


新出「365 防曬修護液 SPF28」 物理性防曬 + 冇任何化學合成成份嘅「定妝礦物粉」→


Mineral Setting Powder 定妝礦物粉 $220 / 4.5g →

配⽅以雲母及蘆薈為主要成分,絕不添加任何化學物,或其他損害肌膚的合成成份如滑⽯粉、⾹料、染料等。柔滑細緻的礦物粉質,能為肌膚帶來完美啞緻的柔霧妝感,塗抹粉底後再輕輕⼀掃,即能實現無重定妝效果。


以售價 x 容量 4.5g 計,無疑係比較貴,但勝在冇添加任何化學物,又係連孕婦 / 小朋友都可安心用~ 👍🏻

粉質的確係好輕身幼滑,但以妝效計就有啲閃,尤其眼底位一掃得多就會反光 (就如一般礦物粉一樣),建議使用份量愈少愈好。


365 防曬修護液 SPF28 (物理防曬) $450 / 30ml →

獨有「無⽔配⽅」,可免除防腐劑的使⽤,減低患上⽪膚癌風險,並舒緩因⽇曬⽽為肌膚帶來的刺激,適合任何膚質使⽤,包括孕婦同⼩朋友。質地輕柔容易吸收,能預防⽔分流失,並舒緩受損肌膚,強化防禦屏障,徹底保護幼嫩肌膚。


由於成份主要係天然植物籽油,呢支⽤前必需先搖勻,否則會膏油分隔。 


以成份計係好天然純正,裡邊亦含大量植物籽油成份,如⾮基因改造覆盆⼦籽油 + 法國李籽油 + ⽯栗籽油 + 有機夏威夷州堅果籽油 + ⽜油果油 + 荷荷巴油 + 蜂蠟等等,用後感覺滋潤。

不過亦因為含有大量油份,夏天 / 油性肌就真係唔適合用了,會有種好油淋淋嘅感覺,都係留返冬天用更好,亦只適合 dry skin 用~


4 則留言:

  1. Hi Isa,啱啱用完GA Power fabric粉底液覺得ok,但想try try其他,請問混合皮有邊隻好用?

    回覆刪除
    回覆
    1. GA 隻 cushion 粉底都好好用㗎~ 另外適合混合肌嘅 foundation 有太多, 你會唔會有咩要求 / 效果想要?

      刪除
    2. 想要高遮瑕粉底~

      刪除
    3. 如果要高 coverage 都可以睇睇 sofina 隻 primavista 粉底或者 RMK Gel Creamy 粉底~

      刪除